Со европско знаменце се предлага намалување на казните за злосторничко здружување - Канал 5

Македонија

Со европско знаменце се предлага намалување на казните за злосторничко здружување

Во измените на Кривичниот закон кои со европско знаменце Владата денеска ги достави до Собранието, се брише ставот 5 од членот 353.

Со европско знаменце се предлага намалување на казните за злосторничко здружување

Во измените на Кривичниот закон кои со европско знаменце Владата денеска ги достави до Собранието, се брише ставот 5 од членот 353 кој предвидуваше затворска казна од најмалку 5 години затвор за злоупотреба на служебната положба и овластување при вршење на јавни набавки или на штета на средствата од Буџетот...

Во измените на овој член новина има и со додавањето на став кој предвидува одземање на прибавената имотна корист.

Во членот 353-в, кој се однесува на делото „Несовесно работење во службата“, досега предвидениот минимум од 3 години затвор за службено или одговорно лице во јавно претпријатие или установа кое ќе прибави значителна имотна корист, со измените е намален на 6 месеци и се движи најмногу до пет години.

Најдрастични се намалувањата во членот 394 каде се поместени казните за „злосторничко здружување“. Наместо максималните десет години затвор кои досега беа предвидени за тој што ќе создаде група или бадна, со измените се предвидува максимална казна затвор до три години. Има намалување и за членовите на групата или бандата кои ќе извршат кривично дело, максималната казна затвор од 5 години се намалува на максимални 2 години. Токму со делото „злосторничко здружување“ беа опфатени и голем број на обвинетите во предметите на некогашното СЈО.

Во образложението, Владата вели дека измените на законот се носат по примерот на германското законодавство и ќе бидат решение со кое ќе се „бајпасираат“ актуелните состојби додека не се донесе нов КЗ.

-Злоупотребата на службената положба и овластување веќе подолго време како инкриминација е критикувана и го има епитетот на реликт од казненото законодавство во поранешна Југославија. Главната забелешка е дека се работи за апстрактна инкриминација чие битие е бланкетно и сето тоа придонесува кон различно толкување во нејзината примена.

Предложените решенија (намалувањето на предвидените казни) во член 353 како и бришењето на некои ставови се движат во насока да бидат на линија на новиот концепт во којшто се има направено стандардизација на критериумите за одмерување на казните. Во таа смисла се и корекциите на членот 353-в и 394 од КЗ,се вели во образложението.

Измените на Кривичниот законик иако се 17 точка најдоа на дневниот ред од денешната собраниска седница, но неизвесно е кога за нив ќе се дискутира.. Сепак, опозицијата веќе реагираше..

Согласно процедурите, со оглед дека е со европско знаменце, за законот ќе се дискутира 3 дена, без разлика колку амандмани ќе бидат поднесени..

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Со засилена динамика се санира проблемот со градската депонија „Краста“ во Куманово

Со засилена динамика се санира проблемот со градската депонија „Краста“ во Куманово.

Петрушевски: Со засилена динамика се санира проблемот со градската депонија „Краста“ во Куманово

Посебна благодарност до екипите на ЈП „Чистота и зеленило“ на чело со директорот Сашо Томиќ, кои континуирано работат на терен, како и до општествено одговорните компании што се вклучија во надминувањето на состојбата.

Голема поддршка во овие активности обезбеди Министерот за транспорт Александар Николовски, кој веднаш одговори на барањето за помош и стави на располагање тешка механизација што активно работи на терен.

Благодарение на оваа навремена интервенција, процесот на санација се одвива значително поефикасно.

Во тек е расчистување на депонијата и нанесување нови слоеви земја, со цел да се намали ризикот од самозапалување на подземните гасови и појава на пожари.

Паралелно со тековните мерки, се работи и на трајно решавање на проблемот преку изградба на регионална фабрика за преработка на отпад за Североисточниот и Источниот регион и трансформација на постојните депонии во трансфер-станици за комунален отпад.

Со заедничка работа и координација меѓу институциите, се преземаат конкретни чекори за надминување на проблемот и обезбедување почиста и побезбедна животна средина за граѓаните.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Унгарија на пат да деблокира сè

 Следната недела, унгарската влада ќе достави до парламентот нацрт-закон за борба против корупцијата, чие усвојување има за цел да ги исполни критериумите на Европската Унија за владеење на правото и е услов за ослободување на милијарди евра.

Унгарија на пат да деблокира сè

Следната недела, унгарската влада ќе достави до парламентот нацрт-закон за борба против корупцијата, чие усвојување има за цел да ги исполни критериумите на Европската Унија за владеење на правото и е услов за ослободување на милијарди евра замрзнати средства.

„Ова ќе биде сеопфатен закон против корупцијата, кој исто така ќе ја подобри транспарентноста на унгарскиот јавен живот. Ова претставува критериуми за владеење на правото што ќе ни овозможи да ги вратиме средствата од ЕУ дома“, изјави унгарскиот министер за транспорт и инвестиции, Давид Витези, за новинарите, објави Ројтерс.

Тој рече дека законот ќе ѝ овозможи на Унгарија да користи до десет милијарди евра од фондот на ЕУ за закрепнување од пандемијата на Ковид-19, за финансирање на транспортни проекти и обновливи извори на енергија, како и средства за поддршка на мали бизниси и изградба на станови за изнајмување.

Новиот унгарски премиер, Петер Маѓар, во мај обезбеди ослободување на 16,4 милијарди евра од фондовите на ЕУ за Унгарија, со ветување дека ќе ги откаже реформите на претходниот премиер Виктор Орбан, кои, според ЕУ, ѝ наштетиле на демократијата.

Тагови: Унгарија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Попоски: Документот нуди нови придобивки, но не нуди механизам за заобиколување на условите од преговарачката рамка

Значаен обид да се редизајнира логиката на проширување, вака дел од експертите го оценуваат актуелниот нон пејпер на Макрон и Мерц. 

Попоски: Документот нуди нови придобивки, но не нуди механизам за заобиколување на условите од преговарачката рамка

За аналитичарот, Тони Поповски, под актуелните околности, Македонија би добила лимитиран дел од предвидените придобивки, затоа што се уште нема отворено кластери, кои се клучни за стекнување одредени бенефици.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер