Со помош на еден трик од Тикток, оваа жена се обиде да изгледа визуелно повисоко (видео) - Канал 5

Живот

Со помош на еден трик од Тикток, оваа жена се обиде да изгледа визуелно повисоко (видео)

Самодовербата е нешто што нè прави особено привлечни и сигурни во себе, а кога ни недостасува, ја немаме најдобрата слика за себе. 

Со помош на еден трик од Тикток, оваа жена се обиде да изгледа визуелно повисоко (видео)

Речиси не постои жена која е целосно задоволна со себе, а на сето тоа најмногу влијае модерната технологија која нуди нови трендови за убавина кои многу девојки не можат да си ги дозволат. Лаура Меџиа е тиктокерка која на оваа мрежа ја следат околу 1,8 милиони лица. Таа неодамна сподели видео на кое покажа како својата висина да ја зголемите визуелно со помош на еден трик.

Имено, Лаура покажа како меѓу луѓето во Азија станал популарен трендот со лажни папоци, или тетоважи кои визуелно ја издолжуваат вашата фигура.

Оваа инфлуенсерка откри дека со поставување на папокот повисоко, вашето торзо изгледа подолго. Иако признава дека тоа е најчудното нешто што го пробала во животот, девојката лажната тетоважа ја притиска на стомакот, а потоа ја попрскува со вода и чека да се залепи. И самата е зачудена од конечниот резултат.

- Чувствувам дека изгледам пошироко наместо повисоко, но тоа е затоа што сум луда – почнува да вика оваа девојка и несигурно прашува дали трикот воопшто успеал.

Девојката ги прашува своите придружници што мислат за овој трик, а меѓу нив има поделени мислења. Додека некои велат дека тоа воопшто не изгледа „чудно“, други се скептични.

- Дали е до мене, или лажниот папок прави да изгледате пониско наместо да ве издолжи?

- Мислам дека воопшто не личи на папок.

- До мене ли е или оваа изгледа пониско?

- Не, никако.

- Жал ми е што ти противречам, но тебе ти се допаѓа тој папок – беа дел од коментарите на нејзините придружници.

@lauramejiar No se si funciona que dicen uatedes ? #maquillaje #hacks #viral #trending #foryou #parati ♬ original sound - Laura Mejia

На многумина, овој трик не им се допаднал, па препорачуваат да се држиме до природниот изглед и да го прифатиме своето тело. Имаше и такви кои ѝ рекле дека тетоважата со „папокот“ ја поставила превисоко и дека овој трик не делува исто кај сите, туку напротив, некои ги прави визуелно пониски или како што самата инфлуенсерка кажа: „прави да изгледаат пошироко“.

Овие и слични трикови станаа вирални на социјалните мрежи, па помладите генерации сакајќи на каков било начин да го променат својот изглед, посегнуваат по привремени решенија, но, како што се чини, тоа е контрапродуктивно.

Извор: srecna.republika.rs

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Се соблече најубавата водителка

Елеонора Инкардона, заштитното лице на спортската платформа „DAZN“ – која публиката често има можност да ја види за време на преносите на натпреварите од Серија А – сподели неколку фотографии од својот одмор на социјалните мрежи.

Фото: Се соблече најубавата водителка

Атрактивната водителка покажа делови од своето секојдневие надвор од телевизиското студио – од времето поминато покрај базенот и шетањето на кучето, до тренинзите, дружењето и уживањето во локалните специјалитети.

„Мало бегство, токму она што ми требаше“, напиша Елеонора Инкардона покрај секси фотографии во бикини.

Најголемата популарност ја стекна токму преку ангажманот на „DAZN“, каде што ги следи натпреварите од Серија А и големите фудбалски настани.

Паралелно со телевизиската работа, таа изгради и голема публика на социјалните мрежи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Меган Фокс непрепознатлива

Една од најубавите актерки во Холивуд, атрактивната Меган Фокс веќе неколку месеци изненадува со својот изглед. 

Фото: Меган Фокс непрепознатлива

Видео на филмската платформа Letterboxd, во кое актерката Меган Фокс и режисерката Кери Кусама ги препорачуваат своите омилени филмови, предизвика низа реакции на социјалните мрежи.

Многу од нив се однесуваа на физичкиот изглед на 40-годишната актерка.

Иако снимката беше објавена во почетокот на октомври 2026 година, средбата била снимена уште во октомври 2025 година, за време на специјална проекција на филмот „Jennifer's Body“ во Музејот на филмската уметност на Академијата во Лос Анџелес.

Во видеото, Фокс издвојува наслови како „Braveheart“, „The Lion King“ и „Ninja Turtles II“, како и филмскиот серијал за Хари Потер.

Сепак, откако некои корисници во коментарите заклучија дека актерката е непрепознатлива и почнаа да шпекулираат за можни естетски зафати, платформата Letterboxd ја оневозможи опцијата за коментирање на објавите на својот официјален профил на Инстаграм.

„Што се случи со Меган Фокс што сите ја знаевме? Боже, таа се уништи себеси...“, „Меган Фокс како Џигсо за Ноќта на вештерките“, „Изгледа како член на семејството Адамс“, „Целосно си го уништи лицето.

Каква штета“ – беа само дел од коментарите.

Дел од јавноста застана во одбрана на актерката, истакнувајќи дека видеото е снимено осум месеци откако таа го родила своето четврто дете, како и дека периодот по породувањето носи природни промени во изгледот. Некои укажаа и на можното влијание на осветлувањето и шминката.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Автомобилизам

Како Џеф Безос го убеди „Ферари“ да го направи својот прв електричен автомобил

На една конференција, шефот на Ферари раскажа дека Џеф Безос му рекол оти не знае многу за автомобили, но знае многу за иновации, како и дека Ferrari треба сериозно да размисли за електричните возила.

Како Џеф Безос го убеди „Ферари“ да го направи својот прв електричен автомобил

Претседателот на Ферари, Џон Елкан, откри дека разговорот од 2016 година со основачот на Амазон, Џеф Безос, одиграл клучна улога во одлуката на италијанската компанија сериозно да го разгледа развојот на електричен автомобил.

На конференцијата, Елкан сподели дека Безос тогаш му рекол оти не знае многу за автомобили, но знае многу за иновации, и дека Ферари треба сериозно да размисли за електричните возила. Десет години подоцна, Ферари го претстави моделот „Luce“ – подготвен за сериско производство и прв целосно електричен модел на компанијата.

„Luce“ предизвика значителни реакции, не само поради својот електричен погон, туку и поради дизајнот. Надворешниот и внатрешниот дизајн беа развиени од студиото „LoveFrom“, во чиј тим е вклучен и поранешниот дизајнер на Apple, Џони Ајв.

Сепак, Ферари истакнува дека Luce останува верен на наследството на брендот во поглед на перформансите. Автомобилот располага со четири електромотори кои испорачуваат вкупна моќност од 1.050 КС и забрзува од 0 до 100 км/ч за само 2,5 секунди.

Батеријата со капацитет од 122 kWh овозможува деклариран досег од 530 км – што е донекаде скромна бројка со оглед на големината на батеријата. Цената е исто така нетипична за електрични автомобили.

„Ferrari Luce“ чини околу 550.000 евра во Европа, а се очекува цената во САД да биде приближно иста. Џон Елкан нагласува дека Ferrari немал намера да создаде контроверзен автомобил; напротив, разговорот со Безос ја зацврстил убеденоста на компанијата дека треба да ја прифати електрификацијата, пренесува b92.

Тагови: ферари

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер