Со поддршка од ЕУ подобрен е туристичкиот потенцијал во општините Дојран и Конче - Канал 5

Македонија

Со поддршка од ЕУ подобрен е туристичкиот потенцијал во општините Дојран и Конче

Амбасадорот на ЕУ, Дејвид Гир, во рамките на Проектот за локална и регионална конкурентност (ПЛРК), финансиран од Европската Унија, денес ги посети општините Дојран и Конче.

Со поддршка од ЕУ подобрен е туристичкиот потенцијал во општините Дојран и Конче

Во Дојран негов домаќин беше градоначалникот Анго Ангов, со кого заедно ја промовираа новата инвестиција поддржана од ЕУ за изградба на зелена рекреативна зона, детски игралишта, парк за миленици во самиот центар на Стар Дојран како и уредување на летната сцена.

"Дојран е атрактивен како за домашните така и за транзитните туристи, а бројките на посети растат од година во година. Со новата инвестиција преку пот-проект „Дојран – туристички бисер вo Југоисточна Македонија", која чини околу 650.000 евра, а е финансиран од Европската Унија, се добива нова рекреативна зона во која туристите и мештаните ќе можат да се опуштат и да уживаат во секој период од годината. Овој простор кој со години беше запуштен и даваше неубава слика за Дојран, сега е урбанизиран и реновиран по најнови европски стандарди. Добивме нови содржини со урбана опрема, нови детски игралишта, игралиште за миленици, летниковци, места за спортување и релаксација, како и ново осветлување кое недостигаше во тој дел. За овој проект добивме многу позитивни реакции, па очекуваме да придонесе привлекување на уште повеќе туристи", изјави градоначалникот Ангов.

"Со новите и реконструирани содржини во општина Дојран, кои се реализирани со финансиска поддршка од Европската Унија, се придонесува за зајакнување на туристичките потенцијали на оваа интересна и автентична езерска општина, која ја карактеризира богата историја и култура, медитеранска клима и добрата храна. Покрај изградбата на паркот, пот-проектот опфати и реконструкција на пристапна улица и санирање на летната музичка сцена со цел да се создаде дополнителен простор за организирање на разни музички и културни настани, но и да се овозможи подобра туристичка понуда за посетителите на ова симпатично гратче покрај Дојранското езеро", изјави пред присутните Евроамбасадорот Гир.

На враќање од Дојран кон Скопје, амбасадорот Гир ја посети и општина Конче - мала рурална општина во централно-источниот дел на Македонија која изобилува со природни убавини и историски локалитети кои вреди да се посетат. Општина каде благодарение на инвестициите спроведени преку Проектот за локална и регионална конкурентност, финансиран од Европска Унија беше овозможен подобар и полесен пристап до езерото Мантово, уредување на овој туристички локалитет како и мапирање и обележување на две пешачки патеки со што значително се подобрија условите за викенд во природа.

Заедно со градоначалникот на О. Конче, Благој Илиев, направија една кратка прошетка околу езерото Мантово, за кое беше информиран дека во лето температурата на водата е над 26ºC, што го прави погодно за капење и практикување на водните спортови, а дека застапеноста на повеќе видови на риби создаваат добри предуслови за спортски риболов. Издолжените вертикални граматни карпи во близина на ридот Габровска Чука кои се идеални за алпинистичко искачување исто така им го привлече вниманието.

„Навистина ми претставува задоволство што денеска имам чест на амбасадорот Гир да му ги претставам резултатите од спроведениот пот-проект финансиски поддржан од Европската Унија во износ од околу 300.000 евра. Создадени се нови можности за пешачење до локалитетот Габрешка чука, уредено е местото викано „Влашки колиби", а воедно е подобрена и патната инфраструктира до Езеро Мантово. Со ова им овозможивме на посетителите подобри услови за прошетки во природа, рекреативни спортски активности околу езерото, пикник со најблиските и уживање во природните убавини. Недопрената природа, чистиот воздух и здравата храна се само мотив повеќе за туристите да го посетат Езерото Мантово и Општина Конче. Очекуваме, спроведените активности да поттикнат дополнителни приватни инвестиции кои ќе ја унапредат туристичката понуда во нашата општина." - изјави градоначалникот Благој Илиев.

Проектот за локална и регионална конкуретност е водечки проект за развој на туризмот во државата преку кој се поддржани 57 потпроекти кои ги спроведуваат општини, микро и мали претпријатија, како и асоцијации кои работат во областа на туризмот во сите 10 туристички дестинации низ земјава. Целта на проектот е да го зголеми учеството на туризмот во локалниот економски развој преку подобрување на инфраструктурата, унапредување на капацитетите за сместување и угостителство, збогатување на туристичката понуда и зголемување на конкурентноста на туристичкиот сектор.

Проектот за локална и регионална конкурентост е финансиран од Европската Унија и Владата , се администрира од страна на Светска Банка, а се спроведува од страна на Кабинет на Заменик Претседателот на Владата задолжен за економски прашања и координација со економските ресори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Божиновска: СДСМ, покажете го доказот или повлечете ги лагите - политичката борба не е лиценца за клеветење

Категорично ги отфрлам и ги демантирам лагите и тенденциозните конструкции што СДСМ ги изнесе на прес-конференцијата на 20 септември 2026 година, со кои без ниту еден доказ се прави обид да се нарушат мојата чест, углед и професионален интегритет.

Божиновска: СДСМ, покажете го доказот или повлечете ги лагите - политичката борба не е лиценца за клеветење

Фактите се јасни, повеќе од 12 години немам никаква деловна ниту приватна релација со „Руднап“. Немам никаква поврзаност со предметната набавка, ниту со постапката што ЕВН, како приватна компанија, ја спроведува самостојно и за сопствени потреби.

СДСМ свесно пласира невистини и измислени конструкции за наводна моја вмешаност во деловни зделки, без да понуди ниту еден факт што би ги поткрепил таквите тврдења. Ова не е аргумент, туку обид за политичка дискредитација.

Нема да дозволам преку партиски прес-конференции да се фрлаат невистини во јавноста и потоа да се очекува тие да останат без одговор. Политичката борба не е и не може да биде алиби за клеветење, манипулирање со јавноста и нарушување на личниот и професионалниот углед.

Затоа, наместо политички конструкции и измислени „мрежи“, од СДСМ барам во рок од 24 часа јавно да ги повлече невистинитите тврдења и да ми се извини за нивното изнесување.

Во спротивно, ќе следуваат конкретни правни чекори. Ќе ги искористам сите расположливи правни механизми за заштита на мојата чест, углед и професионален интегритет, вклучително и судска постапка и соодветни пријави до надлежните институции.

Јавноста заслужува факти и докази, а не политички конструкции. Јас сум подготвена за секој факт да одговорам и да го докажам. Истото го очекувам и од оние што денес изнесуваат вакви сериозни обвинувања.

Сања Божиновска

Министерство за енергетика, рудраство и минерални суровини

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Книжевен настап на Стефан Марковски во Париз

Македонскиот писател и истражувач на литературата Стефан Марковски на 24.09 ќе настапи на книжевната вечер Paris Lit Up која се одржува од 2012-та година во историскиот бар „Култур Рапид“ во 20-от париски арондисман на улица Жилиен Лакроа.

Книжевен настап на Стефан Марковски во Париз

Во овој бар, кој е дел од книжевната историја на Париз како родно место на француската слем поезија од 1980-тите, сè уште се одржува познатиот Меѓународен слем фестивал секој мај.

Македонскиот книжевник ќе прочита свои поетски творби од англиско-македонскиот избор „Ветена земја“, каде се застапени песни од четири поетски книги на Марковски, „Хипербог“, „По трагата на белиот грифон“, „Сиво сјаат вселените“ и „In Nomine“.

Книжевните вечери Paris Lit Up (PLU) се основани од авторот Џејсон Френсис Мекгимзи и Кејт Ноукс, етаблирана поетеса, членка на Велшката академија за книжевност и уредничка на поетската рубрика на истоименото списание, а водител е Крис Њуенс, британски писател и новинар.

На вечерите во минатите изданија имаат гостувано Ненси Столман, американска писателка на флеш-фантастика, музичар и основач на настаните поврзани со читање флеш-фантастика Fbomb, њујоршкиот поет и музичар Стив Далачински, добитник на наградата „Франц Кафка“, ирско/италијанско-американската поетеса Кимберли Кампанело и други. Вечерите се познати како репрезент на повеќејазичната уметничка сцена и литература која се создава во Париз.

Во рамки на својот престој, Марковски ќе оствари и посета на Универзитетот „Сорбона“.

Тагови: Стефан Марковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сообраќајот на државните патишта се одвива непречено

На граничните премини од македонска страна нема подолги задржувања за влез и излез од државата.

Сообраќајот на државните патишта се одвива непречено

СОСТОЈБА: Сообраќајот на државните патишта се одвива непречено, по суви коловози.

ФРЕКВЕНЦИЈА: Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ сообраќај

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер