Со концерт посветен на Ана Липша Тофовиќ вечерва отворање на јубилејното 60-то издание на „Охридско лето"

Со концерт посветен на нашата оперска примадона Ана Липша Тофовиќ вечерва во Античкиот театар ќе биде отворено годинешното 60-то по ред издание на Фестивалот „Охридско лето".

Концертот насловен „Вокални бисери – по стапките на Ана Липша" на верната фестивалска публика ќе и понуди познати светски арии, во изведба на солистите Марија Јелиќ – сопран, Дарио Ди Виетри – тенор, Иван Томашев – бас и Аманда Стојовиќ – мецосопран во пијано придружба на Миливое Велиќ.

Свеченото отворање на нашата најреномирана музичко-сценска манифестација и целата фестивалска програма ќе се одржува во сосема поинакви околности, наметнати поради епидемијата на коронавирусот. Јубилејното фестивалско издание за првпат од 1961 година се одржува надвор од вообичаениот термин, од 4 август до 20 септември, со строги придржувања кон протоколите за заштита од ширење на Ковид-19. Од Управата на Фестивалот однапред е нагласено дека независно интересот кај публиката за некоја од понудените содржини, во ниту еден случај нема да биде дозволено пречекорување на однапред предвидениот број седишта.

Во текот на наредните 28 фестивалски дена на отворените сцени на Античкиот театар, Долни Сарај, Предворјето на „Света Софија", како и самата црква ќе има околу 300 уметници од 19 земји, како и голем број домашни уметници.

Музичката програма на „Охридско лето" годинава содржи 26 концерти, од кои два во фестивалската офф-програма.

Селекторот на музичката програма Даница Стојанова е особено горда што оваа година приоритет е даден на македонски уметници, како потврда дека токму тие се столбот на домашната уметничка вредност. Фестивалот „Охридско лето" веќе го носи реномето за еден од најголемите промотори и афирматори на македонската уметност, на македонските композитори и изведувачи.

На фестивалската сцена ќе настапат врвни имиња како пијанистите Наталија Трул од Русија, Кемал Гекиќ од САД, Фукио саксофон квартетот од Шпанија, косовскиот гитарист Петрит Чеку, италијанскиот фелјтист Масимо Мерчели, мецосопранот Викена Каменица од Албанија, Келнскиот гудачки секстет, францускиот обоист Ариан Баке, Дуо Солипс…Несекојдневен настан е концертот за четири клавири и оркестар од Чешка, од македонската сцена Марија Ѓошевска, хорскиот ансамбл „Про Арс" со маестро Сашо Татарчевски, Гордана Јосифова – Неделковска, потоа Скопје танцов театар со Рисима Рисимикин, гала оперска вечер под раководство на диригентката Бисера Чадловска, како и женскиот балетски ансамбл и оркестар од НОБ. Веќе редовни на фестивалот се Вечерите на Музичката младина со камерниот оркестар „Саша Николовски Ѓумар", тука е и вечерта со музиката на македонскиот композитор Томе Манчев, со нсатапите на Весна Анѓеловска, Маја Шутевска, Љубиша Кировски, Марјан Милошевски, Горан Начевски, Елена Атанасовска, Антоние Весковски, како и уште многу ексклузивни уметнички имиња.

Селекторот на драмската програма Александар Поповски пред самото отворање на Фестивалот истакна дека токму со одржувањето „Охридско лето" во новите околности ја демонстрира важноста на уметноста, важноста на културата.

Драмската програма започнува веќе утре со изведбата на претставата „Сестрите Прозорови" на Чехов, во изведба на Театар „Јордан Хаџи Константинов – Џинот" од Велес. На програмата се уште изведбите на Драмски театар кој ја носи претставата „Чудесна терапија", претставата „Човек, ѕвер и доблест" со Театар Комедија, премиерата „Полковникот Птица" на Народниот театар од Гостивар, преставата за деца на Театар за деца и младинци „Јованче и Марика", а затворањето на Фестивалот е резервирано за изведбата на „Бог на масакрот" на Турскиот театар од Скопје, кој годинава слави 70-годишен јубилеј.

