Со незапаметен спектакл на реката Сена отворени летните Олимписки игри во Париз - Канал 5

Олимписки игри

Со незапаметен спектакл на реката Сена отворени летните Олимписки игри во Париз

Олимписката треска почна да го тресе светот. Најголемиот спортски настан беше отворено со историски спектакл кој тешко ќе се заборави – градот на светлината, Париз, блесна во Олимписките бои.

Со незапаметен спектакл на реката Сена отворени летните Олимписки игри во Париз

Речиси да немаше момент без содржина, сликата само се префрлаше од едно на друго случување, кое од кое поспектакуларно, оставајќи ги гледачите воодушевини.

Ако во претходните години олимписките спортисти шетаа по стадионите, Париз тоа го направи на сосема инвентивен начин, секој тим имаше брод – кој пловеше по Сена, а носителите на знамињата стоеја на кормилата на бродовите.

Првиот брод беше резервиран за Грција – лулката на олимписките игри, втор емигрантскиот тим, па потоа следуваа по азбучен ред, за последен да доплови бродот на домаќинот со громогласни овации.

Париз во четиричасовната церемонија ги покажа сите свои знаменитости, уметноста, модата, кабареата, кои беа збогатени со модерни танци и коњаници на вода...А, испеана беше и легендарната „Imagine“ – на Џон Ленон – која зборува за единство и мир.

По долги години боледување, повторно во живо се слушна и гласот на Селин Дион, нејзината сцена беше симболот на Париз – од врвот на Ајфеловата кула ја отпеа химната на љубовта на Едит Пјаф...

Додека траеше спектаклот – факелот повеќето од времето патуваше кај мистериозниот носител, но се најде и во рацете на светски спортски легенди, како Зидан, Тони Паркер – Амели Морезмо, Рафаел Надал и многу други, за на крајот 100 годишниот Шарл Кост, кој е прв француски олимписки шампион, со помош на тројната олимписка шампионка – Мери Перез да го запали олимпискиот оган, кој за прв пат во историјата ќе лебди над Париз во балон.

Македонија на 33тите олимписки игри ќе учествува со шест спортисти – нашиот брод по Сена помина во групата репрезентации чие почетна буква е М. Носители на македонското знаме беа Мила Релиќ и Дарио Ивановски. – Тие добија поддршка и од олимпиецот Дејан Ѓеорѓиевски – кој во Таеквондо на игрите во Токио освои сребрен медал, што историски е најдобар успех во независна Македонија.

Ѓеорѓиевски раскажа што значи да се биде учесник на најголемата смотра на светскиот спорт - Олимпијадата

Посочи и кога почнал да го сонува олимпискиот сон, што му значело да е носител на знамето, а и што е потребно во борбата за медал на Олимписките игри.

Летните олимписки игри официјално започнаа вчера ќе траат до 11 август, а учество зедоа речиси 11.000 спортисти од повеќе од 200 држави.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Русија испраќа остра порака од ОН: „Украина е претворена во концентрационен логор на Зеленски“

Постојаниот претставник на Русија во ОН, Василиј Небензја, го обвини Киев за „отворен терор“ против руски цивили и рече дека Москва нема да прифати договор што ги загрозува нејзините безбедносни интереси.

Русија испраќа остра порака од ОН: „Украина е претворена во концентрационен логор на Зеленски“

„Тероризмот станува последно средство на Киев во обид да ја промени ситуацијата што се развива на негова штета“, рече Небензја.

Небензја вели дека Украина, со најактивно учество на Западот, е претворена во „концентрационен логор на Зеленски“.

„Со најактивно учество на земјите од колективниот Запад, кои тврдат дека се цивилизирани и демократски, Украина е претворена во „концентрационен логор на Зеленски“, во кој е воведена целосна забрана за какво било различно мислење и опозиција, додека луѓето кои имаат храброст да изразат алтернативна гледна точка се испраќаат зад решетки и физички се ликвидираат без судење и истрага“, рече Небензја.

Тој тврди дека западното оружје пристигнува во украинските пристаништа на цивилни бродови. Небензја нагласи дека Русија продолжува систематски да го поткопува воениот потенцијал на режимот во Киев.

„Од 15 до 21 август извршивме еден голем и девет групни напади со високопрецизно оружје и ударни беспилотни летала врз објекти на воена инфраструктура. Во истиот период, беа погодени 14 бродови што ги користат вооружените сили на Украина, вклучувајќи два танкера, десет товарни брода и два патролни чамци“, рече Небензја.

Тој повтори дека Русија нема да се согласи на никаков договор со Украина на штета на сопствените безбедносни интереси.

„Нема да има договори на штета на безбедносните интереси на Русија. Никакви чести состаноци на Советот за безбедност за Украина нема да променат ништо. Сите обиди да ни се наметне замрзнување во форма на прекин на огнот само за да му се даде време на Киев да се прегрупира и вооружи се осудени на неуспех“, рече Небензја.

Тој истакна дека значаен политичко-дипломатски дијалог за конфликтот во Украина нема да биде можен сè додека со Русија се зборува на јазикот на заканите, а реалноста на теренот се игнорира.

Извор: Б92

Тагови: ОН русија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Литар дизел од денеска се точи за 101,5 денари, за 1,5 денар повисоки цените и на бензините

Нов скок на цените на нафтените деривати – за прв пат по стартот на војната на Блискиот исток, литар дизел скокна над 100 денари и од полноќ литар се точи по цена од 101,5 денари. 

Литар дизел од денеска се точи за 101,5 денари, за 1,5 денар повисоки цените и на бензините

Со последната одлука на Регулаторна освен зголемување од 3,5 денари кај дизелот за 1,5 се зголемуваат и цените не бенизните. 95-ка од денска се продава по цена од 93 денари, а 98-цата за 95 денари по литар. Во пресметката влегуваат и намалените акцизи, и тоа за 2 денари кај бенизните и за 4 денари кај дизелот.

Тагови: Дизел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денес попладне нестабилно со пороен дожд

Претпладне времето ќе биде сончево и топло, а попладне и во вечерните часови наместа ќе биде нестабилно со пороен дожд, грмежи и засилен ветер.

Денес попладне нестабилно со пороен дожд

Локално процесите ќе бидат во форма на невреме со засилен до силен ветер и појава на град. Минималната температура ќе биде во интервал од 15 до 21, а максималната ќе достигне од 32 до 38 степени.

Во Скопје, сончево и топло со мала до умерена облачност, во вечерните часови во делови во котлината ќе има услови за пороен дожд и грмежи. Ќе дува слаб до умерен ветер од јужен правец. Минималната температура ќе се спушти до 20, а максималната ќе достигне до 38 степени.

До крајот на работната седмица ќе се задржи сончево и топло време со појава на умерена облачност во текот на денот.

Тагови: дожд

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер