Сноубордерка го обвини олимпискиот тренер за сексуално вознемирување

Поранешната сноубордерка Калан Читлук-Сифсоф го обвини тренерот на американскиот сноуборд тим Питер Фоли, кој сега е на Зимските олимписки игри во Пекинг, за сексуално вознемирување и недолично однесување на Инстаграм.

Сноубордерката, која на 14 февруари ќе наполни 33 години, објави дека „Питер Фоли фотографира спортистки повеќе од десет години“ и дека им уфрла коментари од сексуална природа.

„Не можам повеќе да ги гледам ЗОИ без јавно да го кажам тоа“, напишала Читлук-Сифсоф на Инстаграм, а Олимпискиот комитет на САД не ги коментирал наводите. „Ние ги сфаќаме овие наводи сериозно и во моментов истражуваме“, соопшти американската федерација за скијање и сноуборд.

Питер Фоли, пак, денеска ја доби поддршката од освојувачот на златниот медал во премиерното издание на дисциплината крос за мешани екипи. По победата, 40-годишниот Ник Баумгартнер изјави дека Фоли му бил „како татко“. Линдзи Џејкобелис, која со него освои златен медал, го осуди моментот кога биле изречени обвиненијата.

„Ужасно е досадно кога имаш такво нешто кога се обидуваш да се концентрираш, тоа ја наруши енергијата на тимот. Во мојата 20-годишна кариера можам да кажам само добри работи, секогаш ми беше поддршка кога ми требаше“, додаде 36-годишната Џејкобелис олимписка победничка од Пекинг. Покрај Фоли, Читлук-Сифсоф ја обвини и сноубордерката Хејген Керни за расистички коментари.

„Други спортисти учествуваа во расистичко и мизогинистичко однесување и активно учествуваа во бизарната динамика создадена од Питер Фоли, што резултираше со сексуално насилство врз спортистки и членови на тимот“, рече Калан Читлук-Сифсоф, која беше дел од американскиот сноуборд тим на зимските олимписки игри во Ванкувер 2010. Питер Фоли е тренер на американскиот сноуборд тим од 1994 година.

Маричиќ: Напредокот кон ЕУ е загарантиран со ефикасна борба против корупцијата.

Заменик претседателот на Владата задолжен за европски прашања, Бојан Маричиќ, организираа состанок со претставниците на сите институции кои се надлежни за борба против корупција.

Маричиќ, денес, по повод Меѓународниот ден на борба против корупцијата, во соработка со заменичката на претседателот на Владата задолжена за политики за добро владеење, Славица Грковска и евроамбасадорот Дејвид, организираа состанок со претставниците на сите институции кои се надлежни за борба против корупција.

-Борбата против организираниот криминал и напредокот на патот кон ЕУ се два меѓусебно поврзани процеси кои ја забрзуваат нашата евроинтеграција. Меѓународниот ден на борба против корупцијата оваа година го одбележавме како земја преговарач со ЕУ и земја која преку нов Акциски план во наредниот период се фокусира на негово доследно спроведување, за брзи резултати и исполнување на европските стандарди и принципи, истакна Маричиќ на состанокот.

Вицепремиерот за европски прашања и главен преговарач со ЕУ посочи дека владеењето на правото, независноста на правосудството, доследната и неселективна борба против криминалот и корупцијата, со широка и обврзувачка транспарентност, остануваат стратешки приоритет на оваа Влада, на патот кон ЕУ.

- Борбата против корупцијата и спроведувањето на антикорупциските политики и мерки е една од главните цели и приоритети на државата. Токму тоа ни беше целта кога во преговарачката структура ја воведовме и позицијата на Главен антикорупционер, одговорен за хоризонтална координација на сите политики од точка на борба против корупцијата и спречување судир на интереси, рече Маричиќ, додавајќи дека тоа е владиниот одговор и препознавање на важноста на оваа област за Европската унија.

Маричиќ на состанокот пред дипломатскиот и претставниците на институциите увери дека постои политичка волја и желба за справување со овој општествен феномен и дека неколку пати до сега го имаат докажано во меѓународни извештаи каде се бележи подобрување на позицијата на Македонија во борбата против корупцијата.

- Најновиот индекс за перцепција за корупцијата за 2021 година на „Транспаренси интернешнл“ нотираше подобрена позиција на земјата во однос на претходната година – 87 место, за разлика од извештајот од 2020 година кога беше на 111. Македонија се наоѓа на 63 место од 140 држави според „Индексот на владеење на правото“ на вашингтонската невладина организација „World Justice Project“ што е за едно место подобро рангирана во споредба со минатата година кога бевме на 64 место, потенцираше Маричиќ.

За него овие извештаи се доказ за вистински промени, напредок и искрена намера која ја имаат во пристапот кон борбата со корупцијата, но не е доволно.

- Пред нас е голем предизвик за успешно да ги затвориме преговорите со ЕУ, за кој ни е потребен реформски евроентузијазам. Затоа корупцијата треба да ја гледаме како точка на обединување на секој еден граѓанин и секоја институција, со пристап кој ќе биде инклузивен во нејзино искоренување, порача Маричиќ.

Главниот преговарач со ЕУ брифираше дека на билатералниот скрининг за Кластер I „Фундаментални вредности“, било забележано од страна на Европската комисија дека треба да се продолжи со напорите за борбата против корупцијата, да се спроведуваат и имплементираат препораките на ГРЕКО и секако да се доделат доволни ресурси на Основното јавно обвинителство за гонење на организиран криминал и корупција, со цел да се обезбеди ефективна одговорност за предметите на корупција на високо ниво.

Дополнително на скринингот биле поздравени активностите кои веќе се преземаат, а се во насока на зајакнување на статистиките во борбата против корупција иако имавме забелешка во рамки на Поглавјето 24 за бројот на реализирани активности во областа.

На состанокот присуствуваа и министерот за финансии Фатмир Бесими, министерот за информатичко општество и администрација Адмирим Алити, потпретседателот на Собранието Горан Мисовски, претседателката на Комисијата за политички прашања Соња Мираковска, државниот јавен обвинител Љубомир Јовевски, претседателката на Судскиот Совет Весна Данева и дел од дипломатскиот кор во земјава.

Лојд Остин тврди дека Русија го проширува и модернизира својот нуклеарен арсенал

Русија го проширува и модернизира својот нуклеарен арсенал, изјави американскиот секретар за одбрана Лојд Остин.

Тој ја коментираше темата за нуклеарниот арсенал на Русија на церемонијата на инаугурација на командантот на Стратешката команда на САД, која го надгледува американското нуклеарно оружје.

– Кремљ ја продолжува својата брутална и неиспровоцирана војна против Украина, а целиот свет го виде Путин како се впушта во крајно неодговорно ѕвецкање со нуклеарно оружје, рече Остин.

Алармантно предупредување на Столтенберг: Војната во Украина може да излезе од контрола

Генералниот секретар на НАТО Јенс Столтенберг предупреди дека војната во Украина „може да излезе од контрола, да се прелее во Европа и на тој начин да се претвори во војна меѓу Русија и НАТО“, пренесува АП.

- Ако работите тргнат наопаку, може да тргнат навистина, навистина погрешно, изјави тој за норвешката државна телевизија НРК.

- Во Украина се води страшна војна. Исто така, тоа е војна која може да се претвори во голема војна меѓу НАТО и Русија. Работиме да го избегнеме тоа, рече тој.

Поранешниот норвешки премиер додаде дека нема сомнеж дека постои можност за „голема војна“, велејќи дека е важно да се избегне конфликт во кој учествуваат неколку земји во Европа.

Кремљ постојано ги обвинуваше земјите-членки на НАТО дека всушност избираат страни во конфликтот затоа што испраќаат оружје во Украина, обучуваат украински војници и споделуваат воено разузнавање со Киев.

Да потсетиме дека рускиот претседател Владимир Путин денеска во главниот град на Киргистан, Бишкек, рече дека секоја земја што ќе се осмели да ја нападне Русија со нуклеарно оружје ќе биде збришана од лицето на земјата.

Путин, кој присуствува на самитот на Евроазиската економска унија (ЕЕУ) во Киргистан, рече дека Русија нема мандат да изврши превентивен нуклеарен удар, за разлика од Соединетите држави, но дека руското напредно хиперсонично оружје ќе обезбеди Русија да може силно да одговори ако некогаш биде нападната.

притисни ентер