Тие се надеваат дека ова спектакуларно откритие ќе обезбеди дополнителен увид во обичаите и културата на заедницата што живеела таму пред 3.000 години.
Многумина веќе се запознати со импресивните пирамиди и градовите од древната култура на Маите, како што е „Тикал“ во Гватемала, но многу други монументални градби, куќи, патишта и објекти, аквадукти и тераси сè уште лежат скриени во густите шуми на областа, пишува ДВ.
Од 2017 година експертите прелетуваат преку граничната област на Мексико и Гватемала и го скенираат теренот со ласери, со цел систематски да ги испитаат сите потенцијални места. За да се добие подобар увид во животот на древната цивилизација на Маја, тие користат технологија LiDAR, односно оптички мерен инструмент што испушта ласерски зраци.
Научниците од Универзитетот во Аризона го откриле најголемиот и најстар познат монументален комплекс на Маите во мексиканската држава Табаско со помош на оваа технологија. Откриле дека 21 церемонијални предмети се кријат под површината. Зградите имаат слични структури, но се разликуваат во димензии.
Комплексот, наречен Агуада Феникс, зафаќа правоаголна површина долга 1400 метри и со ширина од 400 метри, а најстарите градби би можеле датираат од пред 3200 години. Различен е од другите структури на Маите, како што се пирамидалните градби од класичните и доцните класични периоди.
Експертите исто така посочија дека досега не ги забележале скулптурите на поединци кои можеби имаат повисок статус од другите локални жители и затоа претпоставуваат дека културата на Маите во нејзините најрани фази била општество без класи.
"Во подоцнежните периоди се појавија моќни владетели и административни системи во кои на луѓето им беше наредено да вршат одредена работа. Но, во овој постар локалитет не гледаме докази за присуство на моќни елити. Веруваме дека комплексот настанал како резултат на комунална работа", изјави археологот Такеши Иномата, водач на истражувањето.