Култура

Со изведба на одбрани арии отворено јубилејното 60. „Охридско лето"

Вечерашниот концерт е посветен на незаборавната оперска примадона Ана Липша – Тофовиќ.

Охрид од вечерва до 30 август ги живее своите 28 дена возбуда што ги носи Фестивалот „Охридско лето". Со познати арии во изведба на уметниците Марија Јелиќ, Дарио Ди Виетри, Иван Томашев и Аманда Стојовиќ, во пијано придружба на маестро Миливое Велиќ, вечерва на Античкиот театар беше отворено годинашното јубилејно 60-то издание на нашата најголема и најреномирана музичко-сценска манифестација.

Вечерашниот концерт е посветен на незаборавната оперска примадона Ана Липша – Тофовиќ, која на фестивалот му врежа љубов, но и вечност. Токму со нејзиниот концерт одржан на денешен ден во 1961 година Фестивалот „Охридско лето" почна да ја испишува својата биографија.

Пред евидентно редуцираниот број гости на Антички поради КОВИД-пандемијата, Фестивалот за отворен го прогласи покровителот на манифестацијата, претседателот на државата Стево Пендаровски кој упати честитки за шестдецениското опстојување во кое, како што истакна, „врвни македонски, европски и светски уметници нѐ почестија со својата извонредност, тука во Охрид".

– И од тука ја промовираа македонската култура и, воопшто, вредностите на нашиот народ и држава. Ова достигнување е заслуга на генерации културни работници и поддржувачи кои со својот труд и со посветеноста се вградија себеси во мисијата на овој фестивал, рече претседателот.

Пендаровски нагласи дека организирањето на „Охридско лето" во услови на КОВИД-19 не е воопшто лесно, но е апсолутно неопходно, зашто веќе 60 години манифестацијате е модел за врвни естетски достигнувања на меѓународно ниво.

– Во исто време, ова е фестивал на креативни поединци кои се исправаат наспроти деструктивните тенденции. Се разбира дека од ваквите потфати на уметнички здружувања и политиката може да учи за тоа како се создаваат слободни, отворени, еманципирачки, динамични јадра што ја потврдуваат убавината на различностите. Нужно е да ги задржиме нивото и квалитетот што со себе ги носи фестивалот „Охридско лето". Колку што културата ни е потребна во мирни времиња, уште повеќе ни е неопходна во време на криза, истакна шефот на државата.

Пред публиката се обрати и министерот за култура во заминување Хусни Исмаили, кој изрази задоволство што фестивалот е постар од голем дел од присутните вечерва на Античкиот театар.

– Фестивалот „Охридско лето" не се мери веќе со годините на неговите изданија, но се мери со уметничките успеси што ги носи секоја година…Јас сум силно убеден дека никој повеќе не може да не го признава престижот на фестивалот кој што денес е повеќе од очекувањата на самите основачи пред 60 години, зошто да не и повеќе од нивните соништа за еден фестивал што ќе биде уметнички амблем на Македонија на уметничката светска арена, рече Исмаили, истакнувајќи дека фестивалот не успеал само заради постојаната поддршка на државата, туку пред се поради тоа што израснал од ентузијазмот и љубовта на многу луѓе кои можеби вечерва и не се меѓу нас, но со нивната посветеност овозможиле фестивалот да опстои повеќе од половина век и да создава уметници што би ги посакувала секоја светска сцена.

Во име на учесниците на Фестивалот уметничката порака ја пренесе Снежана Анастасова-Чадиковска, истакнат академски музичар, пијанист, педагог и музички публицист која зад себе има богата концертна дејност токму и на сцената на „Охридско лето", а во својот богат минат труд е успешна и како селектор на фестивалската програма.

Анастасова-Чадиковска говореше во име на оние кои веќе шест децении со музика, збор, запис или израз на телото ги оживотворуваат и овековечуваат фестивалските сцени, тоа се поголемо, блескаво братство кое веќе брои преку педесет илјади музичари, актери, балетски играчи….

– Велам братство, вистинско братство, зошто убедена сум дека нема уметник кој ја доживеал онаа толку специфична озвучена светлост под сводовите на „Света Софија", оној благороден спокој и воедно вековна разиграност на бројните охридски сцени. Нема уметник, независно од која страна на светот доаѓал, на која раса или вера и припаѓал, нема уметник кој не се почувствувал и самиот дел од ѕвездената суштина на градот Охрид и фестивалот „Охридско лето". Зошто Охрид-тоа е духовното средиште на нашата земја ,но несомнено и еден од светилниците на сесветското човекување, рече Анастасова-Чадиковска.

Таа уште нагласи дека повторно уметниците се тука во Охрид, да го оживеат 60-от фестивал „Охридско лето", и оваа година да проговорат низ врвни музички, драмски и балетски дела за моќта на креативното.

– За убавината-чуварот на онаа толку неопходна надеж за животната радост на секој нов, иден ден. Тука сме. Сите заедно, одново ќе чекориме по вечните охридски ѕвезди, рече Анастасова-Чадиковска.

До 30 август на отворените сцени на Античкиот театар, Долни Сарај, Предворјето на „Света Софија", како и во самата црква ќе настапат околу 300 уметници од 19 земји, како и голем број домашни уметници.

Музичката програма на „Охридско лето" оваа година содржи 26 концерти, од кои два во фестивалската офф-програма. На фестивалската сцена ќе настапат врвни имиња како пијанистите Наталија Трул од Русија, Кемал Гекиќ од САД, Фукио саксофон квартетот од Шпанија, косовскиот гитарист Петрит Чеку, италијанскиот фелјтист Масимо Мерчели, мецосопранот Викена Каменица од Албанија, Келнскиот гудачки секстет, францускиот обоист Ариан Баке, Дуо Солипс…Несекојдневен настан е концертот за четири клавири и оркестар од Чешка, од македонската сцена Марија Ѓошевска, хорскиот ансамбл „Про Арс" со маестро Сашо Татарчевски, Гордана Јосифова – Неделковска, потоа Скопје танцов театар со Рисима Рисимикин, гала оперска вечер под раководство на диригентката Бисера Чадловска, како и женскиот балетски ансамбл и оркестар од НОБ. Веќе редовни на фестивалот се Вечерите на Музичката младина со камерниот оркестар „Саша Николовски Ѓумар", тука е и вечерта со музиката на македонскиот композитор Томе Манчев, со нсатапите на Весна Анѓеловска, Маја Шутевска, Љубиша Кировски, Марјан Милошевски, Горан Начевски, Елена Атанасовска, Антоние Весковски, како и уште многу ексклузивни уметнички имиња.

Драмската програма почнува утре со претставата „Сестрите Прозорови" на Чехов, во изведба на Театарот „Јордан Хаџи Константинов – Џинот" од Велес. На програмата се и изведбите на Драмски театар кој ја носи претставата „Чудесна терапија", претставата „Човек, ѕвер и доблест" на Театар Комедија, премиерата „Полковникот Птица" на Народниот театар од Гостивар, преставата за деца на Театар за деца и младинци „Јованче и Марика", а затворањето на Фестивалот е резервирано за изведбата на „Бог на масакрот" на Турскиот театар од Скопје кој годинава слави 70-годишен јубилеј.

Ова фестивалско издание прв пат се одржува надвор од вообичаениот термин, од 12 јули до 20 август, поради ситуацијата наметната од епидемијата на коронавирусот. Сите фестивалски настани ќе се одржуваат со ригорозно почитување на протоколите за заштита од ширење на КОВИД-19. Управата на Фестивалот однапред најави дека независно од интересот кај публиката за некоја од понудените содржини, во ниту еден случај нема да биде дозволено пречекорување на однапред предвидениот број седишта.

Шестдецениското опстојување и успешниот пат од едновечерен концерт до манифестација со врвен светски уметнички дострел, Фестивалот „Охридско лето" ќе го одбележи со промоција на монографијата „Фестивалска приказна" од авторите Снежана Анастасова-Чадиковска и Роза Нолчева –Ангеловска.

„Охридско лето" е дел од семејството на Европската асоцијација на фестивали уште од 1994 година, кога и официјално зачекори кон остварување на мисијата – културна Европа со заеднички врвни културни вредности.

„Охридско лето" денес претставува гордост, национално достоинство и исклучителна културна придобивка за Охрид и Македонија, манифестација која на најдостоинствен и најрепрезентативен начин не промовира ширум светот. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Други спортови

Џошуа ги налути фановите со „бесното“ возење: Зарем ништо не научи? (ВИДЕО)

Видеото од Ентони Џошуа (36) предизвика бројни реакции на социјалните мрежи.

Поранешниот двократен светски шампион во тешка категорија беше снимен како се трка со голф коли со пријатели, а „Boxing King Media“ објави дека снимката е снимена во Доминиканската Република.

На видеото се гледаат неколку возила како возат едно до друго со голема брзина. Во еден момент, Џошуа посегнува кон соседното возило и го зграпчува додека вози. Видеото брзо се прошири на социјалните мрежи, каде што многу корисници го критикуваа за неговото ризично однесување.

„Не научи ли ништо?“, „Ова е толку глупаво со оглед на несреќата во која беше“ и „За некој што поминал низ она низ што помина тој, ова не е паметно“, беа некои од реакциите што се појавија со видеото. Не е потврдено кога е снимено видеото, па затоа не може со сигурност да се каже дека е создадено по сообраќајната несреќа во која беше вклучен Џошуа кон крајот на минатата година.

Anthony Joshua races his friends in golf carts in the Dominican Republic. pic.twitter.com/WzAizzPHs6
— FearBuck (@FearedBuck) August 19, 2026

Тој изгуби двајца блиски пријатели во несреќа

На 29 декември 2025 година, Џошуа беше вклучен во тешка сообраќајна несреќа во Нигерија. Тој беше патник во теренско возило кое се удри во камион на автопатот Лагос-Ибадан. Џошуа преживеа со повреди кои не беа опасни по живот, но двајца од неговите најблиски пријатели и соиграчи, Латиф „Лац“ Ајоделе и Сина Гами, беа убиени.

Ајоделе беше негов личен тренер, а Гами беше негов фитнес тренер. По несреќата, Џошуа зборуваше за тоа колку нивната загуба го погоди и ги нарече негови „леви и десни раце“. Се врати на рингот минатиот месец против Кристијан Пренга. Британецот беше на подот двапати за време на борбата, но потоа го нокаутираше противникот во втората рунда. Ја посвети победата на своите паднати пријатели.

Џошуа е поранешен олимписки шампион и двократен светски шампион во тешка категорија. Неодамна, повторно интензивно се зборуваше за долгоочекуваната борба со Тајсон Фјури.

Тагови: Ентони Џошуа

Европа

Владимир кој е осомничен за саботажа на Северниот тек ќе биде екстрадиран во Германија- еднаш веќе им избега

Украинецот Владимир З., вториот осомничен за експлозиите на гасоводот „Северен тек“ во 2022 година, е уапсен во Хрватска и ќе биде екстрадиран во Германија.

Украинецот Владимир З., вториот осомничен за експлозиите на гасоводот „Северен тек“ во 2022 година, е уапсен во Хрватска и ќе биде екстрадиран во Германија, соопштија германските обвинители, како што објави Ројтерс.

Во соопштението, Канцеларијата на германското федерално обвинителство го идентификуваше украинскиот државјанин само како Владимир З. и рече дека бил уапсен во крајбрежниот хрватски град Пула од страна на локалната полиција врз основа на европска потерница.

Во јули, обвинителите подигнаа обвинение против друг Украинец, поранешен воен офицер Сергеј К., за неговата вмешаност во експлозиите, обвинувајќи го дека дејствувал во име на украинските државни структури.

Во соопштението се вели дека Владимир З., обучен нуркач, бил дел од група предводена од Сергеј К. која поставила експлозиви на гасоводите „Северен тек 1“ и „Северен тек 2“ во близина на данскиот остров Борнхолм.

Германските власти бараат екстрадиција на Владимир З. откако беше уапсен во близина на Варшава на 30 септември 2025 година, врз основа на германска европска потерница, под сомнение дека нуркал на дното на Балтичкото Море за да постави експлозиви во нападот врз гасоводите „Северн поток“ во 2022 година. На 17 октомври 2025 година, полски суд ја одби неговата екстрадиција во Германија и нареди негово ослободување.

Мажот, идентификуван во полските медиуми како Володимир З., а во Германија како Владимир З., е опишан како обучен нуркач. Тој беше баран од германските истражители, кои веруваат дека бил дел од група што ги саботирала гасоводите „Северн поток 1“ и „Северн поток 2“.

„Тој беше дел од група луѓе што поставија експлозиви на гасоводите „Северн поток 1“ и „Северн поток 2“ во близина на островот Борнхолм во септември 2022 година“, соопшти германскиот Федерален суд на правдата. „Обвинетиот учествувал во потребните нуркања“.

Се вели дека човекот и неговите соучесници користеле едрилица „изнајмена од германска компанија преку посредник со фалсификувани документи за идентификација“ што испловила од германското пристаниште Росток.

Подводните експлозии на 26 септември 2022 година оштетија три од четирите цевководи изградени за транспорт на руски природен гас до Германија под Балтичкото Море. Штетата дополнително ги зголеми тензиите околу војната во Украина, седум месеци по почетокот на целосната руска инвазија, и ја влоши енергетската криза додека европските земји се обидуваа да се одвикнат од руската енергија.

Северен тек 2 никогаш не започна со работа. Изграден е за транспорт на руски гас под Балтичкото Море до Европа, но Германија го суспендираше процесот на сертификација во февруари 2022 година откако Москва ги призна самопрогласените републики во источна Украина пред да започне инвазијата. Гасоводот оттогаш не е во употреба. Руската влада потоа изјави дека гасоводот може да се поправи, иако Германија ја исклучи можноста за негово повторно отворање.

Првично, многумина претпоставуваа дека Русија стои зад нападот. Сепак, германските истражители оттогаш идентификуваа група од пет мажи и една жена од Украина за кои веруваат дека се одговорни.

Украинскиот претседател Володимир Зеленски изјави дека неговата влада не знаела ништо за планот за дигање во воздух на гасоводот и негираше одговорност за нападот.

Тагови: Северен тек

Живот

Харвард ќе плати 53 милиони долари- директорот на капелата продавал делови на тела, донирани на факултетот (ВИДЕО)

Харвард се согласи да плати 53 милиони долари за да ги реши тужбите на семејствата дека погрешно постапувал со телата на нивните починати членови донирани на Медицинскиот факултет за истражување.

Се очекува предложената спогодба, која беше сослушана во судот во Бостон во понеделник, да стави крај на групната тужба поднесена против Медицинскиот факултет Харвард откако поранешниот директор на мртовечницата Седрик Лоџ (58) се изјасни за виновен за кражба и продажба на човечки останки на црниот пазар.

Купувачи пронајдени во Пенсилванија и Масачусетс

Според обвинителите, Лоџ ја искористил својата позиција како администратор на програмата за донации од 2018 до 2021 година за да зема делови од тела од луѓе донирани за медицински истражувања и да ги продава преку интернет.

Тој и неговата сопруга ги продале останките на купувачи во Пенсилванија и Масачусетс, се наведува во обвинението, додавајќи дека Лоџ и шест други лица кои не се поврзани со Харвард биле обвинети и се изјасниле за виновни во 2025 година.

Лоџ бил осуден на осум години затвор во декември, додека неговата сопруга добила една година и еден ден затвор.

Покренати се повеќе граѓански тужби

Студентите на Медицинскиот факултет Харвард користат донирани тела за да учат и практикуваат медицински процедури. Откако ќе заврши нивната употреба, телата генерално се кремираат, а пепелта се враќа на семејствата или се закопува на универзитетските гробишта.

Во 2023 година беа поднесени повеќе граѓански тужби против Харвард, во кои се тврди дека универзитетот не постапил по несоодветното однесување на Лоџ со години. Иако тужбите првично беа отфрлени од државен суд, Врховниот суд на Масачусетс ги обнови минатата есен.

Харвард и тужителите во понеделник побараа од судот да одобри спогодба од 53 милиони долари. Средствата ќе бидат распределени на семејствата по одобрувањето од судот.

Закрепнувањето од „болниот инцидент“ продолжува

Во писмо потпишано од деканот на Медицинскиот факултет на Харвард, Џорџ Дејли, и деканот за медицинско образование, Бернард Чанг, се вели дека постапките на Лоџ се „морално неприфатливи“ и спротивни на стандардите што Харвард ги очекува во третманот на донаторите на тела и нивните семејства.

Медицинскиот факултет, исто така, ќе воведе годишна стипендија за студенти по медицина почнувајќи од академската 2027-28 година, како знак на благодарност и сеќавање на сите оние кои ги донирале своите тела за медицинско образование.

Со пресудата и спогодбата на Лоџ, случајот е правно завршен, но Харвард вели дека процесот на закрепнување од овој „болен инцидент“ продолжува.

Тагови: телата Харвард