Со воведни зборови на одбрана продолжува судењето за пожарот во дискотеката „Пулс“ во Кочани - Канал 5

Македонија

Со воведни зборови на одбрана продолжува судењето за пожарот во дискотеката „Пулс“ во Кочани

Со тоа ќе завршат воведните зборови и на одбраната, по што треба да почне доказна постапка со сослушување на сведоци оштетени, предложени од Обвинителството. 

Со воведни зборови на одбрана продолжува судењето за пожарот во дискотеката „Пулс“ во Кочани

Во судницата во Идризово при Основниот кривичен суд Скопје денеска продолжува судењето за пожарот во дискотеката „Пулс“ во Кочани. На денешното рочиште се предвидени воведни зборови на одбраната на Александар Нацев, што според Обвинителството дејствувал како неформален, односно реален сопственик на агенцијата за обезбедување „Рубикон“, фирмата задолжена за обезбедувањето на клубот како и одбраната на обвинетите правни лица „ММММ КАФЕ“ ДООЕЛ Кочани и „РУБИКОН СЕКЈУРИТИ СОЛУШНС“.

Со тоа ќе завршат воведните зборови и на одбраната, по што треба да почне доказна постапка со сослушување на сведоци оштетени, предложени од Обвинителството.

Претходно, во воведното излагање, обвинителот Борче Јанев истакна дека судењето е чекор кон утврдување на лична и институционална одговорност, нагласувајќи дека општеството мора да се соочи со вистината – кој дозволил, кој молчел и кој не спречил да се случи трагедијата во „Пулс“. Тој порача дека не е важно само кој го запалил огнот, туку и кој имал можност да го спречи, посочувајќи дека трагедијата не е резултат само на пиротехниката, туку на долгогодишни системски пропусти, институционален молк и недостиг на контрола што ја претвориле дискотеката во „смртоносна стапица“. Јанев нагласи дека се бара правда, не како одмазда, туку како последица на незаконитост и занемарена должност.

Сите обвинети на почетокот од судењето изјавија дека не се чувствуваат виновни за трагедијата во која загинаа 63 лица, а над 200 беа повредени. Некои од нив изразија сочувство кон семејствата на жртвите, но останаа на ставот дека не сториле „тешки дела против општата сигурност“.

Повеќемина обвинети, преку своите адвокати, ја оспорија основаноста на обвинението. Нивните одбрани тврдат дека обвинетите не презеле дејствија што би можеле да доведат до пожарот, дека поседувале валидна документација и дека трагедијата е резултат на институционални пропусти, а не на индивидуална вина. Одбраната најави изведување докази и сведоци што, според нив, ќе ја потврдат оваа теза.

Во досегашните воведни обраќања своја одбрана веќе имаа и првообвинетиот сопственик на дискотеката „Пулс“, Дејан Јованов, сопственикот на „МММ кафе“ Митко Стојанов, обезбедувачот Стојанчо Димитриев и Гроздан Милковски, сопственик на објектот. Јованов претходно истакна дека и по девет месеци притвор не може да поверува во трагедијата и дека како родител никогаш не би дозволил небезбедни услови во клубот. Неговиот син, третообвинетиот Михаил Јованов, преку одбраната тврди дека против него нема ниту еден доказ и дека е обвинет само затоа што е член на семејството Јованови.

Бранителите на Митко Стојанов нагласија дека обвинението против него е неосновано и дека нема причинско-последична врска меѓу неговите постапки и пожарот. Адвокатката на Гроздан Милковски потенцираше дека постапката за закуп е била законита, дека Милковски поседувал валидна документација и дека не учествувал во адаптација на објектот.

Проектантот Милка Едровска преку својата одбрана истакна дека била ангажирана само за сообраќајно решение за паркинг и дека нема никаква врска со адаптацијата на објектот, ниту со неговата внатрешна структура. Градежните инспектори, пак, тврдат дека не можеле да постапуваат без пријава или наредба, а дека причината за трагедијата не се градежни пропусти.

Поранешниот градоначалник на Општина Кочани, Ратко Димитровски, преку својот бранител оцени дека обвинението претставува преседан, наведувајќи дека тој уште пред отворањето поднел барање за неиздавање дозвола за работа. Одбраната на поранешните градоначалници Николчо Илијев и Љупчо Папазов тврди дека тие работеле согласно закон, дека надзорот не бил во нивни раце и дека процесот се води врз основа на нецелосна истрага.

Обвинетите од обезбедувањето, преку одбраната, истакнаа дека обвинението е изградено врз претпоставки, дека дел од нив имале ограничени задачи и дека не можеле реално да спречат внес на пиротехника, посочувајќи повторно на институционални пропусти како главна причина за трагедијата.

Поранешните министри за економија Крешник Бектеши и Ваљон Сараќини, како и поранешните директори на Дирекцијата за заштита и спасување, во своите воведни говори го негираа обвинението и истакнаа дека немаат никаква вина. Додека, одбраната на обвинетите службеници од Министерството за економија нагласи дека тие имале само административни надлежности поврзани со документацијата за лиценци, без право или можност за теренска инспекција, и дека работеле со документи заверени од други институции.

Пазарните инспектори преку својата одбрана упатија серија забелешки кон Обвинителството, наведувајќи дека правната конструкција е погрешна и дека во јавноста се пласираат неточни информации за нивните ингеренции и за статусот на објектот.

На 16 март 2025 година, за време на настап на групата „ДНК“ во дискотеката „Пулс“ во Кочани, избувна пожар во кој загинаа 63 лица, а над 200 беа повредени. Во објектот имало над дозволениот број посетители, меѓу кои и малолетници, а пиротехнички средства биле активирани без дозвола. Објектот работел незаконски повеќе од една деценија, без минимално-технички услови, со реконструкции без дозволи и без систем за противпожарна заштита.

Тагови: Пожарот во Кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Романската нуклеарна централа не може да се лади

Романската нуклеарна централа не може да се лади,започнато е ископување во речното корито на Дунав.

Романската нуклеарна централа не може да се лади

Надлежните органи во Романија спроведуваат обемна интервенција на Дунав со цел да се одржи водоснабдувањето неопходно за работата на нуклеарната централа „Чернавода“. Започнато е и минирање на карпести формации за да се пренасочи текот на реката.

Оваа мерка се презема поради екстремно ниското ниво на водата во реката, предизвикано од тешката суша што го зафати целиот регион, објави порталот Brasov.net.

Операцијата се одвива во областа на кракот Бала, каде што тимови составени од претставници на армијата, речната управа, Романската агенција за води и други надлежни институции вршат детонирање на карпести формации познати како „Паржоаи“ (Paržoai).

Целта е да се промени протокот на вода така што поголема количина ќе биде насочена кон Стариот Дунав, а со тоа и кон доводниот канал на нуклеарната централа.

Во неделата околу пладне беше извршена пробна експлозија за да се проверат техничките услови пред главната операција. Експертите ќе ги анализираат резултатите за да ги утврдат следните чекори.

По минирањето, проектот предвидува поставување на четири баржи натоварени со околу 500 тони камен. Тие ќе помогнат да се пренасочи текот кон делот од реката што ги снабдува постројките за ладење на централата.

Истовремено, во таа област продолжуваат работите за продлабочување на коритото со цел да се подобри циркулацијата на водата. Наглиот пад на водостојот предизвика проблеми како за производството на енергија, така и за пловидбата.

На влезот на Дунав во Романија, протокот изнесува околу 1.600 кубни метри во секунда, што е значително под долгорочниот просек од приближно 4.700 кубни метри во секунда. Тешките услови доведоа до ограничувања на пловидбата на неколку делници од реката, каде што бродовите беа принудени да пловат со намален товар.

Во изминатите денови, неколку шлепови се насукаа на песочни спрудови, а операциите за нивно ослободување беа отежнати.

Романската влада одобри околу седум милиони леи (околу 1,3 милиони евра) за овие активности. Сепак, експертите посочуваат дека интервенцијата е сложена и дека нејзината ефикасност ќе зависи од движењето на водостојот на Дунав во наредниот период.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

ФИФА го кочи трансферот на Реал вреден 120 милиони евра

Официјалната објава за преминот на Јан Диоманде во Реал Мадрид е одложена поради спор меѓу двете агенции што го застапуваат играчот. 

ФИФА го кочи трансферот на Реал вреден 120 милиони евра

Во конфликт се „Максидел менаџмент“ (Maxidel Management), во сопственост на Макс Градел, и „Рок Нејшн“ (Roc Nation), мултинационалната компанија на раперот Џеј-Зи.

