Со новата опција Јутјуб сака да му конкурира на Тик Ток

Компанијата Јутјуб дека ќе тестира бета верзија од најголемата конкуреција на Тик Ток до сега, и тоа во Индија.

Станува збор за нова форма на видео снимки на Јутјуб под името „Youtube Shorts“. Снимките кои ќе бидат направени во вој формат ќе траат 15 секунди и ќе имаат функции и начини за модификација на снимки како кај кинеската апликација Тик Ток. Индија го забрани Тик Ток како и 58 други апликации од кинески компании во јуни кога тензиите меѓу двете земји се зголемија.

Во тој момент, Индија била најголем странски корисник на Тик Ток, со преку 120 милиони корисници, пренесе „Би-Би-Си“.

Јутјуб не е единствена компанија која сака да ја исполни празнината која забраната на Тик Ток ја остава зад себе, па ќе мора да биде во конкуренција со многу компании кои имаат иста намера.

Мајли Сајрус јавно ја откри интимата со нејзиниот поранешен сопруг:Цело време глумев

Врската помеѓу Мајли Сајрус и Лиам Хемсворт беше бурна, обележана со неколку раскинувања и помирувања, и конечно краток брак.

Сега, кога конечно заврши, се чини дека пејачката реши да ги извади валканите детали од нивната врска на нејзиниот нов албум.

Нејзиниот седми албум треба да се вика She Is Miley Cyrus, а според странските медиуми, на него ќе има неколку стихови кои зборуваат за нејзиниот поранешен сопруг.

Во песната Win Some, Lose Some, Mајли пее: „Не можам да пресметам колку пати сум изглумила, благодарам на Бога за мислите во мојата глава“.

Во песната има и стихови: "Ме знаеш најдобро, но може да ме повредиш најлошо, мил мој. Не можам повеќе да глумам".

Сајрус и Хемсворт беа во врска од 2009 година кога заедно го снимија филмот „Последна песна“. Тие се венчаа во декември 2018 година, а во август следната година објавија дека се разведуваат. Во друга песна од албумот WTF Do I Know, таа исто така зборува за бракот.

„Можеби свадбата беше само одвлекување на вниманието“ и „Сакаше извинување? Не од мене. Морав да те оставам во твојата мизерија. Кажи ми, душо, дали згрешив што заминав? И воопшто не ми недостигаш“, е текстот на таа песна.

Столе Попов е добитник на „Голема ѕвезда на македонскиот филм", Јануш Зигмунд Камински на „Златна камера 300"

Режисерот и сценаристот Столе Попов е добитник на наградата  „Голема ѕвезда на македонскиот филм" на 41-то издание на фестивалот на филмска камера „Браќа Манаки".

Полско-американскиот кинематографер Јануш Зигмунд Камински ја доби наградата „Златна камера 300" за животно дело или животен опус.

Во името на градот домаќин пред присутните гости се обрати градоначалничката Наташа Петровска која истакна дека фестивалот „Браќа Манаки" претставува фестивал еликсир на фотографијата.

Битолската публика со аплауз го поздрави режисерот Столе Попов кому годинава од страна на Друштвото на филмските работници на Македонија му беше доделена наградата „Голема ѕвезда на македонскиот филм".

Попов во своето обраќање нагласи дека добивал многу награди, но според него најсилни и иманентни се наградите од публиката и од колегите. Токму така го разбира годинашното високо фестивалско признание.

Заради КОВИД мерките и актуелната пандемија во светот во Битола не можеа да пристигнат, но со свое видео обраќање за вредноста и квалитетот на фестивалот говореа Кејс Ван Острум, нов претседател на Меѓународната асоцијација на кинематограферите ИМАГО и тој потсети дека Битола е голем меѓународен центар на киноматограферите, а потврда за тоа е Конгресот кој во 2016 година се одржа во овој град.

Добитникот на „Златна камера 300" за животен опус Камински рече дека инвентивноста и оригиналноста на браќата Манаки го мотивираат час поскоро да дојде во Битола за да лично си ја подигне својата награда и очекува дека тоа ќе биде в година ова време.

Пред присутните се обрати и претседателот Стево Пендаровски, кој истакна дека е добро што и покрај пандемијата на Ковид-19, „Браќа Манаки" се одржува и годинава во скратена и во изменета форма.

-Дозволете да ве поздравам како покровител на првиот и меѓу стотиците филмски фестивали, еден од само неколкуте во светот, кои се фокусирани на кинематограферите, фестивалот на филмската камера „Браќа Манаки". Станува збор за еден од најзначајните културни настани во нашата земја, настан во кој е вткаена богата историја, многу ентузијазам и љубов кон филмската уметност. Благодарение на овој фестивал, Битола и нашата држава се препознаени во светот на седмата уметност, истакна Пендаровски.

Пендаровски им честита на добитниците и им посака уште многу филмски проекти. Тој ја искористи приликата да го изрази своето уверување дека сите помагачи на фестивалот, централната и локалната власт, бизнис-заедницата, филмските работници, се и ќе продолжат да бидат и понатаму со фестивалот.

-Деновите поминати во карантин, во изолација, во нашите домови за време на полициските часови нè потсетија колку значајно место во нашите животи имаат подвижните слики. Тие беа една од основните преокупации и можност за квалитетно поминување на нашето време. Дали пред телевизиските екрани или пред компјутерите, филмовите даваа ведрина и смисла на нашето потполно изменето секојдневие", истакна претседателот Пендаровски.

На 41-то издание на ИФФК „Браќа Манаки" за значењето на фестивалот, традицијата и улогата на подвижните слики во животот на секој човек говореа американската амбасадорка Кејт Мари Брнз и директорката на фестивалот Гена Теодосиевска.

Публиката во битолскиот Музеј имаше премиерна можност да погледа кратка репортажа од новоизграденото кино „Манаки" во Битола кое е изградено на Широк Сокак во овој град и се очекува наскоро да биде пуштено во употреба. /МИА

Јапонскиот Ферари од 90-тите се продава поскапо од нов оригинален модел (ВИДЕО)

Во последните неколку децении, јапонската автомобилска индустрија нè почести со бројни скапоцени примероци, а многумина се согласуваат дека најсветол е единствената Хонда NSX.

И денес, овој примерок од крајот на милениумот, што со право беше наречен јапонски Ферари, постигнува неверојатни износи на аукции. Оваа копија оди чекор подалеку. Тоа е верзија на изданието „Алекс Занарди“, а цената е нешто повисока од новото „Ферари Ф8 Трибуто“.

Верувале или не, последната од произведените 51 примерок е продадена за 277.017 долари. За утеха, да ја споменеме историјата на автомобилот. Хонда му ја посвети на мотоциклистот Мигел Духамел за неговите победи во натпреварот АМА Дејтона 200, што ги оствари со скршеница на ногата.

Духамел има извозено околу 19 000 км во NSX и со тоа го разви последното издание на фантастичниот 3,2 V6 атмосферски мотор. Нема сомнение дека овој автомобил со рачен менувач и денес обезбедува супериорно задоволство при возењето. Изданието Занарди е речиси 70 кг полесно од оригиналното, а тоа беше постигнато, меѓу другото, со фиксиран покрив, потенко стакло и бандажи ББС.


притисни ентер