Култура

Со традиционалното палење на поетскиот оган се отворија „Струшките вечери на поезија“

Со музичко перформанс во изведба на култниот македонски музичар Џијан Емин, традиционалното палење на поетскиот оган и спектакуларен огномет вечерва свечено се отвори 62. издание на фестивалот „Струшки вечери на поезија“.

Манифестацијата се одржа на платото пред Домот за култура „Браќа Миладиновци“ во присуство на бројни странски и домашни поети, како и на владини претставници и љубители на пишаниот збор.

Поетската порака ја испрати македонскиот поет Милован Стефановски, која потенцираше дека Струга е светска престолнина на поезијата.

- Ако само за миг замислиме, а имагинацијата е непрегледно бескраен небесен океан, дека е можно овде, во една ваква августовска вечер, одеднаш да бидат присутни сите што доаѓале во изминатата повеќе од шестдецениска традиција на СВП, сигурно дека би добиле население колку за уште една Струга. Би добиле неверојатно преклопување на стапките по тротоарите и патеките од двете страни на Дрим на многу познати и признати светски поетски имиња и стожерни великани (Рафаел Алберти, Лу Јуан, Андреј Вознесенски, Ежен Гилвик). Нивните стапки се преклопуваат со стапките на нашите македонски поетски гордости (Блаже Конески, Ацо Шопов, Матеја Матевски, Анте Поповски), но и на поетските перјаници на блиските соседни народи (Десанка Максимовиќ, Фатос Арапи, Љубомир Левчев, Јанис Рицос). Тоа е една само навидум невидлива, но живо присутна мрежа со поетска плетка што ја варди Струга и во исто време во нераскинлива традиција ги поврзува поетите со сите вљубеници и поклоници на убавиот поетски збор. Таа поетска плетка како во огледало има одраз на ѕвезденото небо над Струга - истакна Стефановски.

Министерката за култура Бисера Костадиновска-Стојчевска вечерва, на платото пред Центарот за култура „Браќа Миладиновци“ во Струга, го отвори 62-то издание на „Струшките вечери на поезијата“. Таа во своето обраќање рече дека ехото на Миладиновци е присутно и денес и дека од година во година е сè погласно, посочувајќи дека нашата Струга е посебно место, каде на Мостовите на поезијата се сретнуваат и Истокот и Западот и место каде што сè уште боли „Т ́га за југ“.

- Продолжи тоа ехо благодарение и на Струшките вечери на поезијата, создадени по промислата на величествените македонски современи автори чија визија нè крепи и по децении од нивното заминување – додаде министерката.

Министерката Костадиновска-Стојчевска кажа дека Струга во својот полн сјај сведочи за визијата на големите македонски автори, кои со децении ја збогатуваат нашата култура, а „Струшките вечери на поезијата“ не се само славење на зборовите, туку и поетско рандеву кое е потврда на душата на човештвото.

– Македонскиот современ литературен јазик има збор за секоја песна, за секој стих, на сите поети од светот, за сè што е неизречено. Го има и изразот „вештачка интелигенција“, која можеби ќе напише и поема, ама никогаш нема да допре до длабоката тишина – посочи министерката за култура Бисера Костадиновска-Стојчевска.

За нејзиниот говор главна инспирација беа зборовите на лауреатот, годинашниот венценосец, академик Влада Урошевиќ, според кој „поетот не му е должен никому ништо, освен на јазикот на кој ги создава своите дела“, со кој се согласува и министерката за култура Костадиновска-Стојчевска, посочувајќи дека човештвото не може да и без поезија.

Годинашното фестивалско издание се одржува под мотото „Чувствотворен јазик“ со намера да се потенцира аспектот на поезијата и на поетскиот јазик како јазик творен, односно создаден од чувства, но и како јазик што создава чувства, во своето автентично издание.

На „Струшките вечери на поезијата“, еден од најстарите и најзначајни светски поетски фестивали кој ќе се одржува од 24 до 28 август, годинава поетски читања ќе имаат над 25 странски поети, како и домашни поети од постарата, но и од помладата генерација.

Дел од фестивалот ќе биде и специјалниот настан поврзан со настапот на избраните поети од платформата „Версополис“, проект поддржан од Европската комисија во кој културната манифестација „Струшки вечери на поезијата“ учествуваат од 2014 година.

Од изданијата на Струшките вечери, покрај „Монографијата“ за добитникот на „Златен венец“; „Зборникот“ на фестивалот, кој годинава ќе биде во проширено издание, а ќе има и електронско издание; тријазичното издание на минатогодишниот добитник на наградата „Браќа Миладиновци“; изданието на добитникот на наградата „Мостови“; во чест на јубилејот 60 години од востановувањето на наградата „Браќа Миладиновци“, ќе биде издадена и Антологија за поезијата и флората „Меѓу дрвјата“, чиј приредувач е нашиот истакнат македонски поет, универзитетски професор и филозоф Иван Џепароски.

По повод јубилејот „200 години од раѓањето на Шандор Петефи“, во соработка со Амбасадата на Унгарија, на овогодишното издание на „Струшките вечери на поезијата“ ќе биде отворена изложба за животот и делото на овој славен унгарски поет.

Музичарот Џијан Емин ја изведе нумерата „King Of Sopiste“, додека девојките од балетското студио „БАХ“ го запалија традиционалниот оган.

Вечерта продолжи со поетското читање Меридијани, на кое настапија повеќмина автори од земјава и од странство.

Во следните фестивалски дена на „Струшките вечери на поезијата“ ќе можат да се чујат околу 25 поети од странство и 40-тина од државата.

Манифестацијата, која ќе трае до 28 август, се одржува под мотото „Чувствотворен јазик“.

Во текот на утрешниот ден поетите ќе го посетат манастирскиот комплекс во Калишта, каде што ќе се одржат повеќе читања, а во текот на денот ќе бидат промовирани и неколку поети од „Версополис“, како и антологијата „Меѓу дрвјата (флората и фауната)“ и Антологијата на најмладата македонска поезија. Ќе бидат презентирани и портретите на добитниците на наградите „Мостови на Струга“ и „Браќа Миладиновци“, соопштија од Министерството за култура.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Продолжение на кул видеото за Хрватска со Малкович, се придружува Модриќ

Новото видео се одвива во Задар.

Пред вечервашниот натпревар помеѓу Хрватска и Португалија во осминафиналето на Светското првенство, објавено е продолжението на промотивниот филм за хрватскиот туризам „ХРВАТСКА - Слушнав дека е прекрасно“ (CROATIA - I hear it's beautiful), во кој главните улоги ги играат капитенот на Хрватска, Лука Модриќ, и холивудскиот актер со хрватски корени, Џон Малкович.

Морските оргули во главната улога

Новото видео се одвива во Задар. Џон Малкович доаѓа до Морските оргули, каде што разговара со Лука Модриќ по телефон. Капитенот на хрватската репрезентација му објаснува зошто е толку посебно и како морето и брановите создаваат уникатна мелодија што не може да се чуе никаде на друго место.

Откако го слуша звукот на Морските оргули, Малкович ентузијастички вели: „Лука, сите беа во право. Хрватска е прекрасна.“

Но, Модриќ нема многу време за разговор бидејќи го очекува тренинг.

„Џон, немам време. Уживај во Хрватска... и избриши го мојот број“, одговара тој, завршувајќи го нивниот разговор.

Нова разгледница од Хрватска за целиот свет

Како и првиот филм од кампањата, и овој е потпишан од Пит Радовиќ, наградуван телевизиски и спортски продуцент со хрватски корени, кој беше креативен директор на проектот.

Хрватскиот туристички одбор им се заблагодари на Хрватската фудбалска федерација, селекторот Златко Далиќ, Лука Модриќ и сите репрезентативци за нивната соработка и им посака среќа на тимот во вечерашниот натпревар против Португалија.

Извор: Индекс.хр

Технологија

Британците го блокираат договорот на векот: Спојувањето на „Getty Images“ и „Shutterstock“ не успеа

Компаниите првично го склучија договорот за да се одбранат од конкуренцијата во областа на вештачката интелигенција (ВИ).

„Getty Images“ одлучи да го запре процесот на спојување со конкурентот „Shutterstock“, вреден 3,7 милијарди долари, поради ограничувањата наметнати од регулаторите во Велика Британија, објави „The Wall Street Journal“. Откажаниот договор меѓу двата гиганти за фотографии покажува дека одобрението од САД не е нужно сè што е потребно за да се случи договор.

„Getty“ и „Shutterstock“ го објавија планираното спојување уште во јануари 2025 година, со цел да се создаде фотографски гигант кој би можел да се справи со очекуваната конкуренција во областа на слики генерирани од вештачка интелигенција. Новата компанија требаше да се вика „Getty Images Holdings Inc.“, а извршниот директор на „Getty“, Крег Питерс, го опиша потегот како „трансформативен“.

Соочен со овие барања, одборот на „Getty“ едногласно одлучи „да не продолжи со продажбата на уредничкиот бизнис на „Shutterstock“... и да го раскине договорот за спојување“, според неговото поднесување до Комисијата за хартии од вредност (SEC). Тоа значи дека договорот е мртов, освен ако не се случи „значајна промена на околностите“ пред 7 јули.

И „Getty“ и „Shutterstock“ неодамна склучија договори со „OpenAI“, дозволувајќи им на нивните слики со воден печат да се појавуваат во резултатите од пребарувањето на „ChatGPT“. Но, и покрај нивната сеприсутност на социјалните медиуми, големите медиумски страници во голема мера ја избегнуваа визуелната содржина генерирана од вештачка интелигенција.

Ограничувањата во Велика Британија, исто така, ги истакнуваат ризиците со кои се соочува „Paramount“ во Велика Британија и на други места поради масовното спојување со „Warner Brothers Discovery“, и покрај тоа што доби одобрение од Министерството за правда на САД.

Извор: Б92

Свет

Пресврт: Сепак ништо од предавањето на оружјето?

Одговорот поднесен од Хамас во Каиро усвоил формулација што предвидува „ограничување, собирање и складирање на оружје“, наместо барање за нивна конфискација или предавање

Палестинското милитантно движење Хамас успеа да отстрани од својот предложен план за преминување во втората фаза од планот за Газа формулирања што би можеле да се протолкуваат како барање за предавање на оружјето или капитулација на движењето, изјави денес висок функционер на движењето.

Според него, одговорот поднесен од Хамас во Каиро усвоил формулација што предвидува „ограничување, собирање и складирање на оружје“, наместо барање за нивна конфискација или предавање, што, тврди тој, значи дека барањето за целосно разоружување на движењето или отстранување на неговата воена инфраструктура е отфрлено.

Функционерот на Хамас додаде дека на состанокот во Анкара е постигнат договор и со медијаторите за зачувување на правниот статус на Појасот Газа и неговата поврзаност со правните и суверени институции на Палестинската самоуправа, како претставник на палестинскиот народ.

Тој оцени дека таквото решение треба да спречи, како што изјави, можни планови за експропријација на државно и приватно земјиште за изградба на трајни кампови за раселени лица, што го поврза со наводните планови на израелската влада да го поттикне егзодусот на населението од Газа.

Истиот извор наведува дека на почетокот на неделата во Анкара се одржал состанок, кој не бил јавно објавен, помеѓу директорот на турската разузнавачка служба Ибрахим Калин, шефот на египетската разузнавачка служба Хасан Рашад и членовите на претседателскиот совет на Хамас, Калил ал-Хаја и Калед Мешал.

Националниот комитет одговорен за управување со Појасот Газа вчера објави дека завршил дводневни разговори на Кипар за напорите за ублажување на хуманитарната криза и подобрување на условите за живот во палестинската енклава.

Комитетот на платформата „X“ изјави дека на состаноците учествувале претставници на Советот за мир, канцеларијата на високиот претставник за Газа, Николај Младенов, и Фондацијата Тони Блер.

Како што беше најавено, разговорите се фокусирале на опциите за итно олеснување на хуманитарната ситуација, како и на иницијативите за реконструкција, безбедност, управување и институционални реформи што би обезбедиле транспарентност и би ги исполниле барањата на меѓународните донатори.

Извор: Б92

Тагови: оружје Хамас