Собирала ѓубре од контејнер, а потоа животот ѝ се променил за момент (видео) - Канал 5

Забава

Собирала ѓубре од контејнер, а потоа животот ѝ се променил за момент (видео)

Оваа старица има 75 години и нејзината приказна ќе ве остави без зборови!

Собирала ѓубре од контејнер, а потоа животот ѝ се променил за момент (видео)

Дебра Ропопорт инспирација наоѓа на улиците на Њујорк, а материјалите што ги користи за своите креации се незамисливи.

Секој уметник ја препознава убавината во нешто што му е блиско и секој сака да биде познат и да остави зад себе некаков белег. Во денешно време тоа е многу тешко, но не и невозможно доколку имате фантазија. Доказ за тоа е уникатната уметница од Америка, Дебра Рапопорт, која во средината на минатиот век инспирацијата ја пронашла во својата околина, а тоа се суровините што најчесто се наоѓаат во ѓубрето.

Дебра Рапопорт (75) наоѓа убавина во сè, од користени кесички чај до картонски пакувања, искината ткаенина и метални остатоци. Таа вешто и радосно своите пронајдени „богатства“ во контејнерите и на улиците на Њујорк, ги користи за да направи шапки, облека и додатоци што го дефинираат нејзиниот уникатен и колоритен стил.

- Сакам бои. Бојата е енергија, исто како нас. Мораме да бидеме опкружени со бои и тоа е моето мото - вели Дебра.

Дебра е авангардна уметница која дипломирала текстилна уметност на универзитет во Беркли. Таа предавала на различни универзитети и водела работилници за тоа како рециклираните материјали да се претворат во креативни и модни парчиња, а себеси се нарекува „Смет Смет“(„Debris Debris“) или „Отпадоци Рапопорт“ („Residue Rapoport“).

Кариерата ја започнала во 1960-тите, но без финансиска поддршка. Немала доволно средства за предиво, но била доволно имагинативна и креативна, па решила да користи суровини од околината.

- Кога почнував, не можев да си дозволам да купам предиво, па отидов во локалната ТВ станица и им побарав стари видео ленти и филм, и од нив направив парчиња што може да се носат. Од државните продавници купував вишок старо јаже и го користев за хеклање, плетење и ткаење - се сеќава Дебра.

Таа стана сензација на социјалните мрежи и беше прикажана во книгата и документарниот филм на Ари Сет Коен наречени „Напреден стил“. Нејзините уметнички дела се наоѓаат во колекции на музеи ширум светот, на пример„Музејот за уметност Метрополитен“ (NI), „МАД“ (музеј за уметност и дизајн), „Музеј на округот Лос Анџелес“, „Ликовни уметности Хјустон“, „Збирка на Хелен Вилијам Друт“, „Музеј на уметноста во Филаделфија“ и „Музејот за накит Илијас Ланунис“.

Оваа веќе призната и популарна уметница вели дека својот стил треба да го збогатите со нешто уникатно по кое сите ќе ве препознаваат.

- Не мора да се облекувате како мене, но облечете нешто во кое се чувствувате добро. Бидете иновативни во вашите комбинации, луѓето сигурно ќе го забележат тоа. Знам дека мојот стил на облекување е прилично необичен и впечатлив, но ми дава можност да ја изразам својата индивидуалност, а тоа сум јас – вели Дебра.

Во последните пет години таа изработува шапки кои се движат од 250 до 400 долари.

- Можам да направам 10 капи од тоалетна хартија и да работам со тој материјал како со ткаенина и влакна. Секој материјал можете да го искористите за дизајн ако сте креативни. Досега не сум наишла на ниту еден негативен коментар, напротив – сите го препознаваат мојот специфичен стил, како и способноста да направам нешто од ништо – додава Дебра.

Оваа година модната ревија во Сонома (Калифорнија) наречена „Trashion Fashion Show“ не можеше да помине без феноменалната Дебра. Шоуто се одржува секоја година на Денот на планетата Земја, 22. Април, а уметничките дела и креациите се направени од рециклирани материјали.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Интер пазареше во Лондон, на Џизепе Меаца пристигна светски вицешампион

Актуелниот италијански шампион Интер договори големо ново засилување за одбраната – аргентинскиот дефанзивец Кристијан Ромеро, кој доаѓа од Тотенхем, треба да го облече дресот на „нероаѕурите“.

Интер пазареше во Лондон, на Џизепе Меаца пристигна светски вицешампион

Според информациите на аргентинскиот ESPN, двата клуба постигнале договор за трансфер вреден 40 милиони евра.

Процесот се забрзал по директните разговори меѓу спортскиот директор на Интер, Пјеро Аузилио, и раководството на лондонскиот клуб.

Тотенхем првично бараше повисоко обесштетување за својот дефанзивец, но двата клуба на крајот сепак најдоа заеднички јазик.

На тој начин, Ромеро ќе се врати во Серија А, каде што претходно се етаблираше како еден од најдобрите дефанзивци во лигата, настапувајќи за Џенова, Јувентус и Аталанта.

Одличниот Ромеро инаку со Аргентина ја освои светската титула во Катар во 2022 година.

Договорениот финансиски пакет му овозможи на лондонскиот тим да поврати значителен дел од инвестицијата, додека Ромеро ќе ја оствари својата желба да ја напушти Премиер-лигата и да се врати во Италија.

Со доаѓањето на Ромеро, Интер дополнително ќе ја засили одбранбената линија. Аргентинецот му се придружува на Џон Стоунс, кој неодамна пристигна од Манчестер Сити, а со овој потег клубот од Милано испраќа јасна порака дека сака да ја задржи доминацијата во Италија и да биде конкурентен во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Георгина и Кристијано викеднов не стапуваат во брак!?

Не, свадбата на најплатениот светски фудбалер Кристијано Роналдо и бујната Георгина Родригез не е овој викенд.

Георгина и Кристијано викеднов не стапуваат во брак!?

Иако на социјалните мрежи кружеа гласини дека Кристијано Роналдо и Џорџина Родригез ќе стапат во брак овој викенд, тие информации се покажаа како невистинити.

Шпекулациите беа поттикнати од наводна покана за свадба прикажана на португалската телевизија; сепак, потврдено е дека парот не планира свадба за овој викенд, пренесува *Hola!*.

https://www.instagram.com/reel/DbTqk8Nvt61/?utm_source=ig_embed&ig_rid=AOHpYWgRTDpG40M-S_bq2qx

Најновиот бран шпекулации започна откако во португалската емисија *V+ Fama* беше прикажан документ опишан како покана за свадба.

Според документот, церемонијата била закажана за сабота, 1 август, во 17:00 часот, на имотот „Кинта да Регалеира“ во Синтра, Португалија.

Наводно, поканата содржела и необично барање гостите да носат црна облека, што предизвика дополнителни дискусии на интернет. Сепак, списанието *Hola!* известува дека е категорично потврдено оти свадбата нема да се одржи овој викенд.

Информациите поврзани со локацијата исто така ги побиваат гласините. Имотот „Кинта да Регалеира“ (Quinta da Regaleira) останува отворен за туристи на 1 август, а билети за разгледување се достапни во текот на целиот ден.

Покрај тоа, за истата вечер на имотот е закажан настап на пејачката и продуцентка Силвана Перес, што ја прави малку веројатна можноста таму да се подготвува приватна свадба од висок профил.

Претставниците на локацијата одбија да ги коментираат шпекулациите во медиумите.

Иако парот ги чува своите планови во тајност, Георгина откри дека се надева на интимна прослава наместо на голем јавен настан.

Во интервју за списанието *ELLE*, таа зборуваше и за свршеничкиот прстен што ѝ го подари Роналдо. Таа го опиша како прекрасен и призна дека ѝ требало време да се навикне на носењето на таков исклучителен дијамант.

Експертите ја проценуваат вредноста на прстенот на најмалку пет милиони евра.

Наместо да се подготвуваат за свадба, парот поминува време со семејството и пријателите. Тие неодамна се појавија на настанот *La Velada del Año* и го продолжуваат одморот на плажа, уживајќи во пливање, голф и редовни тренинзи.

Овој опуштен распоред укажува на тоа дека тие се фокусираат на заедничко поминување време пред Роналдо да се врати на своите професионални обврски.

Официјалниот датум на свадбата не е познат, но неколку фактори укажуваат на тоа дека е малку веројатно церемонијата да се одржи во скоро време.

Се очекува Роналдо за неколку недели да се врати на тренинзите со својот клуб „Ал Наср“ – со кој има договор до 2027 година. Неговиот спортски распоред остава малку простор за организирање меѓународна свадба, па затоа е пореално да се очекува церемонијата да се одржи кон крајот на годината или подоцна.

Тагови: Георгина Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

МЗ: Министерството за здравство внимателно го следи случајот со 19-годишната пациентка

Министерството за здравство внимателно го следи случајот со 19-годишната пациентка и е во постојана комуникација со надлежните здравствени установи.

МЗ: Министерството за здравство внимателно го следи случајот со 19-годишната пациентка

Со цел целосно, објективно и стручно утврдување на сите околности поврзани со лекувањето на пациентката, Министерството издаде налог до Државниот санитарен и здравствен инспекторат да изврши вонреден инспекциски надзор.

По добивањето на инспекцискиот наод и целокупната медицинска документација, Министерството ќе иницира и стручен надзор над досегашниот тек на лекувањето и постапувањето на здравствените работници и установи вклучени во случајот.

Министерството апелира да не се изнесуваат предвремени заклучоци сè додека не завршат надлежните постапки. За утврдената фактичка состојба и за евентуалните натамошни мерки, јавноста ќе биде навремено и транспарентно информирана.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер