Здравје

Со компјутерска томографија може да се предвиди срцев удар

Со новата метода на анализа на снимките од компјутерска томографија (КТ) , може да се види на кои пациенти им се заканува срцев удар и тоа со години пред да се случи.

Според научниците од Универзитетот во Оксфорд, се пресметуваат со посебни алгоритми маснотиите околу коронарните артерии , кои се гледаат со КТ. Британските научници во усовршувањето на оваа метода работеле заедно со колеги од Германија и од САД.

Било утврдено дека маснотиите се менуваат за време на воспаление на артериите и тоа може да послужи како основа за рано предупредување во 30 проценти од срцевите удари.

,,Ако можете да идентификувате воспаление на срцева артерија , тгаш може да кажете која артерија ќе предизвика срцев напад” , вели професорот од Оксфорд, Хараламбос Антониадес.

Научниците на снимките на КТ им покажуваат на докторите на кое место артеријата е стеснета поради насобрани маснотии , така што докторите ќе предвидат на која артерија и се заканува стеснување и предизвикување срцев удар. Научниците се надеваат дека нивното откритие ќе биде прифатено од властите на двете страни на Атлантикот до крајот на следната година.

Македонија

Тошковски: МВР ќе ја гарантира безбедноста на секој набљудувач

Изјава по остварена средба со претставници од Фондацијата „Ромите за демократија“ кои денеска организираа протестен марш од ДИК до МВР.

Тие протестираа заради закани кои биле упатени кон нивни набљудувачи за време на првиот круг од Претседателските избори 2024.

Министерот за внратрешни работи во техничката влада, Панче Тошковски изјави дека МВР ќе ја гарантира безбедноста на секој набљудувач за време на изборниот процес.

Свет

Кремљ ги дефинираше како неосновани обвинувањата на САД дека користеле хемиско оружје

 Кремљ ги оквалификува како неосновани американските обвинувања дека руските сили користеле хемиско оружје во Украина.

Портпаролот на Кремљ, Дмитриј Песков, изјави дека Москва останува обврзана со договорот за забрана на употреба на хемиско оружје.

Стејт департментот ја обвини Русија дека го користела хемиското оружје „хлорпикрин“ против украинските сили со што ја прекршува Конвенцијата за забрана за употреба на хемиско оружје.

„Употребата на тие хемикалии не е изолиран инцидент и најверојатно е мотивирана од желбата на руските сили да ги отстранат украинските сили од зацврстените позиции и да постигнат тактички напредок на бојното поле“, соопшти Стејт департментот. /МИА

Свет

Палестинските безбедносни сили убиле милитант на Западниот брег

Палестинските безбедносни сили денеска на Западниот Брег убиле припадник на локална вооружена група поврзана со милитантниот Исламски џихад, откако биле под нивен оган, јавуваат британските медиуми, додавајќи дека тоа е редок судир меѓу Палестинците.

Талак Двејкат, портпарол на безбедносните служби на палестинските власти, изјави дека органите на редот биле испратени во ноќна патрола во Тулкарм и биле под оган и возвратиле и го застрелале напаѓачот, кој починал од раните во болница.

Локалната вооружена група бригади Тулкарм и Нур-Шамс објави дека загинатиот човек Ахмед Абу ал Фул е нивни член. Групата ја потврди својата поврзаност со милитантите на Исламскиот џихад. Бригадите Тулкарм и Нур Шамс го опишаа нападот на палестинските безбедносни сили врз нивниот член како „атентат“ во израелски стил. Според вооружената група, Ал-Фул бил нападнат „без причина“.

Палестинската управа, предводена од претседателот Махмуд Абас, има ограничена самоуправа на Западниот Брег и понекогаш ја координира безбедноста со Израел. Хамас, сојузник на Исламскиот џихад, ги осуди „нападите на силите на палестинската управа против нашиот народ и борците на отпорот“. /МИА

притисни ентер