Шестдецениското опстојување и успешниот пат од едновечерен концерт до манифестација со врвен светски уметнички дострел Фестивалот „Охридско лето" ќе го одбележи со промоција на монографијата „Фестивалска приказна" од авторите Снежана Анастасова-Чадиковска и Роза Нолчева – Ангеловска.

Уште две деца од струмичката градинка позитивни на Ковид-19

Уште две деца од струмичката градинка од истата група од која е првото, се позитивни на Ковид-19, потврди директорот Васил Бубев.

-Не може да се потврди дека станува збор за поврзаност со првиот случај на Ковид- 19 во групата, бидејќи едното од децата воопшто не се сретнало со првото позитивно дете, додека другото било во контакт само еден ден. Не е исклучена можноста да станува збор за пренос на вирусот од други лица во кругот на семејствата кои можеби се носители на вирусот, но се асимптоматски, изјави директорот Бубев.

Додава дека според епидемиолозите се уште не може да се утврди точно како се заразиле двете деца и дека постојано се преземаат сите мерки за заштита согласно протоколите.

Единаесетте деца од оваа група и тројца вработени се во изолација.

Првиот случај на коронавирус во струмичката градинка беше регистриран пред два дена. Детето било во градинка само три дена од отворањето, а од понеделникот не доаѓало, а утврдено е дека вирусот го добило од член на семејството. /МИА

ЕУ има план за мигрантите преку солидарност меѓу сите земји –членки

Европската комесарја за внатрешни работи ,Илва Јохансон, која во среда ќе ја претстави долгоочекуваната реформа на политиката за азил, повика на „задолжителен механизам за солидарност“ меѓу сите земји на ЕУ во случај на миграциски притисок.

„Мора да биде задолжително, сите земји-членки мора да помогнат во ситуација кога една земја-членка е под притисок и кога има многу луѓе на кои им е потребна заштита“, изјави денеска шведската комесарка, пренесува АФП.

„Но, ние исто така треба да го разгледаме видот на помошта“, нагласи Јохансон, имајќи ја предвид постојаната неподготвеност на некои земји да примат мигранти и неуспехот на системот за привремена распределба со квоти, одлучен за време на миграциската криза во 2015 година.

„Не станува збор само за преселба во една земја на ЕУ, туку може да има и помош на репатрираните баратели на азил“, продолжи таа.

Комесарката одби да даде детали за „новиот договор за миграција и азил“ што ќе биде претставен на 23 септември, две недели по пожарот во преполнетиот логор Морија во Грција.

Таа призна дека „многу е тешка задача да се најде предлог што ќе биде прифатен од сите земји-членки и Европскиот парламент“.

„Претпоставувам дека мојот предлог, кога ќе го претставам, нема да биде добредојден“, рече таа, но додаде дека се надева „дека сите ќе разберат дека тоа е избалансиран компромис“.

Претседателката на Европската комисија Урсула фон дер Лајен им соопшти на европратениците во средата дека има намера „да ја укине Даблинската регулатива, клучна точка на политиката на ЕУ за азил што создава тензии, во корист на новиот европски систем за управување со миграцијата“.

Оваа регулатива ја доверува обработката на барањето за азил на првата земја на ЕУ во која пристигнува мигрантот, а земјите како што се Грција и Италија сметаат дека тоа е нефер поради нивната географска положба што ги става во прв план.

Илва Јохансон исто така истакна дека постапките за разгледување на апликациите треба да бидат „многу побрзи“.

На протестот во Москва уапсен е историчарот Валериј Соловеј,критичар на Кремљ (ВИДЕО)

Руската полиција го уапси историчарот и критичар на Кремљ, Валери Соловеј, откако прошета низ центарот на Москва со уште неколкумина демонстранти за да изрази солидарност со граѓаните кои протестираат во Хабаровск.

Видеото објавено на Интернет покажува како неколку полицајци со црни маски на лицето го грабнуваат Соловеј, носејќи го до службеното возило на плоштадот Пушкин, пренесува Ројтерс.

Историчарот Соловеј сега се наоѓа во полициска станица во центарот на Москва.

притисни ентер