Собранието на „продолжен одмор“ – од таму уверуваат: Пратениците се на терен меѓу граѓаните - Канал 5

Македонија

Собранието на „продолжен одмор“ – од таму уверуваат: Пратениците се на терен меѓу граѓаните

Бура од реакции по одлуката на Собранието да ги откажат сите работни активности и оваа работна недела.

собрание

Граѓаните на социјалните мрежи прашуваат зошто во вакви тешки ситуации пратниците се договориле да земат продолжен одмор, откако заврши неделата на жалост, но и зошто деновиве биле тивки додека во земјава и странство сите се мобилизираат за парични донации за повредените од пожарот.

Во однос на откажаните седници на Собранието, официјалното образложние од кабинетот на спикерот Гаши е дека тоа е консензуална одлука од понеделничката координација меѓу ВМРО-ДПМНЕ, СДСМ, Вреди, Знам и Левица, кои се согласиле дека треба да се откаже неделната агенда имајќи ги предвид чувствата на граѓаните по трагедијата во Кочани. Уверуваат дека во меѓувреме пратениците работеле на нови закони, но и секојдневно одржувале средби на терен со граѓани во пратеничките канцеларии, вклучително и во Кочани.

Пратеничката и претседателка на ЛДП Моника Зајкова најави дека ќе поднесе инцијатива до Собранието, не само пратениците, туку сите избрани и именувани функционери да донираат половина од своите априлски плати.

Канал 5 побара одговор од најголемите пратенички групи – од ВМРО-ДПМНЕ и СДСМ уверуваат дека сите нивни пратеници донирале уште минатата недела, од Еврпоскиот фронт предводен од ДУИ тоа ќе го стореле деновиве, а од Вреди не добивме став. Координаторите велат дека парите ги уплатиле на официјалната сметка на Црвениот крст, но никој не открива по колкава сума издвоиле за настраданите.

YouTube video

Тагови: собрание

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Морничави сцени: Вака изгледа „руско сафари“ ВИДЕО

На социјалните мрежи се појави вознемирувачко видео од украинскиот град Херсон, кое го прикажува моментот кога операторот на руски дрон FPV буквално брка и напаѓа цивилен продавач на зеленчук.

Морничави сцени: Вака изгледа „руско сафари“ ВИДЕО

Видеото го прикажува дронот како кружи околу тезга и бело комби, додека несреќниот продавач панично се обидува да го избегне дронот. Операторот на дронот го следел долго време и го натерал да трча околу возилото, пред да го насочи дронот директно кон него и да ја активира експлозијата.

Во експлозијата тој претрпел потрес на мозокот, повреди од експлозија и повеќекратни рани од шрапнели.

Тој моментално е во болница под медицински надзор, но неговиот живот е надвор од опасност.

Руско „сафари“

Руските војници наводно го објавиле видеото сами и го признале делото, отворено фалејќи се со нападите врз цивили што ги нарекуваат „сафари“.

Украинскиот претседател Володимир Зеленски, исто така, се огласи за овој настан, осудувајќи го секојдневниот терор врз жителите на Херсон и повикувајќи ја меѓународната заедница да реагира порешително.

Извор: Б92

Тагови: руско сафари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала локална облачност. 

Утре сончево и многу топло

Ќе дува слаб до умерен ветер од променлив правец. Минималната температура ќе биде во интервал од 12 до 19, а максималната ќе достигне од 33 до 40 степени.

Во Скопје, сончево и многу топло со слаб ветер од променлив правец. Минималната температура ќе се спушти до 16, а максималната ќе достигне до 39 степени.

Продолжува периодот на сончево и многу топло време со дневна температура која во некои места ќе достигне 40°C. Од четврток до крајот на седмицата во попладневните часови ќе има услови за локален развој на нестабилна облачност со краткотраен пороен дожд и грмежи.

Тагови: Сончево и топло

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Силен земјотрес ја погоди областа во близина на Пиза

Земјотрес со јачина од 4,3 степени ја погоди областа во близина на Пиза во централна Италија утрово, соопшти италијанскиот Национален институт за геофизика и вулканологија.

Силен земјотрес ја погоди областа во близина на Пиза

Во соопштението се вели дека земјотресот се случил во 10:15 часот наутро, со епицентар седум километри западно од Пиза, на длабочина од осум километри, објави Анса.

Земјотресот бил почувствуван низ северна Тоскана, во соседните провинции Лука и Маса-Карара, како и до провинцијата Фиренца.

Засега нема извештаи за повредени или штети.

Тагови: земјотрес

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер