Со ГМО вирус излекувана смртоносна инфекција од супербактерија - Канал 5

Здравје

Со ГМО вирус излекувана смртоносна инфекција од супербактерија

Британска тинејџерка е успешно излекувана од инфекција со супер бактерија со помош на ГМО вирус , што е прв ваков случај во светот.

Со ГМО вирус излекувана смртоносна инфекција од супербактерија

17- годишната Изабела Холдавеј две години се бореше за животѕ по трансплантацијата на белите дробови . Се заразила со супербактерија и антибиотиците немале никакво дејство. ,,Ја изгубивме надежта . Ни кажаа дека шансата за преживување е помала од 1%.”, вели мајката на Изабела, Џо Холдавеј. Но , откако докторите и дале коктел на бактертиофаги , односно вируси кои не ги напаѓаат човековите клетки , но се модифицирани за убивање бактерии , Изабела целосно се опоравила.

,,Сега ги прави сите работи како и другите нејзини врсници. А ми рекоа да не се надевам премногу ,зашто терапијата е експериментална.”, додава мајката. Докторите ги испитуваат дејствата на бактериофагите речиси цел век , но имаше редуцирана употреба зашто вирусите набргу еволуираа , така што не беа доволно ефикасни во справувањето со бактериите.

Но случајот со Изабела покажа дека генетски модифицираните вируси може да имаат исклучителен ефект против одредени видови бактерии , па дури и против оние на кои не делуваат познатите антибиотици. Изабела е првиот пациент на светот врз која се употребени овие вируси и се покажа за ефикасен метод , но докторите од британската клиника велат дека оваа метода ќе треба уште многу да се испитува за да почне масовно да се применува.

Во нејзиниот случај , инфекцијата се појавила пред две години на хируршката рана и се проширила на црниот дроб и на белите дробови, така што по девет месеци во болница веќе не реагирала на антибиотици.

Во јуни 2018 Изабела почнала да прима инфузии со бактериофаги , примајќи милијарди вируси во исто време , а по шест недели инфекцијата се повлекла од нејзиниот црн дроб.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Најсекси хокеарката на светот отвори OnlyFans, а сега ја поврзуваат со познат голфер (ФОТО)

Микаела Демојтер, поранешна канадска хокеарка која медиумите ја нарекоа „најсексипилна хокеарка во светот“, се најде во центарот на вниманието поради нејзината наводна врска со Брајсон Дешамбо, едно од најголемите имиња во LIV Golf.

Најсекси хокеарката на светот отвори OnlyFans, а сега ја поврзуваат со познат голфер (ФОТО)

Демојтер објави селфи на социјалните мрежи за време на еден од настаните на LIV Golf, а фановите забележаа детаљ во позадина: капа на Крашерс ГЦ, чиј капитен е Дешамбо.

Тоа беше доволно за да започнат шпекулации за нивната врска, но приказната дополнително ја разгоре американскиот „Ју-Ес Викли“, кој објави дека Демојтер и Дешамбо се во врска и дека се „многу среќни“ заедно.

- И двајцата се доста „затворени“ кога станува збор за врски - изјави извор близок до двојката, објавија странските медиуми.

Ни Демојтер ниту Дешамбо досега јавно не потврдија дека се заедно.

Демојтер некогаш беше голман на Блувотер Хокс во Онтарио, но повреда на предниот вкрстен лигамент ја принуди да ја заврши својата хокеарска кариера.

Оттогаш таа изгради успешна кариера како модел и инфлуенсер, и има милиони следбеници на социјалните мрежи. Таа, исто така, наплаќа речиси 17 долари месечно за своите услуги на мрежата „Onlyfans“.

ДеШамбо (32) оттогаш стана едно од најпознатите лица во светскиот голф. Тој освои два Отворени турнири на САД, а денес игра во голф лигата LIV како капитен на Крашерс ГЦ.

Тагови: OnlyFans хокеарка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Најстарата жена на светот го прослави 117. роденден- „сменила“ шест британски монарси

Британката Етел Катерхам, која денеска полни 117 години како најстарата личност на светот, изјави дека со нетрпение очекува да го помине роденденот со пријателите и семејството во дом за стари лица во Сари.

Најстарата жена на светот го прослави 117. роденден- „сменила“ шест британски монарси

Британката Етел Катерхам, која денеска полни 117 години како најстарата личност на светот, изјави дека со нетрпение очекува да го помине роденденот со пријателите и семејството во дом за стари лица во Сари и „се радува да види што носи следната година“.

Катерхам изјави дека средбата со британскиот крал Чарлс III, кој ја посети минатиот септември, веднаш откако наполни 116 години, била на врвот на нејзината листа на животни искуства, објави Би-би-си.

Кралот Чарлс III е шестата личност што седи на британскиот престол откако Етел Катерхам е родена во Хемпшир на 21 август 1909 година, пет години пред почетокот на Првата светска војна.

Таа е последната преживеана поданичка на британскиот крал Едвард VII, кој почина во мај 1910 година, а оттогаш тронот го наследија Џорџ V, Едвард VIII, Џорџ VI, Елизабета II, а сега и Чарлс III.

Етел Катерхам стана најстарата личност на светот во мај 2025 година, по смртта на 116-годишна бразилска калуѓерка.

Тагови: најстарата

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Погоден е воен авион од 40 милиони долари- објавени се сателитски снимки од нападот (ВИДЕО)

Руски бомбардер Су-34 е значително оштетен во воздухопловната база Ахтубинск, тврдат аналитичарите на OSINT.

Погоден е воен авион од 40 милиони долари- објавени се сателитски снимки од нападот (ВИДЕО)

Руски бомбардер Су-34 е значително оштетен во воздухопловната база Ахтубинск, тврдат аналитичарите на OSINT, а пренесува украинскиот РБЦ.

Украинските вооружени сили извршија напади со долг дострел врз повеќе цели длабоко на руска територија во ноќта меѓу 19 и 20 август, објави украинскиот претседател Володимир Зеленски.

Зеленски рече дека е погодена рафинерија за нафта во Пермската област, оддалечена повеќе од 1.600 километри од украинската граница, како и руската воена воздухопловна база во Мариновка во Волгоградската област.

„Продолжуваме да ги враќаме последиците од војната таму од каде што дојдоа со нашите длабински напади. Синоќа, нашите длабински напади ја погодија рафинеријата за нафта во Перм, оддалечена повеќе од 1.600 километри од границата, како и воената воздухопловна база во Мариновка во Волгоградската област“, ​​рече Зеленски.

Според него, украинските сили постигнале резултати и во Црното Море, додека последиците од претходните напади се потврдени.

Тој посебно истакна дека рускиот повеќенаменски ловец-бомбардер Су-34 бил оштетен во воздухопловната база Ахтубинск, која се наоѓа на околу 600 километри од фронтовската линија.

Сателитски снимки од последиците од нападот беа објавени од аналитичарите на OSINT од проектот Exilenova+. Според нив, авионот претрпел значителна штета за време на нападот со беспилотни летала.

„Дошло до истекување на гориво, по што избувнал пожар. Самиот бомбардер бил значително оштетен“, велат аналитичарите.

Нападот врз Ахтубинск се случил ноќе, а по ударот, на аеродромот е регистрирана термичка трага. Објавените слики и анализа укажуваат дека еден од руските бомбардери на фронтовската линија, воениот авион Су-34, бил погоден и оштетен.

Су-34 е една од клучните руски платформи за спроведување воздушни напади. Овие авиони користат, меѓу другото, водени воздушни бомби опремени со универзални модули за планирање и корекција, како и други средства за воздушен напад.

Според проектот „Војна и санкции“, некои од компаниите вклучени во снабдувањето со компоненти за производство на Су-34 сè уште не се предмет на санкции од страна на земјите-членки на Коалицијата на волјата, што им овозможува потенцијален пристап до странски компоненти и технологии.

Украина изврши напади врз неколку руски воени и енергетски објекти преку ноќ, а според украинските власти, важни објекти во Донецк и Приморски-Ахтарск биле меѓу погодените локации.

Киев во последните месеци сè повеќе користи напади со долг дострел за да ја погоди руската воена инфраструктура, воздухопловните бази и енергетските објекти длабоко во заднината.

Тагови: воен авион напад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер