Живот

Со месеци чувствувала болка за време на интимниот однос

Kога отишла на преглед, лекарите ѝ соопштиле страшна дијагноза...

Непријатноста во стомакот не треба да се занемарува, особено на возраст кога женското тело се менува.

Перименопаузата е период од животот на жената што најавува значителни биолошки промени. Токму во овој период, кога Жаклин Грин имала 47 години, почнала да се чувствува уморно и подуено, а интимните односи со нејзиниот сопруг станале непријатни, бидејќи чувствувала болка. По неколкумесечните необични симптоми, нејзиниот сопруг Кевин ја охрабрил да оди на лекар. Иако првично ѝ било кажано дека веројатно има синдром на нервозно дебело црево, Жаклин продолжила да трпи болки. Најмногу ја мачела болката во стомакот.

Кога завршила во болница поради неподносливи грчеви, ѝ биле откриени цисти на јајниците. Со текот на времето, прегледите покажале дека цистите се зголемиле, но лекарите сметале дека се работи за нормални цисти. Меѓутоа, по нејзиниот последен преглед, Жаклин дознала дека има рак на јајниците.

- Ги прашав лекарите уште колку живот ми останува. Не се осмелив да излезам пред маж ми и децата и да им кажам дека умирам - се присетува Жаклин.

Операцијата на карциномот поминала добро, но оваа храбра жена подоцна се соочила со враќање на туморот и итна хемотерапија.

- Болката беше страшна. Ослабев толку многу што едвај одев, а стомакот ми беше подуен како да сум во поодмината бременост - раскажува оваа храбра жена.

За жал, Жаклин и по трет пат се соочила со туморот и лекарите биле убедени дека не можат да ѝ помогнат. Благодарение на лекот што го добила успеала да ја победи болеста.

- Лекарите беа зачудени колку добро ја поднесувам терапијата. Зашто, кога првпат излегов од болница, ми рекоа дека не можат ништо, но се случи чудо. Овој „поштар“ кај мене заѕвони три пати. Сега сум благодарна за тоа што сум жива – додава Жаклин.

Таа новогодишните празници планира да ги помине со сопругот, шесте деца и четирите внуци. Среќна е што има можност да ужива во секој нов ден и благодарна е што успеала да ја надмине оваа тешка болест.

Симптоми на рак на јајниците

Канцерот на јајниците е придружен со подуеност, оток на стомакот и болка. Главниот третман за рак на јајниците е хируршка интервенција, како и хемотерапија. Ризикот од рак на јајниците се зголемува со возраста; почесто се јавува кај жени над 50 години кои имаат семејна историја на рак на јајници или на дојка.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Иран поставува седум услови за САД: „Во интерес на Вашингтон е да ги прифати овие услови“

Иран му достави на САД седум услови за почеток на какви било преговори, соопшти Мохсен Резаеи, секретар на иранскиот Врховен совет за национална безбедност.

Целосната листа на услови сè уште не е објавена.

„Техеран му пренесе на Вашингтон седум услови за почеток на какви било преговори. Пораката на Техеран е јасна и недвосмислена: доколку Вашингтон сака да излезе од ќорсокакот што самиот го создаде и да избегне уште подлабоко да заглави во него, нема друг избор освен да ги прифати правата и условите на Иран“, напиша Резаеи на платформата „Икс“ (X).

Неколку часа претходно, во интервју за „Ал Џезира“, Резаеи ги откри трите барања што Иран ги поставува за завршување на војната: прекин на војната на сите фронтови, одмрзнување на иранските средства и укинување на американската поморска блокада.

„Нашите услови се: прекин на војната на сите фронтови, одмрзнување на нашите средства и прекин на поморската блокада“, рече Резаеи. Тој не ги откри преостанатите четири услови.

Според него, Катар, како посредник, веќе ги пренел барањата на Иран до Вашингтон, а Техеран сега го очекува одговорот на актуелниот американски претседател Доналд Трамп.

„Остануваме во контакт со посредникот Катар, кој ги пренесе нашите услови до Вашингтон со цел да се стави крај на војната. Го очекуваме одговорот на претседателот Трамп“, изјави Резаеи.

Истовремено, еден ирански функционер предупреди дека Техеран е подготвен да го продолжи конфликтот доколку преговорите пропаднат.

„Во интерес на Вашингтон е да ги прифати овие услови. Заканите на Трамп нема да донесат никаков резултат. Подготвени сме за одлучувачка војна“, изјави Резаеи за Ал Џезира.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Функциите на ЗНАМ се менливи, касата останува - отчетот е филм а предавството е факт

ЗНАМ излезе од кино со реченицата: функциите доаѓаат и си одат, Македонија останува.

Отчетот бил обврска, не завршница. Пет пратеници што „знаат зошто се во Собранието“.

Минчев зборуваше за реформи, плати, инфраструктура и зголемување на пензиите.

Тоа „зголемување“ е само кражба од пензионерите. Самите си го ставија во брошурата како резултат.

Ова не е настан за љубов кон татковината туку отчет за шефот Мицкоски.

ЗНАМ се роди како проект на Мицкоски. Да ја урне СДСМ одвнатре.

Прво ја предадоа партијата. Потоа гласачите. Влегоа во власта. Станаа сателити на ВМРО-ОКГ.

Глас. Столче. Тендер. Пошта. Плац за Лидл. Фирма во Бугарија, па стана Максо и „странски инвеститор“.

Две години кражба. Две години народот го држат како заложник. Сега брошура и 14 градови да објаснат колку ја сакаат Македонија.

Нека објаснат колку чини столчето. Нека објаснат зошто патриотите имаат бугарски пасоши.

Има и втора смена. ЗНАМ 2.0. Платформата на Мицкоски за „реформи“ во СДСМ.

1,6 милиони евра од буџет. На грбот на народот. Буџет за СДСМ да свири по негова плејлиста.

За Гета дадоа 5,53 милиони евра. За делење на опозицијата - 1,6 милиони евра. Поевтино. Иста каса. Иста банда.

Првата верзија влезе во влада. Втората требаше да биде во СДСМ. Не успеа.

Затоа сега повторно се собираат „за иднината на Мицкоски“. Отчетот не е завршница туку проба.

Следниот чин нека го прават во Бела палата. Филмот го знаеме.

Предавството имаше еден датум. Сега има два.

ЗНАМ не е движење туку привзезок. Функциите се менливи. Провизијата останува. Македонија не им е љубов туку терен за кражба.

Граѓаните нема да одат на панел да им честитаат што ги продале. Одат на следни избори да ја вратат државата. Бандата да одговара. Пред суд. Не пред платно.

20.09.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Масовен напад со дронови врз Москва. Има загинати и повредени, погодена рафинерија

Најмалку две лица загинале, а шестмина се повредени во напад со беспилотни летала извршен во текот на ноќта во пошироката област на Москва, кој руските власти го опишаа како „масовен“.

Гувернерот на Московската област, Андреј Воробјов, соопшти дека биле соборени 249 беспилотни летала и дека избувнале пожари во неколку станбени згради и во еден магацин.

Во самата Москва била оштетена рафинерија за нафта, а два аеродрома вовеле ограничувања во сообраќајот, пренесува Би-би-си.

Large-scale drone attack underway in Moscow. Multiple impacts recorded across several sites in the Oblast. The scale of damage is not yet determined. The attack has continued for approximately four hours. https://t.co/ljOX3Hgq8s
— Faytuks Network (@FaytuksNetwork) September 20, 2026

Денеска , Воробјов прецизираше на Телеграм дека 44-годишна жена загинала откако дрон удрил во трикатна зграда, при што биле повредени уште пет лица, меѓу кои и две деца.

Тој исто така потврди дека постар маж починал во погодената приватна куќа во областа Орехово-Зујево. Градоначалникот на Москва, Сергеј Собјанин, извести дека дрон удрил во зграда во близина на градскиот булевар и потврди дека е оштетена рафинеријата за нафта.

Претходно, Собјанин соопшти дека 152 дрона биле соборени на пат кон Москва.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.