Со квалитет до Европа: „Реплек“ бележи нови успеси и инвестира во иднината на медицинскиот канабис - Канал 5

Здравје

Со квалитет до Европа: „Реплек“ бележи нови успеси и инвестира во иднината на медицинскиот канабис

Компанијата „Реплек“ е присутна на фармацевтскиот пазар веќе 80 години и чекор по чекор, заедно со своите вработени, изгради име кое денес е еден од синонимите за сигурност и доверба во фармацевтската индустрија.

Со квалитет до Европа: „Реплек“ бележи нови успеси и инвестира во иднината на медицинскиот канабис

Компанијата „Реплек“ веќе осум децении успешно го гради својот углед како еден од најпрепознатливите македонски брендови во областа на здравјето и негата. Со богато портфолио на фармацевтски производи, додатоци во исхраната и козметички линии, компанијата континуирано инвестира во квалитет, иновации и развој, следејќи ги највисоките европски стандарди.

Некогаш табу-тема, а денес сè поприсутен метод на лекување е медицинскиот канабис. „Реплек“ како компанија го препознал неговиот потенцијал уште пред десет години и одлучил да отвори ново поглавје во производството на лекови. Директорот Душан Пецовски вели дека на самиот почеток сè изгледало многу револуционерно.

„Реплек“ тогаш започнал со производство на лекови и препарати базирани на медицински канабис, со идеја да им помогне на пациентите кои бараат нови решенија. Пецовски се надева дека државата ќе ја препознае потребата на граѓаните и ќе овозможи лековите со медицински канабис да бидат достапни преку Фондот за здравствено осигурување.

„Пристапот на „Реплек“ е малку различен, не е аграрен и земјоделски, туку е повеќе фармацевтски. Просто кажано, една банална споредба да направам, а Македонија е позната по одгледување на зеленчук. Тоа е исто како да извезувате домати и пиперки, наспроти да извезувате кечап и ајвар. Значи додадената вредност на финалниот производ, на екстрактот од канабис, на маслото од канабис за кое „Реплек“ се залага е вистинската приказна и вистинскиот потенцијал во индустријата. За жал, тоа сè уште се соочува со предизвици. Тешко можете да дојдете до нив, се надевам дека тоа ќе се промени. Замислете само кога би било маслото со ТХЦ на товар на Фондот, каде граѓаните нема да треба да плаќаат од свој џеб, тогаш сликата би била многу поинаква“, ни објасни Пецовски.

Од Македонија кон Европа

„Реплек“ постави нови стандарди во фармацевтската индустрија кога станува збор за употребата на медицински канабис, а нивниот план е во блиска иднина да се прошират и на пазарите во други земји.

„Реплек“, како ЕУ GMP фабрика, може да се пофали и со извоз во Европската Унија. Оваа година направивме вистински пробив, како на пример на словенечкиот и ирскиот пазар со нашиот екстракт од канабис. Верувам дека за кратко време, односно до крајот на летото, нашите производи ќе бидат пласирани и на грчкиот пазар“, изјави Пецовски за Канал 5.

Исто така, „Реплек“, како дел од својата поддршка и развој на дејноста, формираше и информативен центар за сите граѓани кои сакаат да се информираат за лекувањето со медицински канабис, но и за оние кои поради различни здравствени проблеми се во потрага по решение.

Посветеноста на квалитетот, современите производствени процеси и вложувањето во нови технологии овозможуваат „Реплек“ постојано да создава производи што одговараат на потребите на современиот човек. Токму затоа, по 80 години постоење, компанијата останува пример за успешна домашна приказна која успешно ги спојува традицијата, знаењето и иновациите.

Целото интервју што директорот Пецовски го даде за Канал 5 можете да го погледнете на следниот линк.

YouTube video

Тагови: лекови медицински канабис Реплек

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Спречен е обид за атентат врз Трамп- уапсен е тиктокер, ФБИ со вознемирувачки детали (ВИДЕО)

44-годишен маж од Тенеси е обвинет за објавување бројни насилни закани на интернет, ветувајќи дека ќе ги убие американскиот претседател Доналд Трамп, директорот на ФБИ, Кеш Пател и неколку локални функционери.

