Македонија

Со судска пресуда се наложуваат институционални реформи за пристап до матичната евидениција на сите граѓани

Околу 500-тини луѓе кои немаа документи за лична документација добија нова надеж

Околу 500-тини луѓе кои немаа документи за лична документација добија нова надеж дека со донесената судска пресуда на граѓанскиот суд со што било потврдено дека има дискриминација и системска исклученост на Ромите и другите запишани во Посебната матична книга на родени. Со пресудата се наолжуваат итни и порактивни институционални реформи со цел да се обезбеди пристап до матичната евиденицја за сите граѓани без разлика на етничкото потекло и статус.

Колективината тужба беше поднесена од Европскиот центар за права на Ромите и Македонското здружение на млади првници против Министерството за правда и управата за водење матични книги.

„Согласно јавниот повик во 2018 година, а потоа и Законот за неевидентирани лица од 2020 година, истата година им беа издадени вакви документи но се до 2023 година кога се измени законот за матична евиденција не добија пристап до основните права. - Овие луѓе добија упис во редовната книга и тоа 2023 година, кога се промени законот за матична евиденција и настанаа промени од оваа инситуција се промени стана многу пофлекисибилна“, изјава Александра Ефремова Македонско здружение на млади правници.

Во оваа состојба се наоѓаат во најголем процент Ромите кои имаат потешкотии да го докажат своето место и време на раѓање, често немаат лични карти, живеат во неформални населби или структури, или се бездомници без постојана адреса. Поради што беа правно невидливи за државата во делот на здравство и социјална заштита и домување.

Ова е многу важна пресуда пред се таа е пресдан во нашето судство за прв пат е донесена пресуда по колектива тужба во која што се утврдува дека одредена инситуција која требало да им одреди пристап на наштите граѓани всушност сторила повеќекратна и повторена дискриминација и до Оваа пресуда е веќе спроведена на некој начин, бидејќи тие си добиле на некој начин запишување во матичната книга бидејќи испраќа и порака и до другите инистуции.

Од Здружението на млади правници објаснуваат дека 76 предмети има кај нив за луѓе кои се уште немаат државјанство.

Тагови: Роми

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Домашно ќофте

Во петок (29.05.2026) во емисијата гостин ни бeше Кристијан Лукаров

Состојки за денешниот рецепт:

300 гр. мелено месо

1 главица кромид

2 јајца

200 гр. кашкавал

половина китка магдонос

масло

сол, бибер и др. зачини по избор

Пире за прилог

3 компири

250 мл. млеко

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

НУ Камерен Oркестар на Битола го одржа својот јубилеен концерт по повод 3 години од основањето

Три години уметнички раст, посветеност и музика: јубилеен концерт на НУ Камерен Oркестар на Битола.

Минатата вечер, НУ Камерен оркестар на Битола го одржа својот јубилеен концерт по повод 3 години од своето постоење, одбележувајќи значаен момент во својот уметнички развој и присуство на македонската музичка сцена.

Пред полната свечена сала во Офицерски Дом, Битола, оркестарот изведе програма која го отслика неговиот досегашен уметнички пат, зрелост и континуиран стремеж кон квалитетна концертна продукција. Концертот беше под диригентска палка на маестро Борјан Цанев.

Програмата опфати дела од различни стилски периоди и музички изрази, создавајќи богата концертна целина. Во првиот дел беа изведени композиции од Клод Дебиси, со Прелудиум VI „Стапки во снегот“ и Прелудиум VIII „Девојката со ленена коса“, во оркестрација на Б. Цанев, како и „Capriol Suite“ од Питер Ворлок, „Fantasia on Greensleeves“ од Ралф Вон Вилијамс и „Romanian Folk Dances“ од Бела Барток.

Во вториот дел од концертот, публиката имаше можност да ја слушне „Serenade for Strings“ од Едвард Елгар, „A Little Daneliade“ од Гија Канчели, како и „Happy Birthday Variations“ од Питер Хајдрих — дело кое на симболичен и уметнички начин ја заокружи јубилејната вечер. Преку препознатливата тема „Happy Birthday“, обработена во различни стилови и варијации, оваа композиција внесе посебна свечена атмосфера и беше соодветен музички поздрав за роденденот на оркестарот.

Во изминатите три години, НУ Камерен оркестар на Битола реализираше повеќе од 30 концерти, настапуваше на значајни сцени низ Македонија и оствари гостувања надвор од државата, меѓу кои и во Виена и Рим. Со својата посветеност, професионализам и постојана активност, оркестарот изгради силна врска со публиката и се позиционираше како еден од значајните музички ансамбли во земјата.

Јубилејниот концерт беше можност да се прослави досегашниот успех, но и да се најави ново поглавје во работата на институцијата. Оркестарот продолжува со својата мисија да создава квалитетни музички содржини, да ја збогатува културната сцена во Битола и да ја претставува македонската музичка култура пред пошироката публика.

Публиката ја поздрави изведбата со силен аплауз, потврдувајќи дека НУ Камерен оркестар на Битола за кратко време успеа да стане препознатлив културен симбол на градот и институција од значење за македонската уметничка сцена. По завршувањето на концертниот дел, јубилејната вечер продолжи со свечен коктел, на кој беше одбележан роденденот на оркестарот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Промена на врвот на ФИФА листата пред почетокот на Светското првенство

Шест дена пред почетокот на Светското првенство, имаме нов лидер на ФИФА ранг-листата на националните селекции.

Станува збор за селекцијата на Аргентина, актуелниот светски шампион, по што може да се заклучи дека пред почетокот на најголемото Светско првенство во историјата, сè си дојде на свое место.

Според најновите проекции што го следат пласманот во реално време, актуелниот шампион ги „прескокнаа“ Франција и Шпанија на ранг листата на најдобри на ФИФА.

Промената на врвот дојде откако најблиските ривали на Аргентина разочараа во своите подготвителни натпревари пред СП.

Според последните пресметки, Аргентина сега има 1.875 поени. Веднаш зад неа е Шпанија со 1.873 поени, додека Франција падна на третото место со 1.869 поени.

Минималните разлики меѓу водечките тимови покажуваат колку се неизвесни пласманите и како секој натпревар може да доведе до значителни промени.

Зад водечката тројка исто така со мала разлика се следните селекции:

Англија е четврта со 1.826 поени, по неа следуваат Португалија (1.764), Бразил (1.763), Мароко (1.757), Холандија (1.751), Белгија (1.740) и Германија, која ги заокружува првите десет со 1.731 поени.

Селекцијата на Хрватска испадна од Топ 10, моментално на 11-то место со 1.712 поени.

Тагови: Аргентина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.