Свет

Со потпишување на Повелбата стапи во сила Одборот за мир на Трамп

„Повелбата сега е во сила. Одборот за мир сега е официјална меѓународна организација“, изјави Ливит на церемонијата на потпишување на повелбата на Одборот за мир на маргините на Светскиот економски форум во Давос, Швајцарија.

Со потпишување на пристапувањето кон Одборот за мир во Давос, на иницијатива на САД, денеска во Давос стапи на сила Повелбата на Одборот за мир, која на оваа структура ѝ даде статус на официјална меѓународна организација, објави денеска портпаролката на Белата куќа, Каролин Левит.

„Повелбата сега е во сила. Одборот за мир сега е официјална меѓународна организација“, изјави Ливит на церемонијата на потпишување на повелбата на Одборот за мир на маргините на Светскиот економски форум во Давос, Швајцарија.

Американскиот претседател Доналд Трамп, кој го иницираше формирањето на Одборот за мир и кој е на негово чело, на церемонијата на потпишување изјави дека сака неговиот нов Одбор за мир да работи „во соработка“ со Обединетите нации, сре наведува на официјалната веб-страница на Светскиот економски форум.

„Денес е многу возбудлив ден и сите сакаат да бидат дел од него. Одборот за мир е едно од најважните тела некогаш создадени и ми е чест да претседавам со него. Денес светот е побогат, побезбеден и многу помирен отколку што беше пред само една година“, рече американскиот претседател.

„Кога овој комитет ќе биде целосно формиран, ќе можеме да правиме практично сè што сакаме и ќе го правиме тоа во соработка со Обединетите нации. Секогаш велев дека Обединетите нации имаат огромен потенцијал. Тие не го искористиле, но постои огромен потенцијал“, рече Трамп, пренесува Гардијан.

Американскиот претседател оцени дека конфликтот во Газа, меѓу Израел и палестинското милитантно движење Хамас, „се ближи кон крајот“, иако остануваат „мали пожари“ што мора да се изгаснат.

Тој рече дека очекува Хамас да ги исполни своите обврски, а ако не го стори тоа, ќе биде уништен.

„Тие мора да се откажат од своето оружје, а ако не го сторат тоа, тоа ќе биде нивниот крај“, рече Трамп.

Трамп рече дека „многу земји му кажале дека сакаат да се приклучат“ на Одборот за мир.

Одборот за мир првично беше наменет да собере мала група светски лидери за да го надгледуваат прекинот на огнот во Газа, но се трансформираше во комитет за решавање и на други светски конфликти.

Трамп оцени дека тоа е „најпрестижниот комитет што некогаш е формиран“.

На презентацијата на проектот во Давос присуствуваа американскиот државен секретар Марко Рубио, специјалниот претставник на САД Стив Виткоф и Џаред Кушнер, зет на претседателот и клучен преговарач на неговата администрација во неколку земји.

Присутни беа и лидери или врвни дипломати од неколку земји, вклучувајќи ги претседателите на Аргентина, Индонезија, Азербејџан, Парагвај и на Казахстан, премиерите на Унгарија, Бугарија, Ерменија, Пакистан и Катар, како и шефовите на дипломатиите на Турција и Саудиска Арабија.

Околу 35 земји се согласија да ја потпишат повелбата, од 60-те што беа поканети да се приклучат, изјави неименуван висок функционер на американската администрација, пренесуваат американските медиуми.

Трамп рече дека лидерите на некои земји изјавиле дека планираат да се приклучат, но сè уште им е потребно одобрение од нивните парламенти.

Тој додаде дека неговата администрација, исто така, добива барања за членство од земји кои не беа поканети да се приклучат.

Некои клучни сојузници на САД досега одбија да се приклучат на Мировниот комитет, вклучувајќи ги Франција, Велика Британија, Норвешка, Словенија и Шведска.

Француските претставници нагласија дека иако го поддржуваат мировниот план за Газа, се загрижени дека Одборот би можел да се обиде да ги замени ОН како главно место за решавање на конфликтот.

Канада, Русија, Украина, Кина, Италија и претставници на Европската Унија, исто така, сè уште не одговориле на поканите на Трамп да се приклучат на Одборот за мир.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес сончево и посвежо

Времето денес ќе биде сончево и посвежо со мала до умерена локална облачност.

Ќе дува слаб до умерен, а наместа долж Повардарието повремено засилен ветер од северозападен правец (над 50 km/h). Минималната температура ќе биде во интервал од 11 до 19, а максималната ќе достигне од 22 до 30 степени.

Во Скопје, претежно сончево. Ќе дува слаб до умерен ветер од северен правец. Минималната температура ќе се спушти до 14, а максималната ќе достигне до 28 степени.

Во текот на новата седмица ќе преовладува сончево и посвежо време со мала до умерена локална облачност во текот на денот. Температурите ќе бидат во границите на просекот за овој период од годината.

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Хороскоп

Дневен хороскоп за 13. септември 2026 година

Дневен хороскоп за недела, 13. септември 2026 година.

Девица 23.8.-23.9.

Љубов

Пред вас е одличен ден за дружење од секаков вид , полно со добри намери и искреност.излезете, прошетајте и сакајте се.

Кариера

Многумина ќе успеат креативно да се изразат , а нивните уметнички идеи ќе бидат прифатени.

Здравје и совет

Ќе се чувствувате како риба во море.

Вага 24.9.-23.10

Љубов

Оние кои бараат сродна душа , денеска би можеле да забележат одредени емоции кон личност со која работат.

Кариера

Денот ќе ви донесе уживање , креативност, љубезност и нови атрактивни предизвици. работете што било , ќе се исплатува.

Здравје и совет

Здравјето ви е добро.

Шкорпија 24.10-22.11.

Љубов

Сеуште не сте се оладиле од бурното минато , а веќе ви се местат ситуации за нови љубовни предизвици.Бидете смирени.

Кариера

Денеска ќе ви се отвори шанса на релативно лесен и пријатен начин да ја зголемите својата заработувачка.

Здравје и совет

Чувствителност на грлото.

Стрелец 23.11.-21.12.

Љубов

Своите лични односи денеска ќе ги градите на многу суптилни нивоа. Ќе ви биде важно она што е суптилно и нежно.

Кариера

Она што до сега го постигнавте , ќе ви донесе и некои исклучително интересни опции и идеи. Денеска ги анализирате.

Здравје и совет

Послушајте ја интуицијата.

Јарец 22.12.-20.1.

Љубов

Во љубовни прашања денеска ќе го барате она скриеното , недопирливо , суптилно , а ќес е воддите од своето шесто чуло.

Кариера

Начинот на кој некому ќе може да помогнете , е исклучителен. Не очекувајте ништо конвенционално.

Здравје и совет

Здравјето ви е добро.

Водолија 21.1.-19.2.

Љубов

Ќе успеете во целост да покажете што чувствувате. Ќе биде добро. Единсдтвено е важно да не зборувате премногу.

Кариера

Сите ситни работи кои денеска ги извршувате , ќе успеете да ги завршите со помош на вашиот шарм.Други ќе ви помиогнат.

Здравје и совет

Релаксирајте се ,вежбајте и истегнувајте се.

Риби 20.2.- 20.3.

Љубов

Вашата интуиција и фантазија деенсак сигурно ќе ви помогнат за да ги подобрите вашите лични односи. Потпрете се на внатрешниот глас.

Кариера

Ако имате некои интересни , уметнички или воопшто инвентивни идеи , сега е време да ги изразите или барем да ги ставите на хартија.

Здравје и совет

Некои делуваат прикриено.

Овен 21.3-20.4.

Љубов

Партнерот ќеви покаже начин како подобро да ги искажувате емоциите. Со задоволство ќе го прифатите новиот стил.

Кариера

Збунетоста поради специфична задача денеска ќе достигне кулминација. Ќе се прашувате , зошто токму вие?

Здравје и совет

Прифатете ги предизвиците.

Бик 21.4- 20.5.

Љубов

Рамнотежата која повторно ја чувствувате во врската ќе ве поттикне на похрабри љубовни потези.

Кариера

Ќе размислувате за барањата на шефовите . Сеуште не можете да ги согледате како реален факт.

Здравје и совет

Обидете се да се однесувате позрело.

Близнаци 21.5.-21.6.

Љубов

Со својата сентименталност ќе ја изненадите саканата личност.Таа овој пат ќе биде во улога на заштитиник.Добро е.

Кариера

Ќе бидете нервозни заштио една ситна работа никако не можете да ја пруиведете кон крај. Ќе морате повеќе да се потрудите.

Здравје и совет

Несоница.

Рак 22.6-22.7.

Љубов

Она што моментално недостига во вашиот љубовен живот , денеска ќе го надоместите со својата фантазија.

Кариера

Големи се вашите очекување од другите , зашто вие работите предано и професионално. Но , не се сите како вас.

Здравје и совет

Бидете реални во своите проценки.

Лав 23.7-22.8.

Љубов

Денот е добар за опуштени дружења со кафе. Може да прошетате и да се подружите со пријатели, додека љубоцвните односи се површни и на дистанца.

Кариера

Ќе успеете да се договорите за една креативна соработка.исто така , ќе успеете да пласирате некои ваши специфични идеи.

Здравје и совет

Следува нов козметички третман.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Расел Кроу привлекува внимание во Венеција, ослабнал 26 килограми

Расел Кроу се појави на 83-тиот Меѓународен филмски фестивал во Венеција во петокот, привлекувајќи внимание со својата значително послаба фигура.

Тој пристигна на црвениот тепих со својата партнерка, Бритни Терио, а парот присуствуваше на проекцијата на филмот „What Love Builds“ во салата „Дарсена“.

За оваа пригода, Кроу (62) избра елегантен црн костум и бела кошула, а сивата коса ја зачешла наназад. Додека позираше за фотографите, ја држеше раката околу половината на својата партнерка. Бритни (42), неговата партнерка со која е во врска шест години, носеше црн фустан што ја следи линијата на телото и има длабоко деколте, а изгледот го надополни со црни чевли со високи потпетици и дијамантски накит.

Откри колку килограми изгубил

Кроу изгубил значителна тежина во текот на изминатата година. За време на неодамнешното гостување во подкастот „The Joe Rogan Experience“, тој откри дека ослабел 26 килограми.

Исто така, сподели дека значително го намалил консумирањето алкохол, иако не се откажал целосно од него. По снимањето на филмот „Nuremberg“, како што рече, тежел 126 килограми. „Сега тежам 100,9 килограми“, откри тој.

View this post on Instagram

A post shared by Drew McIntyre (@dmcintyrewwe)

Актерот неодамна објави фотографии од теретана на социјалните мрежи, а неговата физичка трансформација ги воодушеви многубројните обожаватели. Во коментарите, тие забележаа дека тој повторно изгледа како „Гладијатор“, алудирајќи на неговата култна улога како Максимус во филмот „Gladiator“ од 2000 година, која ја одбележа неговата кариера. Му помогна и здравствена програма.

Актерот исто така спомена дека во тој период му помогнала програмата „Way2Well“. Како дел од програмата, тој прима инјекции кои, според него, помагаат да се ублажат последиците од стари повреди здобиени за време на физички напорни филмски улоги.

„Не ја разбирам науката зад сето тоа, но чувствувам вистинска корист во рамената и колената. И инјекциите и инфузиите го смирија воспалението во моето тело“, рече Кроу.

Во врска е со Бритни од 2020 година

Кроу и Бритни Терио се заедно од ноември 2020 година; Тие за првпат се појавија заедно на црвениот тепих како пар во октомври 2022 година, на премиерата на неговиот филм „Poker Face“.

Се запознале уште во 2013 година, на снимањето на трилерот „Broken City“. Терио е од Њу Орлеанс и претходно работела како актерка и навивачка.

Кроу претходно беше во брак со Даниел Спенсер, со која ги има синовите Чарлс и Тенисон. Тие стапија во брак во 2003 година, се разделија во 2012 година, а нивниот развод беше официјално финализиран во 2018 година.

Извор: Индекс.хр

Тагови: Расел Кроу

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.