Снимки кои откриваат проблеми во бракот на холивускиот пар Џеј Ло и Бен Афлек (видео) - Канал 5

Шоу биз

Снимки кои откриваат проблеми во бракот на холивускиот пар Џеј Ло и Бен Афлек (видео)

Познатите сопружници Бен Афлек и Џенифер Лопез ѝ дадоа втора шанса на нивната љубов по речиси цела деценија. Иaко двајцата се обидоа да ја најдат среќата покрај други партнери, сепак, сфатија дека сè уште има надеж за нив двајца.

Снимки кои откриваат проблеми во бракот на холивускиот пар Џеј Ло и Бен Афлек (видео)

Кога објавија дека ја обновиле нивната љубов, фановите на популарниот пар беа воодушевени.. Се чинеше дека сепак љубовта победила и тие заедно ќе ја дочекаат староста. Меѓутоа, престижните Греми награди што се одржаа минатиот викенд открија дека сепак има проблеми во рајот. Актерот, на настанот на кој пејачката беше во улога на водител, беше видно потиштен, нервозен и незадоволен. Според изразот на неговото лице, се чини дека тој е таму против своја волја. Однесувањето на Бен видно влијаеше и врз Џенифер, која беше видно изнервирана и не можеше да се контролира.

Камерите ја забележале оваа драма што се случи на доделувањето на наградите, а безброј снимки и фотографии од парот ги преплавија социјалните мрежи. Сè поголем број луѓе коментираа дека на повидок е развод помеѓу актерот и пејачката, а имаше и такви кои кометираа дека актерот е видно уморен, несреќен и депресивен, и дека очигледно нешто допринело за ваквото негово издание.

И покрај снимената расправа, по церемонијата пејачката се правеше дека ништо не се случило, па на својот профил објави бројни фотографии од церемонијата и истакна дека е воодушевена од својата тоалета, од самата организација и шансата што ѝ беше дадена како водител да биде дел од музичката историја.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп го преименува езерото Онтарио, канадскиот премиер реагира

Трамп потпиша извршна наредба со која се наредува езерото Онтарио да се нарекува Езеро Америка 

Трамп го преименува езерото Онтарио, канадскиот премиер реагира

Канадскиот премиер Марк Карни вчера изјави дека езерото Онтарио ќе продолжи да се нарекува така, откако американскиот претседател Доналд Трамп потпиша извршна наредба со која им наредува на американските федерални агенции да го нарекуваат Езеро Америка.

„Името е старо над 400 години и датира и од Канадската конфедерација и од Декларацијата за независност на Соединетите Американски Држави“, продолжи тој.

„Знаеме дека Америка се менува. Нејзините трговски односи, нејзината надворешна политика, нејзините национални споменици, нејзините хидроними“, напиша Карни на X. Хидронимите се имиња на водни тела и водни патишта.

„Канаѓаните исто така знаат дека работите треба да се нарекуваат со нивните вистински имиња: Езеро Онтарио - тогаш, сега и секогаш“, додаде тој.

Трамп нареди промена на името

Трамп потпиша извршна наредба со која се наредува езерото Онтарио да се нарекува Езеро Америка во документите, мапите и комуникациите на федералната администрација на САД.

Иако рече дека промената ќе стапи на сила веднаш, наредбата му даде на американскиот секретар за внатрешни работи 30 дена да ја спроведе во консултација со Одборот за географски имиња. Одлуката не е обврзувачка за Канада или меѓународните институции. Езерото Онтарио е едно од петте Големи езера во Северна Америка, кое се наоѓа помеѓу канадската покраина Онтарио и американската држава Њујорк.

Извор: Индекс.хр

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Претрес во Кочани, лишени од слобода две лица

На 27.08.2026 полициски службеници од ОВР Кочани ги лишија од слобода Д.С.(42) и В.З.(26) двајцата од Кочани, по претходни оперативни сознанија дека се сторители на повеќе тешки кражби на подрачјето на ОВР Кочани.

Претрес во Кочани, лишени од слобода две лица

Извршен е претрес во нивните домови, со претходно издадена судска наредба, при што биле пронајдени и одземени предмети кои потекнуваат од кривично дело по член 236 од Кривичниот законик на РМ.

По целосно документирање на случајот, ќе следуваат соодветни пријави.

Тагови: кочани

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Лишен од слобода возач од Шведска, на автопатот А- 1 возел со двојно поголема брзина од дозволената

На 27.08.2026 околу 16:00 часот на Граничен премин Табановце, на излез од државата, полициски службеници извршиле проверка на патничко возило „фолксваген“ со српски национални ознаки, управувано од М.С.(39) од Шведска. 

Лишен од слобода возач од Шведска, на автопатот А- 1 возел со двојно поголема брзина од дозволената

При извршена проверка преку системот „Безбеден град“ било констатирано дека М.С. бил евидентиран како сторител на кривично дело по член 297-а од Кривичниот законик – „безобѕирно управување со моторно возило“, односно на автопатот А-1, во близина на Демир Капија, управувал со возилото со брзина од 175 километри на час на место каде максималната дозволена брзина е 80 километри на час. М.С. е лишен од слобода и ќе биде поднесена соодветна кривична пријава.

Тагови: поголема брзина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер