Со традиционален огномет и со почит за хероите, Прилеп го одбележува 11 Октомври - Канал 5

Македонија

Со традиционален огномет и со почит за хероите, Прилеп го одбележува 11 Октомври

Со традиционалните импровизиран напад на градот и богат огномет, синоќа Прилеп ги започна чествувањата по повод 11 Октомври и 84-годишнината од почетокот на народното востание 1941-та.

Со традиционален огномет и со почит за хероите, Прилеп го одбележува 11 Октомври

Пред голем број прилепчани, традиционалниот импровизиран напад на градот потсети на виорните времиња кога пред 84 години со нападот на тогашната полициска станица - Участак, на прекин на телефонските и телеграфски жици и на прилепскиот затвор на трите групи на партизанскиот одред „Гоце Делчев“, бил означен почетокот на народното, победоносно востание и победата над фашизмот.

- Таа ноќ на 11 октомври 1941-та, прилепските херои, водени од идеалите за слободна татковина, ја запалија искрата која ја осветли цела Македонија. Таа искра го означи почетокот на крајот на ропството, и почетокот на еден нов, историски пат, патот кон создавање сопствена држава, кон самостојна, независна и горда Република Македонија. Вредноста на 11 Октомври не е само во историската победа, туку и во пораката што ја носи дека кога Македонецот верува во нешто, тој стои исправен, непокорен и не се откажува, порача прилепскиот градоначалник Борче Јовчески при синоќешното обраќање од камената бина на плоштадот „Александрија“ во Прилеп.

Бројни прилепчани го посетија и меморијалниот музеј „11 Октомври“, потсетувајќи се на славните историски настани пред 84 години.

Денеска на празникот, од 10 часот предвидено е да им биде оддадена почит на загинатите борци и дејци: пред споменикот на првиот претседател на Президиумот на АСНОМ, Методија Андонов - Ченто, пред споменикот на идеологот на востанието, Кузман Јосифорски - Питу, во центарот на градот, во Алејата на народните херои во Паркот на револуцијата, пред споменикот Жена - борец, како и пред Могилата на непобедените каде се моштите на 650 борци од Прилеп и прилепско, кои загинале во НОБ и револуцијата.

Во 12:30 часот во Центарот за култура „Марко Цепенков“ најавена е свечена академија каде се очекува да говори премиерот Христијан Мицкоски.

Во чест на празникот, во центарот на градот ќе се одржат саем на земјоделски производи и изложба на автомобили, а во просториите на Црвениот крст и традиционална крводарителска акција.

Тагови: 11 Октомври Прилеп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Влада донесе одлука: Се намалува ДДВ-то за горивата од 18 проценти на 10 проценти

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Влада донесе одлука: Се намалува ДДВ-то за горивата од 18 проценти на 10 проценти

Владата на денешната седница, донесе Одлука со која ДДВ се намалува од 18% на 10%, со цел директно да се ублажи ценовниот удар врз граѓаните и стопанството во услови на кризна состојба поради можноста за нарушувања во снабдувањето со нафта и нафтени деривати.

Согласно пресметките на Владата, со намалувањето на ДДВ од 18% на 10% значително ќе се ублажи очекуваното зголемување на цените на горивата.

Кај нафтата, наместо редовното очекувано зголемување од околу 5 денари, со оваа мерка се очекува намалување од околу 2 денари. Тоа значи вкупно ублажување на ценовниот удар од околу 7 денари, при што новата цена би изнесувала околу 99 денари за литар.

Кај бензините, согласно пресметките, се очекува зголемување од околу 3,5 денари, што значи дека новата цена би изнесувала околу 100,5 денари за литар за бензинот ЕУРОСУПЕР БС-95, односно 102,5 денари за литар за бензинот ЕУРОСУПЕР БС-98.

Повластената даночна стапка од 10% ќе се применува од 00:01 часот на 15 септември 2026 година до 24:00 часот на 28 септември 2026 година.

Со оваа одлука Владата презема конкретна и навремена мерка за заштита на животниот стандард на граѓаните, намалување на финансискиот товар и поддршка на стопанството во услови на кризна состојба.

Владата продолжува внимателно да ги следи состојбите на пазарот на нафтени деривати и да презема мерки во интерес на граѓаните и економијата.

Тагови: влада

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Шкотска, Велс и Северна Ирска се здружуваат – бараат право на референдуми за независност

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Шкотска, Велс и Северна Ирска се здружуваат – бараат право на референдуми за независност

Лидерите на Шкотска, Велс и Северна Ирска во понеделник ќе се сретнат во Кардиф, каде што треба да потпишат заедничка декларација со која ќе го потврдат правото на нивните нации на самоопределување и ќе побараат можност граѓаните на референдуми да одлучуваат за својата иднина.

Според „Телеграф“, ова ќе биде прв заеднички настап на тројца лидери на Шкотска, Велс и Северна Ирска кои отворено се залагаат за промена на сегашниот уставен статус во рамките на Обединетото Кралство.

По состанокот се очекува нивните партии да потпишат и меморандум за соработка во четири области – економијата, енергетиката, европа и меѓународната соработка и самоопределувањето.

Сите три политички опции имаат и европска агенда. Шкотската национална партија и Плајд Камри се залагаат независните Шкотска и Велс во иднина да станат членки на Европската Унија, додека Шин Фејн бара обединување на Северна Ирска со Република Ирска.

Шкотскиот премиер Џон Свини смета дека политичките промени покажуваат дека сегашната состојба не може да трае бесконечно.

Тагови: референдум

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер