Снимен е неверојатен напад на сибирски тигар- човекот за чудо преживеа (ВИДЕО) - Канал 5

Снимен е неверојатен напад на сибирски тигар- човекот за чудо преживеа (ВИДЕО)

Кинеските власти упатија предупредување до граѓаните да внимаваат на околината, по ненадеен напад од сибирски тигар.

Снимен е неверојатен напад на сибирски тигар- човекот за чудо преживеа (ВИДЕО)

Застрашувачкиот инцидент се случил во провинцијата Хејлонгџијанг на крајниот североисток на земјата.

Се сомневаат дека по овој крај се шетаат два крволочни ѕверови, а засега нема информации за нивно заробување. На социјалните мрежи се појави видео од напад врз земјоделец, кој за чудо го избегнал најлошото.

Локалните медиуми јавуваат дека сибирски тигри досега нападнале две лица, меѓу кои и 65-годишен маж на кого морало да му биде извршена операција на раката.

На видеото од вториот напад се гледа како човек излегува на улица, по што се појавува дивиот ѕвер кој ја урива оградата. Исплашената жртва брзо се повлекува, а тигарот исчезнува во маглата.

Се наведува дека синот на мажот ги известил властите за инцидентот, а мештаните биле предупредени да го заштитат својот добиток и да повикаат помош доколку видат диви животни, пренесува Индипендент.

Сибирските тигри се загрозен подвид и ги има многу малку во природата. Може да се најдат во долините на реките Амур и Усури во регионите Приморски и Хабаровск во Русија, како и во помал број во Манџурија (Кина).

Во просек, тие се долги околу три метри, високи околу 112 сантиметри и тежат меѓу 180 и 300 килограми. Тие не се пребирливи животни, јадат сѐ, од кожа со крзно до коски.

Инаку, ова не е прв случај сибирски тигар да залута во урбана средина. Во декември минатата година, див ѕвер нападна и уби човек кој го шетал своето куче во источен Хабаровск, Русија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Трејд“ Бостон - Филаделфија, 76 тргнаа на се или ништо!

Вистинска „бомба“ одекна во НБА – Бостон Селтикс постигнаа договор со Филаделфија 76ерс за една од најголемите размени на играчи летово.

„Трејд“ Бостон - Филаделфија, 76 тргнаа на се или ништо!

Филаделфија оди на сè или ништо! Вистинска „бомба“ одекна во НБА – Бостон Селтикс постигнаа договор со Филаделфија 76ерс за една од најголемите размени на играчи летово.

Двата тима ќе разменат две свои големи ѕвезди.

Како што пренесува ESPN, повикувајќи се на свои извори, Џејлен Браун ќе ја продолжи кариерата во Филаделфија, додека Пол Џорџ ќе му се приклучи на Бостон.

Покрај искусниот кошаркар кој игра на крилните позиции, „Селтикс“ ќе добијат и два избора од првата рунда, како и два избора од втората рунда на НБА-драфтот.

Со оваа размена, Филаделфија јасно стави до знаење дека сака веднаш да атакува на титулата. Со доаѓањето на Браун, тимот добива елитен играч кој, заедно со Џоел Ембид и Тајрис Макси, би требало да формира едно од најопасните трија во целата НБА-лига.

Браун ја одигра најдобрата сезона во кариерата, во која на 71 натпревар имаше просек од 28,7 поени, 6,9 скока и 5,1 асистенција, со реализација од 47,7 проценти од поле.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Поднесено обвинение, на листата на осомничени и Доналд Трамп

Поранешниот директор на Централната разузнавачка агенција(ЦИА) на САД, Џон Бренан, ја тужи администрацијата на претседателот Доналд Трамп.

Поднесено обвинение, на листата на осомничени и Доналд Трамп

Поранешниот директор на Централната разузнавачка агенција(ЦИА) на САД, Џон Бренан, ја тужи администрацијата на претседателот Доналд Трамп, барајќи судска наредба со која ќе се бара од службените лица да ги зачуваат евиденциите од истрагите против него.

Во тужбата, Бренан навел дека тие документи ќе му бидат неопходни за да изгради одбрана против одмаздољубив кривичен прогон во случај на идни обвиненија од страна на администрацијата на Трамп, објави „Ен-Би-Си Њуз“. Според неговите адвокати, таквата одбрана би била поткрепена со повеќе од 100 усмени или писмени изјави во кои претседателот Доналд Трамп го критикувал Бренан од 2017 година наваму, како и со претседателските налози до Министерството за правда за поведување постапки без оглед на фактичкото или правното оправдување.

Во тужбата како обвинети се именуваат Трамп и други високи службеници за спроведување на законот од неговата администрација, вклучувајќи го вршителот на должноста државен обвинител Тод Бланш, директорот на ФБИ, Кеш Пател, и обвинителите во Флорида кои ги надгледуваа истрагите против Бренан и други наводни поранешни противници на Трамп.

Во тужбата се вели дека Бренан се соочува со посебни истраги во Флорида, вклучително и една што испитува дали дал лажна изјава пред Конгресот во врска со проценката на разузнавачката агенција што го документира мешањето на Русија во претседателските избори во 2016 година, кога Трамп ја победи демократката Хилари Клинтон.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Иран се подготвува за погребот на Врховниот водач, ајатолахот Али Хамнеи,ќе трае шест дена

Иран се подготвува за погребот на Врховниот водач, ајатолахот Али Хамнеи, кој загина во американско-израелски напад на 28 февруари – настан што ќе претставува најголем државен погреб во историјата на земјата.

Иран се подготвува за погребот на Врховниот водач, ајатолахот Али Хамнеи,ќе трае шест дена

Погребните свечености ќе траат шест дена во пет града, вклучително и во соседен Ирак, соопштија официјални лица.

Погребните активности ќе започнат во сабота, кога телото на Хамнеи ќе биде изложено во молитвениот комплекс на Големата џамија во Техеран, а церемониите ќе продолжат до понеделник со погребна поворка низ улиците на иранскиот главен град, пренесува Ал Џезира.

На 7 јули, погребната поворка ќе се пресели во светиот град Ком, а потоа во градовите Наџаф и Кербала во Ирак.

Телото на Хамнеи ќе биде вратено во Иран за погреб во неговиот роден град Машхад на 9 јули, а се очекува ожалостени од целата земја и од странство да присуствуваат на церемонијата.

Иранските власти изјавија дека очекуваат од 15 до 20 милиони ожалостени да присуствуваат на државниот погреб, а полицијата прогласи состојба на висока тревога за да го обезбеди настанот.

Како што е најавено, на погребот ќе присуствуваат високи функционери и претставници од повеќе од 30 земји, вклучувајќи ги Русија, Кина, Пакистан, Индија, Грузија и Куба, додека ќе учествуваат и верски лидери од 90 земји.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер