Живот

Снежана Гиевска со децении вдомува бездомни кучиња и мачки

Снежана Гиевска е меѓу малкутемина жители на Тетово кои вдомуваат голем број бездомни мачки и кучиња со цел да ги спасат од улиците.

За да има доволно место за спокоен живот на миленичињата се преселила од Тетово во блиското село Брвеница, каде што има имот со големо дворно место. Со посебни влезови и места за нив во објектот и дворот, местото на Снежана е приспособено за сите вдомени мачки и кучиња.

– Годинава најмногу на број имав 22 мачиња и четири кучиња. Сега имам две мачиња кои починаа од болест и две кучиња помалку затоа што некој ми ги отру. Инаку се грижам и вдомувам хендикепирани животни, баш оние кои никој не сакал да ги земе. Имам едно без око, другото е без ноџе, третото е без задната нога, четвртото е без опашка и да не набројувам. Значи разни хендикепи што сум успеала да ги санирам со помош на ветеринарот Зуфер Џелили, кој безусловно ми помага, потенцира соговорничката.

Таа објаснува дека многу е важна посветеноста што одредени луѓе ја имаат кон овие миленици.

– Тие што чуваат многу миленици дома фактички се и подобри згрижувачи од самата општина, бидејќи, за жал, секојдневно има примери на бездомни кучиња со беснило кои напаѓаат луѓе. Сите кучиња и мачки што ги чуваат згрижувачите дома се носат и на ветеринар за соодветен третман, со цел да бидат стерилизирани и вакцинирани, за да бидат здрави, но и да се избегне, на пример, беснило кај кучињата, за да не напаѓаат луѓе, вели Снежана.

Со децении се грижи за животните и досега има згрижено стотици мачки и кучиња. Таа се ужаснува од постапките на несовесни поединци кои ги трујат животните.

– Кога ќе видите затруено маче или куче, гледате страшна глетка. Јас сум пробала да спасам затруени, па тоа се страшни болки, за кои ми се чини дека душман на душман не би му ги направил. И затоа би апелирала до сите добри луѓе, до органите во општината, немаме само ние, луѓето, право на живот на Земјава, имаат и кучињата, и мачињата, и целата фауна. Има право и флората околу нас, сè тоа е создадено за заедничка убавина. Јас лично со тоа што ги сакам, со тоа што им помагам, со тоа што се трудам да им обезбедам убав живот, да ги имам околу себе, сум поголема и побогата. Побогата сум за едно огромно чувство, една љубов несебична и безусловна што ми ја даруваат. Јас сум со нив многу среќна, ни рече Снежана.

За активизмот во насока на заштита на животните разбрале и во Холандија, од каде што неодамна ја повикаа во посета за да ги искуси тамошните искуства. Исто така добила и материјална помош од Здружението за заштита на животни „Отворени раце" од Холандија за понатамошните мерки.

– Таму нема бездомни кучиња и мачки по улиците. Сите се згрижени и вдомени. Општинската служба нема многу работа. Со редовна кастрација на ниво на општини и на држава е решен проблемот со тоа што нема неконтролирано зголемување на бројот на кучиња како кај нас, каде што се оставаат на улица од несосвени сопственици. Видов само одговорни сопственици кои ги шетаат на поводник, вели Снежана.

Домаќините ја советувале како таа да ги искористи тамошните искуства за собирање средства за помош на бездомни животни.

– Миеке Аугусти и Тео Губелс беа иницијатори да бидам гостинка во Холандија и во Белгија. Направија акција со продажба на колачи за да ги покријат трошоците за мојот престој. Исто така собраа средства за понатамошно грижење на моите миленици за храна, стерилизација и медикаменти. Рита Билен и Рене Генне ме одушевија со својата идеја како јас тука да соберам средства за животните. Огромно искуство во згрижување и лекување на животните добив од Пончо Везел, кој има богато меѓународно искуство, објаснува тетовката.

Куќата и имотот каде што живее Снежана ги именувала како „Мачка-рај Зелена Долина" и сака да создаде едно поинакво место што во иднина ќе биде препознатливо како поголем дом за хармонија на луѓе, животни и растенија.

– За да го правиш ова што го правам и некои други личности што ги знам, треба да си несебичен човек, треба да имаш огромна љубов за животните и дадеш повеќе од што можеш. Да не ти е срам да направиш пишанка во пет-шоп за да земеш храна за нив, затоа што немаш доволно средства да купиш. И тие од пет-шоп да имаат стекнато доверба во вас, за да ви дадат. Мојата љубов кон бездомните посебно. Јас ги сакам сите, ама е дел од мојата личност, од мојот карактер, вели Снежана./МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Најавена нова дипломатска офанзива: Кушнер и Виткоф заминуваат директно кај Путин

Џаред Кушнер, советник и зет на американскиот претседател, изјави дека тој и специјалниот пратеник на САД, Стив Виткоф, утре ќе отпатуваат за Москва за да се сретнат со рускиот претседател Владимир Путин.

Како што пренесува „Скај њуз“, Кушнер на прес-конференција во Абу Даби изјави дека разговорите водени денес ќе бидат разгледани за време на средбата со Путин. Кушнер најави дека по посетата на Москва, тој и Виткоф ќе заминат за Даблин за да се сретнат со украинскиот претседател Володимир Зеленски и „дополнително да ги разгледаат некои од идеите до кои дојдошле денес“.

Тој нагласи дека Вашингтон гледа „одредени можности и шанси за напредок“ во преговорите. На прашањето од новинар дали постојат планови за директна средба меѓу Путин и Зеленски, Кушнер одговори дека Русија сака да види „поголем напредок пред такво нешто да може да се случи“.

Кушнер исто така истакна дека е очигледно оти постои мала доверба или меѓусебна блискост меѓу Путин и Зеленски.

Владимир Медински, помошник на рускиот претседател и шеф на руската делегација, денес изјави дека Русија и Украина, за време на разговорите во Абу Даби, постигнале договор за нова, голема размена на затвореници, при што конкретните услови за размената ќе бидат објавени наскоро.

Како што пренесува агенцијата ТАСС, тој им изјавил на новинарите дека за време на преговорите меѓу Русија, САД и Украина било покренато и едно хуманитарно прашање. „Во принцип, се договоривме за нова, голема размена на затвореници, чии конкретни параметри ќе бидат објавени во блиска иднина“, рече Медински. Преговорите меѓу делегациите на Русија, САД и Украина завршија денес во Абу Даби.

Сите делегации го напуштија местото на одржување на разговорите под придружба на полициски возила. Разговорите се одвиваа зад затворени врати, без присуство на медиумите.

Извор: Б92

Тагови: Виткоф и Кушнер Владимир Путин

Македонија

Баталјонот за почести го одбележа 11 Ноември – Денот на единицата

Денес, во касарната „Илинден“ во Скопје, припадниците на Баталјонот за почести со воена свеченост го одбележаа 11 Ноември – Денот на единицата.

На денешната свеченост присуствуваа министерот за одбрана Владо Мисајловски, началникот на Генералштабот на Армијата генерал-мајор Сашко Лафчиски, заменик- министерот за одбрана Адмир Шабани, заменик-началникот на Генералштабот генерал-мајор Азим Нуредин, командантот на Првата механизирана пешадиска бригада бригаден генерал Дејан Чиплаковски, претставници од Министерството за одбрана и Генералштабот на Армијата, команданти на единиците во составот на Армијата, претставници од Сојузот на борците, како и голем број поранешни припадници на Баталјонот за почести.

По тој повод пред присутните се обратија началникот на Генералштабот на Армијата генерал-мајор Сашко Лафчиски и командантот на Баталјонот за почести потполковник Игор Милчов.

Началникот на Генералштабот на Армијата во своето обраќање истакна дека Баталјонот има одговорна мисија која директно ги претставува угледот и авторитетот на Армијата, институционалниот и националниот идентитет на татковината. Потсетувајќи на историските корени од Првата македонско-косовска ударна бригада и Првата гардиска бригада, началникот порача дека традицијата се одржува преку личен пример и врвен професионализам.

„Вашата мисија не остава простор за импровизација, ниту дозволува компромис со квалитетот. Во вашата служба нема мала или голема задача – беспрекорноста мора да биде ваш секојдневен професионален стандард“, нагласи началникот на Генералштабот.

Упатувајќи признание до припадниците на Баталјонот за почести, за нивната улога во афирмацијата на Армијата и државата, им го честиташе празникот и им порача гардиските вредности – чест, храброст и посветеност, заедно со мотото „Lux Aeterna“ (Вечна Светлина), да продолжат да бидат нивен водич во службата.

Командантот на Баталјонот за почести, потполковник Игор Милчов, се осврна на реализираните задачи во изминатиот период, меѓу кои официјалните пречекувања со највисоки воени почести, церемониите за смена на државното знаме, билатералните соработки и другите протоколарни активности. Воедно го истакна придонесот на Воениот оркестар, чиј професионализам и посветеност доаѓаат до израз преку бројните протоколарни и меѓународни ангажмани, како и традиционалниот предновогодишен концерт. Притоа, во својот говор изрази благодарност за континуираната поддршка од претпоставената команда, како и за придонесот на сите припадници во градењето цврст колектив, заснован на гардиските вредности .

На денешната свеченост беа доделени стимулативни мерки на припадниците од баталјонот, кои во изминатиот период особено се истакнале во извршувањето на своите задачи. По повод заминувањето во пензија на наредник Горанчо Атанасовски му беше доделена Плакета во знак на благодарност за долгогодишната служба во Армијата.

Во пресрет на празникот беше реализирана хуманитарна акција во соработка со Црвениот крст, а беше спроведена и акција за доброволно дарување крв.

Баталјонот за почести го прославува Денот на единицата како носител на традициите на Првата македонско-косовска народноослободителна ударна бригада, формирана на 11 ноември 1943 година во селото Сливово.

Тагови: АРМ

Македонија

Анкета на ВМРО-ДПМНЕ: Владејчката партија останува со убедливо водство

Три анкети во октомври спроведени по нарачка од ВМРО-ДПМНЕ, покажале дека владејачката партија и натаму е во убедлива предност пред опозициските партии, информираше на брифинг со новинарите премиерот и лидер на партијата, Христијан Мицкоски.

Според анкетите, ВМРО-ДПМНЕ ужива доверба од 24%, потоа следуваат СДСМ со 8.5%, ДУИ со 7.9%, ВРЕДИ 7,1%, Левица со 6% и ЗНАМ 2%.

Мицкоски кажа дека и покрај тоа што рејтинзите одат во прилог на партијата, сепак останува на ставот дека предвремени избори не треба да има, а како главна причина ја наведе потребата следната година треба да се обезбедат 2,3 милијарди евра за враќање на долговите направени во ковид-кризата.

Премиерот на брифингот кажа дека главниот предизвик за владата претстојната зима е енергетската стабилност, со оглед дека цените на гасот и електричната енергија во Европа се пораснати за три пати. За таа цел, најави повторно рестартирање на ТЕЦ Неготино, а мазутот што ќе се купува, ќе се транспортира од солунското пристаниште со вагоните на железници, наместо со цистерни како претходно.

Истовремено, рече дека се прават подготовки и за отворање на посебен граничен премин со Косово во близина на Блаце, кој порано го користел КФОР, низ кој дневно се очекува да поминуваат по 200 камиони со јаглен за РЕК Битола и РЕК Соломеј.

Според, проценките на Мицкоски, со ваквите мерки, цената на струјата од јануари би поскапела за помалку од 5%...