Со концерт на „Ју-ту“ во септември се отвора најмодерната концертна сала во Лас Вегас - Канал 5

Шоу биз

Со концерт на „Ју-ту“ во септември се отвора најмодерната концертна сала во Лас Вегас

Технолошко-забавните компании „МСГ“ и „Сфер ентертејнмент“ почнаа со тестирање на салата „Сфер“, што ќе има 17.600 седишта и најсофистицирани концертни ефекти.

Со концерт на „Ју-ту“ во септември се отвора најмодерната концертна сала во Лас Вегас

Изградбата на куполата почна во 2019 година, а пандемијата и технолошката сложеност ѝ ја зголемија цената до 2,3 милијарди долари. Ова е најскапата градба во Лас Вегас досега, бидејќи стадионот на рагби-клубот Рајдерс чинеше 1,9 милијарди долари. И надворешноста на куполата, според многумина, изгледа привлечно и спектакуларно, но главната атракција е всушност нејзината внатрешност. Можеби најзанимлив елемент е внатрешниот „16К-ЛЕД“ екран што го опкружува просторот. Зданието е наменето „за забава во живо со затворен екран“ и има за цел - ново ниво во концертните искуства и кино-ефектите.

Џејмс Долан и Дејвид Дибл од „МСГ“ за списанието „Ролинг стоун“ изјавија дека целта е да се создаде виртуелно-реално искуство „без очила“. Дел од куполата е и уникатен систем од 164.000 звучници, што ќе може да издвои одредени звуци, или дури и да ги ограничи на делови од публиката. Така, на пр., еден дел од публиката ќе може да слушне дијалог само на шпански јазик.

YouTube video

Како и 4-Д киното, и „МСГ сфер“, т.е. околу 10.000 седишта ќе имаат „сетилни ефекти“, како што се тн. хаптика (виртуелен допир), ладен и топол ветер, како и ефектите на мириси. Во случај на „виртуелно патување“ на Арктикот, на пр., така, додека трае содржината ќе се почувствува и студот.

„МСГ сфер“ официјално ги отвора вратите на 29 септември. Ирската рок-група „Ју-ту“ ги почнуваат своите 25 настапи во своја продукција, а сите тие се веќе распродадени.

Што по концертите на „Ју-ту“ - засега сѐ уште не се знае, но можно е во куполата да се одржуваат и турнири во е-спорт и боречки вештини.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло

Времето утре ќе биде сончево и многу топло со мала до умерена локална облачност. 

Утре сончево и многу топло

Попладне наместа ќе има зголемена облачност и услови за пороен дожд, грмежи, засилен ветер и изолирано невреме со силен ветер и појава на град. Минималната температура ќе биде во интервал од 13 до 21, а максималната ќе достигне од 32 до 40 степени.

Во Скопје, сончево и топло со мала до умерена облачност. Попладне во делови од котлината ќе има услови за краткотраен пороен дожд и појава на грмежи. Ќе дува слаб до умерен ветер од северен правец. Минималната температура ќе се спушти до 20, а максималната ќе достигне до 37 степени.

Во текот на новата седмица дневната температура ќе опадне за неколку степени. Во попладневните часови, особено во понеделник ќе има локална нестабилност со пороен дожд, грмежи и засилен ветер. Наместа ќе има услови за невреме со силен ветер и појава на град.

Тагови: сончево

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Американски суд ја поништи забраната на Трамп за имигрантски визи за 75 земји, вклучително и за македонските граѓани

Забраната за имигрантски визи за граѓани на 75 земји, меѓу кои и Македонија, воведена од администрацијата на претседателот на САД Доналд Трамп, денеска е поништена од федерална судијка како „спротивна на законот“, објави СНН.

Американски суд ја поништи забраната на Трамп за имигрантски визи за 75 земји, вклучително и за македонските граѓани

Одлуката ја донесе судијката Џенет Варгас од федералниот окружен суд во Менхетен.

Таа оцени дека државниот секретар Марко Рубио ги надминал своите законски овластувања со забраната, донесена со образложение дека ќе го спречи влезот на луѓе кои би користеле социјална помош и јавни бенефиции. Судијката утврди дека американските службеници во пракса биле упатени да ги одбијат барањата за виза од апликантите, дури и од оние кои можеле да се издржуваат сами, единствено врз основа на нивната земја на потекло.

Во јануари, Стејт департментот го суспендираше издавањето имигрантски визи за земји каде што живее речиси 40% од светското население, а меѓу нив од регионот се најдоа и Македонија, Црна Гора, Босна и Херцеговина и Косово.

Тагови: визи

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Италијанскиот пливач Алесио Окипинти победи на Охридскиот маратон

Италијанскиот пливач, Алесио Окипинти, е победник на 39-тиот Охридски пливачки маратон.

Италијанскиот пливач Алесио Окипинти победи на Охридскиот маратон

Тој патеката „Климе Савин“ од Свети Наум до Охрид во должина од 25 километри денеска ја исплива за 5:03.44 часа.

Најдобар македонски претставиик денеска беше Петар Цеков кој низ целта мина како третопласиран.

На целта на кејот „Македонија“ пливачите ги пречека претседателката Гордана Сиљановска- Давкова која е главен покровител на маратонот.

Наградниот фонд на трката изнесува 15 илјади долари, распределни соодветно за првите тројца во двете категории

Тагови: Охридски пливачки маратон

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер