Снимка со 43 милиони прегледи: Младоженец си пишува пораки додека излегува од црквата (ВИДЕО)

На социјалните мрежи се шири вирално видео од свадба на која младоженецот бил зафатен со испраќање пораки.

На видеото се гледа како штотуку венчаната брачна двојка ја напушта црквата, а насмеаната невеста на почетокот не забележала дека младоженецот во тој свечен момент се занимава со мобилниот телефон. Но, откако ја напуштија црквата, нејзиниот поглед зборуваше погласно од зборовите.

Видеото, кое првично беше споделено на профилот TikTok на @CynthiaUmunze, а потоа избришано на Твитер, собра речиси 43 милиони прегледи, а екипата на социјалните мрежи се забавува предвидувајќи го исходот од бракот.

„Побарајте поништување на бракот, веднаш“, ја советувал невестата еден корисник на Твитер, додека друг искоментирал: „Можеби ѝ праќа пораки на својата љубовница“.

„Твојата врска ме инспирира... Да бидам сингл“, напишал трет, додека четврт се пошегува: „Ќе раскинат додека да дојдат до автомобилот“.

„Апсолутно ништо друго не е толку важно во тој момент... Нема оправдување за ова“, додаде петти.

Претседателката Сиљановска Давкова го прими косовскиот амбасадор, Флоријан Ќехаја

Претседателката Гордана Сиљановска Давкова денеска го прими амбасадорот на Република Косово, Флоријан Ќехаја, соопшти нејзиниот кабинет.

На средбата беа разменети мислења за можностите за продлабочување на билатералната и регионалната соработка и беше поздравен отворениот и конструктивен дијалог за прашањата од заеднички и поширок интерес.

- Претседателката Сиљановска Давкова изрази подготвеност за продолжување на одличниот политички дијалог на највисоко ниво и изрази очекување дека позитивниот тренд во развојот на економските односи со Косово, како наш значаен трговски партнер, ќе продолжи и во иднина.

Во контекст на европските перспективи и споделувањето на заедничките вредности, претседателката Сиљановска Давкова изрази поддршка на косовските евроатлантски аспирации и учеството во различни формати на регионална соработка и ја истакна подготвеноста за споделување на искуства во сите области каде што располагаме со соодветна експертиза.

На средбата беа разменети мислења за актуелните случувања во регионот, за соработката во рамки на регионалните иницијативи, како и за можностите за продлабочување на прекуграничната соработка преку искористување на фондовите на Европската Унија, се наведува во соопштението од кабинетот на Сиљановска Давкова.

Минесота ќе го продолжи договорот со тренерот Финч

Минесота тимбервулвс одлучи да го продолжи договорот со главниот тренер Крис Финч.

Како што објави „ESPN“, клубот од Минеаполис ќе потпише нов договор со 54-годишниот кошаркарски стручњак, кој ќе важи до крајот на сезоната 2027/28.

Финч ја води Минесота од 2021 година. Под негово водство, тимот стигна до плејофот во НБА во последните три сезони.

Во сезоната 2023-24, „Волците“ стигнаа до финалето на Западната конференција, најдоброто остварување во историјата на клубот.

Кривична пријава за дебранец за семејно насилство

Одделението за внатрешни работи во Дебар, за само неколку дена поднесе две кривични пријави за семејно насилство.

Денеска поднесена е кривична пријава против А.Ч.(41) од Дебар, поради постоење основи на сомнение за сторено кривично дело „Загрозување на сигурноста“.

-Тој на 10 месецов во 18:30 часот, бил агресивен кон неговата сопруга, вршел психичко малтретирање врз неа и кон нивните малолетни деца, информираше Стефан Димовски, портпарол на Секторот за внатрешни работи- Охрид.

Само неколку дена претходно дебарското одделение поднесе кривична пријава против А.Ј.(48) од Дебар поради постоење основи на сомнение за сторено кривично дело „телесна повреда при семејно насилство“.

А.Ј. во семејниот дом, физички ја нападнал неговата сопруга.

Ова се само два од најмалку десетината регистрирани случаи на семејно насилство годинава, но, според надлежните бројот на ваквите случаи е многу поголем.

притисни ентер