Спречен е обид за атентат врз Трамп- уапсен е тиктокер, ФБИ со вознемирувачки детали (ВИДЕО)

44-годишен маж од Тенеси е обвинет за објавување бројни насилни закани на интернет, ветувајќи дека ќе ги убие американскиот претседател Доналд Трамп, директорот на ФБИ, Кеш Пател и неколку локални функционери, предупредувајќи дека претседателот треба „да поднесе оставка или да биде „сменет““, објави WBIR.

Гари Ли Вилијамс беше уапсен во четврток и обвинет по едно обвинение за упатување меѓудржавни смртни закани против јавни службеници, соопштија властите.

Според изјавата на ФБИ прикачена на кривичната пријава, агентите започнале да го истражуваат Вилијамс откако добиле дојава во мај за сметка на TikTok на која наводно се објавувале закани против владини службеници и нивните деца. Истражителите утврдиле дека сметката му припаѓала на Вилијамс, чие криминално досие вклучува претходни пресуди за тешка кражба и тешка физичка напад.

Агентите велат дека сметката на TikTok на Вилијамс содржела десетици објави, фотографии и видеа во кои се заканувале Трамп, директорот на ФБИ, Кеш Пател, шерифот на округот Нокс, Том Спанглер, началникот на полицијата во Ноксвил, Пол Ноел и други.

Меѓу објавите наведени во пријавата, една била особено вознемирувачка.

„Претседателе Трамп, доаѓам по тебе и по сите твои пријатели. Сакам да ви ги отсечат главите од рамената. Испратете колку што сакате полицајци, и тие можат да го сторат истото.“

Во видео на TikTok, Вилијамс упати дополнителни закани до децата на американските функционери.

„Сите вие ​​корумпирани политичари на оваа листа, збогувајте се со вашите семејства. Гледајте преку рамената дење и ноќе, грижете се за вашите деца или внуци во училиште, бидејќи никогаш не знаете кога ќе бидам тука. Ќе добијам правда или преку судовите или со тоа што ќе ве пратам во гроб.“

Федералните истражители, исто така, издвоија објава од март во која пишуваше: „Убијте го претседателот Трамп, ЦИА, ФБИ и Каш Пател“ и „смрт за сите кукавици“.

Во друга порака, Вилијамс наводно напишал дека Трамп и Пател „треба да бидат обесени или застрелани“ и „убијте ги сите. Претседателе Трамп, повлечете се или ќе бидете соборени.“

Во соопштението на ФБИ се вели дека Вилијамс, исто така, му се заканувал на семејството на Трамп.

„На Трамп би му било подобро да носи панцир... Ми се допаѓа што неговиот син Барон носи еден. Не ти беше гајле ниту за мене ниту за моите деца, па кој се грижи за твоите деца.“

Истражителите, исто така, издвоија објава од јануари за која веруваат дека е ескалација на заканите.

„Ова не е закана, ова е ветување.“

Во истата објава, тој предупреди дека федералните згради, судовите, универзитетските кампуси и местата за богослужба ќе бидат принудени да се затворат и им рече на службениците да „се збогуваат со своите деца“.

Во жалбата се споменува и видео во кое Вилијамс наводно ги повикува другите да убиваат полицајци, судии, политичари, федерални агенти и други владини претставници. Тој рече дека ако имал пиштол и муниција, ќе „ја поведе акцијата“ и ќе започне со шерифот на округот Нокс и началникот на полицијата во Ноксвил.

Кога локалните службеници за спроведување на законот се соочија со него за објавите во мај, истражителите велат дека тој признал дека ги објавил на социјалните медиуми, но негирал каква било намера да изврши насилство. Тој рече дека верува оти корумпираните јавни службеници „треба да бидат одговорни“.

Властите соопштија дека се верува дека обвинетиот е бездомник и дека живее во своето возило.

Вилијамс за прв пат се појави пред федералната судијка Дебра С. Поплин во петокот. Неговото прелиминарно сослушување е закажано за 25 август, според судските записи.

Тагови: Доналд Трамп ФБИ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Силно невреме го зафати Скопје, пожар избувна во Карпош 4- откорнати дрвја, однесени кровови (ВИДЕО)

Силно невреме со ветришта пред малку го зафати Скопје.

Силно невреме го зафати Скопје, пожар избувна во Карпош 4- откорнати дрвја, однесени кровови (ВИДЕО)

Во Карпош 4 се издигата пламени јазици во близина на кејот на Вардар.

Од силината на ветерот во делови од градот има искршени гранки од дрвја, а силниот ветер освен дожд пред себе носи и прашина и ситен отпад. Граѓаните кои се затекнале на отворено, барале засолништа.

Од УХМР претходно најавија дека во попладневните часови се очекува во делови од котлината да има појава на нестабилност со пороен дожд, грмежи и засилен ветер.

Најaвеното силно невреме попладнево започна да го зафаќа Скопје. Во делови од градот врне пороен дожд, дува силен ветер, а се слушаат и интензивни грмотевици.

Засега нема официјални информации за предизвикани материјални штети, повредени лица или посериозни последици од невремето. Во некои населби граѓани пријавуваат прекини во снабдувањето со електрична енергија.

YouTube video

Очевидци јавуваат за откорнати дрвја во Кисела Вода и Карпош, како и за паднати настрешници. Настрешница падна и од болницата 8-ми Септември.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Зошто Мадона, Шакира и Бибер не беа платени за настапот на СП?

Воведната програма на полувремето од финалето на Светското првенство, замислена како голем глобален спектакл, веднаш покрена прашања за тоа колку чини таква продукција.

Зошто Мадона, Шакира и Бибер не беа платени за настапот на СП?

Јавниот интерес дополнително се зголеми откако беше потврдено дека некои од најголемите музички ѕвезди како Мадона, BTS, Џастин Бибер, Мапетите и Шакира ќе учествуваат во краткиот настап.

Единаесет минути спектакл и бројни реакции

Програмата ја отвори Мадона со изведба на нејзиниот хит „Music“, со барана кореографија и раскошна продукција. По неа настапи К-поп групата BTS со песната „Dynamite“, додека Џастин Бибер ја промени атмосферата со акустична изведба на песната „Everything Hallelujah“ со гитара. Последниот дел ѝ припадна на Шакира, која танцуваше на официјалната химна на првенството „Dai Dai“.

Иако траеше само единаесет минути, настапот не беше без критики. Дел од јавноста верува дека концертот дополнително ја нагласил комерцијалната страна на турнирот и дека првенствено имал за цел да ја привлече американската публика. Во исто време, многумина беа заинтересирани колку пари издвоила ФИФА за ангажман на толку многу познати изведувачи.

Ѕвездите не добија хонорар

Одговорот е дека најголемите ѕвезди на овогодинешното финале не беа платени за нивниот настап. Како и со настапот на полувремето на Супербоул, изведувачите не добија хонорар, но го поддржаа своето учество како дел од хуманитарна иницијатива.

Според The ​​Athletic, извор од организацијата потврди дека „музичарите го донираа своето време и настап“ за да ја поддржат работата на организацијата Global Citizen, која се занимава со социјални прашања и борбата за подобри услови за живот низ целиот свет.

Целта е да се соберат 100 милиони долари

Концертот е дел од заедничка иницијатива на ФИФА и Global Citizen, чија цел е да се соберат 100 милиони долари за образовни програми и проекти што им обезбедуваат на децата ширум светот подобри можности, вклучително и подостапен фудбал.

„Светот се собира околу најголемата фудбалска игра, а оваа историска изведба ќе го насочи вниманието и кон повисока цел. Ќе го поддржи Фондот за глобално граѓанско образование на ФИФА и нашата заедничка мисија да обезбедиме децата ширум светот да имаат пристап до квалитетно образование и можности да играат фудбал“, рече претседателот на ФИФА, Џани Инфантино, при најавувањето на концертот.

„Тоа ќе биде прослава на фудбалот, единството и хуманоста што ќе одекнува долго по последниот свиреж на судијата“, додаде тој.

Џастин Бибер, исто така, ја нагласи важноста на проектот. „Светското првенство го поврзува светот како ништо друго. Благодарен сум што сум дел од ова шоу на полувремето, а уште повеќе сум благодарен затоа што знам дека веќе помага да се обезбеди подобар пристап до образование за децата ширум светот“, рече пејачот.

Тагови: Мадона Шакира

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер