Снимен е страшен судар меѓу Порше и БМВ на патеката во Нирнберг (ВИДЕО) - Канал 5

Автомобилизам

Снимен е страшен судар меѓу Порше и БМВ на патеката во Нирнберг (ВИДЕО)

Возењето на Нирбургринг е едно од највозбудливите нешта што можете да ги доживеете во автомобил, но може да биде и неверојатно опасно.

Снимен е страшен судар меѓу Порше и БМВ на патеката во Нирнберг (ВИДЕО)

Доказ за тоа е ужасниот судир помеѓу Порше и БМВ што се случи пред неколку дена.

Снимките од внатрешноста на Поршето, камерите покрај патеката и видеата од мобилни телефони од местото на несреќата ги покажуваат GT3 RS и BMW M2 Competition целосно уништени во несреќата што се случи за време на јавните возења на патеката во Нирбург, таканаречените Туристички тури, кога секој заинтересиран може да плати за да вози сопствен автомобил, мотоцикл, комбе или дури и автобус на легендарната патека од 20,8 километри.

Дејствието започнува во внатрешноста на GT3 RS, кој се трка и брзо се приближува кон побавниот британски БМВ. Автомобилите се на тесен дел од патеката, а БМВ се чини дека се поместило надесно додека Порше се приближува, што сугерира дека возачот забележал побрз автомобил што сака да го престигне.

Поршето изведува маневар на мала кривина и во тој момент се случува судирот. И двата автомобила завршуваат во заштитната ограда, што предизвикува експлозија, а Порше буквално летна во воздух. Видеото направено со мобилен телефон по несреќата ги прикажува двата автомобили целосно уништени, а деловите се расфрлани на 30 метри од местото на несреќата.

BMW causing huge crash in Nürburgring
byu/Federal-Name-3638 inBMW

Кој е виновен?

Мислењата на интернет се поделени за тоа кој е виновен. Некои коментатори велат дека возачот на BMW очигледно бил виновен што свртил право кон Porsche, додека други тврдат дека возачот на 911 бил премногу агресивен и нетрпелив и требало да почека побезбедно место за престигнување, пренесе Индекс.

И двајцата возачи ја преживеале несреќата, но нивните автомобили биле целосно уништени. Иако Нирбургринг технички има статус на јавен пат, многу полиси за осигурување на автомобили конкретно исклучуваат покритие за возење на патеката поради високиот ризик што е вклучен. Ова значи дека во случај на несреќа, возачите обично мора сами да ги покријат сите трошоци за поправка или замена на своето возило. И тоа не е единствениот трошок што може да ги чека.

Компанијата што го управува Нирбургринг, исто така, ќе им испрати голема сметка за штетата предизвикана на заштитните огради на Armco.

Тагови: бмв Порше

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонија без активни пожари

Центарот за управување со кризи денеска за првпат после подолго време информира дека нема активни пожари и пожари под контрола.

Македонија без активни пожари

Во изминатото деноноќие имало вкупно 21 пожар и сите се изгаснати.

На ден 12/13.09.2026 година, до 08:00 часот, регистрирани се вкупно 21 пожар на отворен простор, од кои нема активни пожари, нема пожари под контрола, а изгаснати се 21 пожар, се вели во информацијата од ЦУК.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер