Со сослушување сведок и вешти лица продолжи судењето во Велес за опожарената куќа во Капиново - Канал 5

Македонија

Со сослушување сведок и вешти лица продолжи судењето во Велес за опожарената куќа во Капиново

Со сослушување сведок и вешти лица, денеска продолжи судењето во Велес за опожарена куќа во село Капиново, општина Чашка.

Со сослушување сведок и вешти лица продолжи судењето во Велес за опожарената куќа во Капиново

Седумдесет и петгодишниот сведок Божидар Арсовски од село Нежилово, општина Чашка, рече дека еден од обвинетите го познава. Се враќал од болница во Скопје и си одел накај Нежилово, кога видел дека чади куќата. Рече дека го познавал таткото на оштетениот Давид Јорданов, а него, не толку добро.

-Контактирав преку телефон со луѓе од село Нежилово и дојдов до сознание дека човекот е жив. Мислам на Игор Јорданов. Прашав некој од присутните дали е пријавено во полиција, ми рекоа дека не е пријавено и како граѓанин пријавив во полиција. Им кажав дека куќата е изгорена и не е потребно противпожарно возило, сведочеше Арсовски.

Вештото лице во областа на градежништвото, Стојан Србиноски, од Скопје, изјави дека по наредба на јавен обвинител од негова страна било спроведено вештачење во врска со градежната вредност на опожарената куќа. Сведочеше и вештото лице Јордан Ставревски, од Велес кој кажа дека по наредба на јавен обвинител спровел вештачење за да се утврди економската вредност на предметите што биле во опожарениот објект.

На предлог на јавната обвинителка Славица Темелковски, што беше прифатен од одбраната, Судот донесе решение во својство на сведок на главната расправа да биде сослушан Сашо Муневски од Прилеп. Муневски во раздвоена постапка е осуден со правосилна пресуда на овој суд, на седум години затвор и во моментов извршува казна затвор во КПУ Затвор - Прилеп.

Јавната обвинителка Темелковски во воведниот говор во судницата на првото рочиште кажа дека на 10 мај 2025 година, оштетениот Давид, околу 10 часот, добил повик од татко си и дознал дека во пожар е сосема уништена куќата во која тие вложиле средства за изградба и за опремување.

-Обвинетите се овде за да објаснат од кои причини решиле на некого, да му го уништат она, во што вложил дел од себеси. Едноставно, тие тројца се договориле да дојдат и да го предизвикаат пожарот што ќе ја уништи целокупната куќа. Муневски и Димески дошле од Прилеп во Ореше, за да го земат оттаму Ѓоре и продолжиле кон село Нежилово, поточно во место викано Капиново. Ниту Сашо, ниту Даниел, знаеле каде одат, Ѓоре бил тука за да им го покаже патот и за да им ја покаже куќата што, според нив, требало да биде опожарена. Сашо и Даниел влегуваат во дворот од куќата навалувајќи ја плетената жичана и декорирана со трски ограда. Влегуваат во куќата, Сашо со запалива течност во туба, прска по подот на куќата и со запалка ја запалува. Тие веднаш бегаат од местото на настанот, одат до возилото каде што ги чека обвинетиот Ѓоре заедно со таксистот и како ништо да не се случило, продолжуваат дома, појасни Темелковски тогаш.

Обвинетиот Муневски изјави дека чувствува вина и дека се кае за стореното и се извини на оштетениот за запалената куќа во село Капиново.

Другите дваца обвинети Ѓоре Петровски и Даниел Димески рекоа дека разбрале за што се обвинети, но, оти не се чувствуваат виновни.

Претходно, полномошникот на оштетениот, адвокатката Стојковска Палевска, во судница рече да се има предвид дека не е изгорена само куќа, туку и изгорен и уништен е дом на едно семејство. Нешто, што, освен материјална, има и сериозна емотивна вредност. Наредното рочиште е закажано за 2 март.

Тагови: пожар Капиново

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Пилешко во соја сос

Во четврток (28.05.2026) во емисијата гостин ни бeше Андријана Ади Костадиновски

„Гответе со Дракче“ - Пилешко во соја сос

Состојки за денешниот рецепт:

250 гр. пилешки стек

1 морков

1 тиквичка

1 главица кромид

1 страк праз

200 гр. шампињони

3 лажици соја сос

малку буковка

малку сусам

масло

сол и др. зачини по избор

Погледнете како се подготвува овој рецепт:

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

УЈП ја започнува третата фаза од проектот е-фактура!

Во првата фаза се тестираше интеграцијата на ЕРП системите на компаниите со системот е-Фактура.

УЈП ја започнува третата фаза од проектот е-фактура!

Стартува третата фаза од проектот е-Фактура, во рамки на која Управата за јавни приходи овозможува тестирање на системот е-Фактура преку веб апликација, со цел компаниите да добијат пристап до практична тест околина за електронска размена на фактури.

Во првата фаза се тестираше интеграцијата на ЕРП системите на компаниите со системот е-Фактура.

Во втората фаза се додадени API сервиси за преземање, прифаќање, одбивање и сторнирање на е-Фактура и се овозможи тестирање на повеќе даночни индикатори. Со овие измени се промени структурата на API повиците и JSON форматот, поради што компаниите повторно ги прилагодија своите системи согласно новите спецификации објавени на https://efakturawiki.ujp.gov.mk

Во третата фаза, се преминува на веб апликација, преку која секоја компанија – мала, средна или голема, може едноставно да тестира креирање на документ, испраќање, прифаќање, одбивање и сторнирање. Апликацијата овозможува тестирање на општата фактура со 12 даночни индикатори. Со веб апликацијата се овозможува поедноставен пристап до тест околина за сите деловни субјекти, независно од нивната големина или техничка подготвеност, а воедно се поттикнува постепена подготовка за примена на системот за е-Фактура.

Воедно, со цел тестирањето да биде структуирано, Управата за јавни приходи воспостави соработка со околу 200 компании - избрани тестирачи, коишто во соработка со назначени даночни агенти од УЈП ќе спроведуваат структуирано тестирање. Притоа, ќе се тестираат избрани тест сценарија и компаниите континуирано ќе доставуваат повратни информации до Управата за јавни приходи.

Управата за јавни приходи континуирано спроведува едукативни средби за компаниите преку стопанските комори, бизнис заедницата и останати здруженија. Досега се одржани приближно 30 информативно-едукативни средби, на кои беа презентирани клучните аспекти на системот и процесите поврзани со е-Фактура.

Во соработка со Стопанските комори, во наредниот период предвидено е организирање дополнителни средби со компании во повеќе региони низ државата, со цел нивно подетално запознавање со функционалностите и начинот на користење на системот е-Фактура.

Во наредниот период исто така ќе бидат објавени и вебинар и детално упатство, кои ќе им послужат како дополнителна поддршка на сите компании што самостојно ќе ги тестираат процесите за креирање и размена на е-Фактури.

Управата за јавни приходи ги повикува компаниите активно да ја тестираат веб-апликацијата и да доставуваат забелешки, предлози и препораки за нејзино понатамошно подобрување, како и предлози за дополнување и унапредување на даночните индикатори и функционалностите на системот.

Особено е важно да потенцираме дека и оние компании кои немаат назначено даночен агент, ги охрабруваме да пробуваат и да пристапат кон тестирање на функционалноста на системот, како и навремено да пријават евентуални забелешки или технички потешкотии.

Корисни информации за тестирањето:

• Потребна документација: https://efakturawiki.ujp.gov.mk

• Регистрација и доделување привилегии: https://eujptest.ujp.gov.mk/ureg

• Тест платформа за е-Фактура: https://efakturatest.ujp.gov.mk

• Контакт за поддршка: [email protected]

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Кошарка

Српскиот тренер Александар Саша Ѓорѓевиќ се враќа во Турција

По двегодишна пауза, српскиот тренер Александар Саша Ѓорѓевиќ се враќа на тренерската работа и го презема турскиот Бахчешехир.

Српскиот тренер Александар Саша Ѓорѓевиќ се враќа во Турција

Како што објави Eurohoops, поранешниот селектор на Србија и Кина веќе ги договорил сите детали за соработката со клубот од Истанбул.

Ѓорѓевиќ ќе го наследи српскиот стручњак Марко Бараќ на клупата, а главна цел на клубот во следната сезона ќе биде пласман во Евролигата. Иако во изминатите недели се шпекулираше дека би можел да го преземе амбициозниот проект во Рим, кој го поддржува Лука Дончиќ, Ѓорѓевиќ на крајот реши да ја прифати понудата од Турција.

Неговиот последен ангажман беше на клупата на кинеската репрезентација, која ја напушти во 2024 година.

Во меѓувреме, тој беше поврзуван со неколку европски клубови и проектот Дубаи, но чекаше соодветно враќање на тренерската сцена. Ова ќе биде негово враќање во Истанбул, каде што веќе го водеше Фенербахче и ја освои титулата турски шампион во текот на сезоната 2021/22.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер