Свет

Со зелена боја е испрскан Музејот на Холокаустот и синагогата во Париз, уапсени се тројца Срби

Тројца српски државјани се уапсени под сомнение дека го оштетиле Споменикот на холокаустот, три синагоги и еден еврејски ресторан во Париз со зелена боја во ноќта од петокот кон саботата.

Тие се уапсени вчера во одморалиштето Жуан-ле-Пен, во Антиб (департман Алпи-Маритим), објави Фигаро.

Случајот потсетува на графитите „црвени раце“ на Ѕидот на праведните во Споменикот на холокаустот во мај 2024 година. Овие лица биле идентификувани благодарение на детална анализа на телефонски податоци. Според извор близок до истрагата, тројцата српски државјани се обидувале да ја напуштат земјата во моментот на апсењето.

Инцидентот се случил во саботата во 5:15 часот наутро, кога надзорните камери на Споменикот и две синагоги снимиле, во едниот случај, маж облечен во црно, а во другиот, двајца мажи, едниот како прска зелена боја, а другиот го снима. Истрагата ја започна Територијалната безбедносна служба за „штета мотивирана од верска омраза“.

Зелениот графит потсетува на „црвените раце“ што биле насликани на Ѕидот на праведните во Споменикот на холокаустот во мај 2024 година.

Во тој случај, тројца бугарски државјани осомничени дека ги насликале биле обвинети и притворени кон крајот на минатата година. Ознаките „црвени раце“, симбол што може да се поврзе со линчувањето на израелските војници во Рамала во 2000 година, се протолкувани од безбедносните служби како операција на странско влијание.

Инцидентот со зелената боја е осуден од министерот за внатрешни работи Бруно Ретај, градоначалничката на Париз, Ан Идалго, и претставници на сите политички партии. Претседателката на Националното собрание, Жал Браун-Пивет, и претседателот на Сенатот, Жерар Ларше, го посетија Споменикот на холокаустот во понеделник вечерта.

Тагови: Париз холокаустот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ИН МЕМОРИАМ: Почина познатиот македонски специјалист радиолог д-р Душан Јовановски

По кратко боледување почина истакнатиот македонски лекар, д-р Душан Јовановски, специјалист радиолог со над четири децении кариера во здравството.

Д-р Јовановски, својот професионален пат го започна во Здравствениот дом Кратово во 1989 година, каде беше и Директор од 2005 до 2009.

Од 1987 до 1997 беше спортски доктор на фудбалскиот клуб Силекс, а во периодот од 2000 – 2005 и спортски доктор на Националниот фудбалски тим на Република Македонија

Последните 17 години беше незаменлив дел од тимот на МЕГАМЕД ПЛУС. Колегите и пациентите ќе го паметат како врвен радиодијагностичар со огромна емпатија и висока стручност, кој спаси стотици човечки животи.

Со неговото заминувањето ќе остане огромна празнина во јавното и приватното здравство.

Последниот поздрав ќе се одржи во Четврток, 25 Јуни 2026, од 09:00 до 10:00 часот на гробиштата Ѓорче Петров во Скопје

Нека почива во мир

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Ангелов: Уништени две хемиски гранати со боен отров од Првата светска војна

На стрелиштето Криволак уништени две хемиски гранати со боен отров од Првата светска војна.

На стрелиштето Криволак уништени две хемиски гранати со боен отров од Првата светска војна, информира директорот на Дирекцијата за заштита и спасување, Стојанче Ангелов.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претставена „Везилка“ - Македонија добива национална фабрика за вештачка интелигенција

Проектот „Везилка“ – Национален центар за вештачка интелигенција, денеска беше официјално презентиран.

Станува збор за иницијатива што треба да ја поврзе домашната научна заедница, државните институции и приватниот сектор со европската инфраструктура за развој на вештачка интелигенција.

На промоцијата беше истакнато дека „Везилка“ не претставува самостојна „фабрика за вештачка интелигенција“, туку таканаречена „АИ антена“ – национален центар поврзан со европската АИ фабрика „Фарос“ во Грција. Преку ова партнерство, македонските истражувачи, стартапи, компании и јавни институции ќе добијат пристап до европски суперкомпјутерски капацитети, вклучително и суперкомпјутерот „Даедалус“, како и до напредни бази на податоци и специјализирани алатки за развој на модели со вештачка интелигенција.

Проектот чија реализација е планирана за три години, има вкупен буџет од околу 6,2 милиони евра. Од нив, приближно 3,1 милиони се обезбедени како грант од Европската Унија додека останатите средства се кофинансирани од државата.

„Везилка“ е вложување во иднината, во потенцијалот на македонските научници, истражувачи, студенти и компании. Тоа е и јасна определба државата да биде активен учесник во технолошките процеси што го обликуваат современиот свет - Христијан Мицкоски- претседател на владата

проектот претставува историски чекор во дигиталниот развој на државата и обид да се изгради траен систем, наместо да се реализираат поединечни и краткорочни проекти, посочи министерот Андоновски.

Целта на Везилка,се конкретни решенија базирани на вештачка интелигенција – од македонски јазични модели и дигитализација на културното наследство, до анализа на здравствени податоци, оптимизација на енергетските системи, автоматизација на административните услуги и примена на паметни технологии во земјоделството.

Покрај истражувачката компонента, „Везилка“ ќе функционира и како центар за обука и развој на кадри..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.