„Максидел“, агенцијата што посредуваше во трансферот на Диоманде од Леганес во Лајпциг минатата година, поднесе жалба до ФИФА.

Тие тврдат дека Реал Мадрид преговарал со „Рок Нејшн“ – агенцијата што моментално го застапува играчот – и дека притоа бил прекршен нивниот претходен договор, пишува „АС“ (AS).

Поради овој судир на агенциите дури и познатиот експерт за трансфери Фабрицио Романо минатата недела објави дека Диоманде договорил трансфер во Реал Мадрид за сума „поголема од 100 милиони“, а подоцна ESPN извести дека станува збор за трансфер вреден 122 милиони евра, плус дополнителни десет милиони во бонуси.

Поради лошата објава на Романо се огласи и германскиот Лајпциг.

Директорот на РБ Лајпциг, Филип Хинце, остро реагираше кон новинарот Фабрицио Романо, кој објави дека трансферот на Јан Диоманде во Реал Мадрид е веќе договорен: „Некои таканаречени експерти пред неколку дена напишаа дека трансферот е завршен и извикаа ’here we go‘ [препознатливата фраза на Романо – заб. на уред.]. Но, тоа не е точно; сè уште не сме стигнале до таа фаза“, изјави Хинце.

Спорот не е само внатрешно прашање меѓу двете компании, бидејќи директно влијае на трансферот меѓу германскиот клуб и Реал Мадрид.

Според прописите на ФИФА, оваа ситуација би можела да ја искомплицира регистрацијата на играчот. Реал Мадрид тврди дека не биле запознаени со спорот и сметаат дека тој не се однесува на клубот. Тие очекуваат конечната одлука да биде во нивна корист, иако трансферот моментално е во мирување.

Едно од предложените решенија е издавање привремена дозвола за Диоманде додека не се решат правните аспекти на договорот, со оглед на тоа што сите други услови се веќе договорени.

Износите и распоредот на плаќањата кон Лајпциг се утврдени, документацијата е подготвена, а договорот на играчот е изготвен. Сепак, конечната одлука зависи од ФИФА, која ја има примено жалбата и моментално ја разгледува. Меѓународното фудбалско тело строго ги регулира активностите на агентите и има овластување да го одложи, па дури и да го одбие внесувањето на трансферот во системот доколку постои спор во врска со правата за застапување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Фото: Драма во Србија, спасено момче заглавено на карпа висока 15 метри

Погледнете ја акцијата за спасување на момче заглавено на карпа висока 15 метри

Фото: Драма во Србија, спасено момче заглавено на карпа висока 15 метри

Драмата во манастирот „Преображение“ во Овчар Бања заврши со успешна акција на пожарникарите-спасувачи, кои безбедно ги спуштија од стрмната карпа висока 15 метри заробеното момче и двајцата монаси, кои први пристигнале на помош.

Вистинската драма се одвиваше синоќа во близина на манастирот „Преображение“ во Овчар Бања, кога момчето се искачи на непристапна карпа висока околу 15 метри, од која не можеше безбедно да слезе. Момчето дошло во манастирот со своите родители по повод празникот Преображение, кога во манастирскиот двор имало голем број верници и деца.

Во еден момент, тоа се оддалечило и се искачило на стрмна карпа, а ситуацијата станувала сè поопасна. Кога виделе дека детето е во неволја, двајца монаси тргнале кон него за да се обидат да му помогнат, но и тие се нашле на непристапен терен.

Набрзо на местото на настанот пристигнале припадници на Противпожарната и спасувачка единица и ја започнале сложената операција за извлекување. Со брза, смирена и професионална интервенција, пожарникарите-спасувачи успеале безбедно да ги спуштат момчето и двајцата монаси. Операцијата завршила без повреди, а детето било вратено кај родителите.

Првите фотографии од местото на настанот сведочат за тешкиот терен на кој се одвивало спасувањето, но и за присебноста и храброста на припадниците на Противпожарната и спасувачка единица.

Во знак на благодарност за успешното спасување, еден од монасите им подари икона на пожарникарите. Уште една интервенција беше успешно спроведена – без повреди и со безбедно враќање на детето во прегратките на родителите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер