Здравје

Смртоносен вирус Нипа предизвика меѓународна загриженост: Откриен во Индија – дали е ова нов ковид?!

Епидемија на смртоносен вирус во Индија предизвика меѓународна загриженост, откако најмалку пет пациенти се потврдени како заразени со вирусот Нипа во сојузната држава Западен Бенгал.

Воведени се низа заштитни мерки со цел да се спречи ширењето на болеста, која во многу случаи може да биде фатална и за која во моментов не постои познат лек. Некои аеродроми низ Азија, вклучително и во Тајланд, веќе започнаа со скрининг на патници кои пристигнуваат од Западен Бенгал.

Досега, се смета дека сите пријавени случаи се здравствени работници, а за еден пациент се наведува дека е во критична состојба.

Иако експертите предупредуваат дека вирусот има „епидемиски потенцијал“, веројатноста тој да стигне до други земји сè уште се смета за мала.

Индиската влада појасни дека има само два потврдени случаи на вирусот Нипа. Претходно беше соопштено дека има пет случаи, но тоа беше коригирано по добивањето на резултатите од тестирањата.

Што е вирусот Нипа?

Вирусот Нипа е патоген кој потекнува од лилјаци и се пренесува од животни на луѓе. Овошните лилјаци се меѓу најчестите носители на вирусот, како и свињите. Болеста може да се пренесе преку директен контакт со заразени животни, преку контаминирана храна или преку пренос од човек на човек.

Светската здравствена организација (СЗО) наведува дека стапката на смртност се проценува меѓу 40 и 75 проценти и дека „не постои третман ниту вакцина, ниту за луѓе ниту за животни“.

Симптоми на вирусот Нипа

Една од главните причини за загриженост е фактот што многу од симптомите на вирусот Нипа може да се помешаат со обична настинка или грип — иако е важно да не се шири паника, бидејќи вирусот Нипа и понатаму е исклучително редок.

Според СЗО: „Инфекциите кај луѓето варираат од асимптоматски случаи до акутни респираторни инфекции (благи или тешки) и фатален енцефалитис.“

Симптомите најчесто вклучуваат „треска, главоболка, мијалгија (болка во мускулите), повраќање и воспалено грло“, по што може да следат „вртоглавица, поспаност, променета свест и невролошки знаци кои укажуваат на акутен енцефалитис“.

„Кај некои луѓе може да се појави и атипична пневмонија и тешки респираторни проблеми, вклучувајќи акутен респираторен дистрес“, додава СЗО. „Енцефалитис и напади се јавуваат во тешки случаи, со прогресија кон кома во рок од 24 до 48 часа.“

Разлика помеѓу вирусот Нипа и обичниот грип

Иако многу од почетните симптоми се слични, клучната разлика е во тоа што кај грипот обично се забележува постепено подобрување по три до пет дена од појавата на симптомите, додека кај вирусот Нипа состојбата брзо се влошува во првите 24 до 48 часа.

Дополнително, вирусот Нипа е поврзан со низа невролошки симптоми кои не се типични за грипот, како што се конфузија и напади, кои можат да доведат до кома.

Една од најважните работи што треба да се земе предвид е и географската локација — ако имате симптоми слични на грип, а не сте патувале во или околу Индија, шансите да станува збор за вирусот Нипа се речиси нула. Но, ако имате симптоми и сте престојувале во ова подрачје, треба да се обратите кај медицинско лице и да избегнувате контакт со други луѓе.

Совети за патување од британската влада

Според „Gov.UK“, досега никогаш не биле регистрирани случаи на вирусот Нипа поврзани со патување во Обединетото Кралство, а како главен ризик се наведува собирањето и консумирањето на суров или ферментиран сок од урмина палма.

Владата предупредува дека сите кои патуваат во зафатените подрачја, особено оние со активни жаришта, „треба да избегнуваат контакт со лилјаци и нивните живеалишта, како и со болни животни“.

На веб-страницата се наведува: „Треба да се избегнува консумирање на суров или делумно ферментиран сок од урмина палма. Овошјето треба да се мие со чиста вода и да се избегнува овошје кое е делумно изедено од животни или може да биде контаминирано.“

Извор: ЛадБајбл

Фото: Masum Ali from Pixabay

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: Нови улици, училишта, спортски содржини и зголемена поддршка за семејствата, Илинден се развива со дела

За период од една година Општина Илинден со посветена работа и јасна визија продолжува да се сразвива и да создава подобри услови за живот на сите граѓани.

Во изминатиот период во Општина Илинден се реализираа бројни проекти кои директно го подобруваат секојдневието на граѓаните.

Општина Илинден продолжува со силни инвестиции во инфраструктурата. Реконструирани и изградени се повеќе локални улици и патишта во Илинден, Кадино, Мршевци Дељадровци и населбата Јака, а во тек се и нови инфраструктурни проекти.

Посебен фокус е ставен на иднината на децата. Започната е изградбата на новата училишна зграда во ООУ „Гоце Делчев“, со 10 училници и современи услови за настава. Во училиштата низ општината продолжуваат реконструкциите, опремувањето и создавањето подобри услови за учениците.

Грижата за семејствата останува еден од приоритетите. Еднократната финансиска поддршка за новороденчињата е зголемена на 6.000 денари, а од учебната 2026/2027 година е воведена и поддршка од 3.000 денари за секое прваче, покрај бесплатните ранци и прибор.

Се инвестира и во спортот. Се гради нова трибина на фудбалскиот стадион во Илинден со капацитет од околу 1.100 гледачи, додека спортската сала „Гоце Делчев“ се реновира по речиси две децении. Реконструирани се и спортски игралишта во Мралино и Марино.

Инвестициите во животната средина и комуналната инфраструктура продолжуваат. Изградени се повеќе километри канализациска мрежа во Кадино, започнат е голем проект за канализација во Миладиновци, продолжува проширувањето на водоводната мрежа, а во рамките на проектот „Зелена Општина Илинден“ засадени се над 1.000 нови садници.

Ова се само дел од проектите кои се реализирани.

Општина Илинден продолжува со уште посилно темпо, за современа инфраструктура, подобри услови за живот, повеќе можности за младите и сигурна иднина за секое семејство.

Илинден продолжува да се развива и да се менува на подобро.

ВМРО-ДПМНЕ

Тагови: ВМРО-ДПМНЕ

Македонија

СДСМ: Автопортет: Има само една банда - ВМРО-ОКГ и нејзиниот шеф арамија Мицкоски

Шефот на организираната криминална група ВМРО, Христијан Мицкоски, вчера изрече една реченицата која ќе остане како автопортрет на оваа власт:

„Нема веќе банди, нема веќе криминал, нема рекетирање, нема веќе марихуана економија, нема веќе провизии од Лотарија… Нема...“

Нема мали банди точно, има само една голема, таа контролира се.

Нема повеќе улични банди- има партиска.

Нема рекет од страна - рекетот сега има печат, кабинет и прес-конференција.

Нема повеќе провизии од Лотарија „на црно“ - има систем во кој државата е плен, 5,5 милиони евра а Лотаријата се води како приватна фирма на ВМРО-ОКГ.

Нема повеќе марихуана економија како изговор - има монопол на лажната приказна дека криминалот исчезнал затоа што сега тие го водат.

Затоа пет тони марихуана поминуваат граница и царина кон сестринската СНС и Вучиќ без задржување, уште и со полициска придружба.

Криминалот и корупцијата сега имаат име и презиме: арамија Христијан Мицкоски.

Мицкоски не објави резултат. Објави капитулација на институциите.

Кога шефот на владата излегува и вели дека криминалот го нема, тоа не е биланс. Тоа е легализација на криминалот и корупцијата.

ВМРО-ОКГ две години ја градеше државата како криминална мрежа: свои луѓе во тендери, свои луѓе во судството и обвинителството, свои луѓе во безбедност - МВР и АНБ, свои луѓе во игри на среќа, свои луѓе во енергетика, свои луѓе поставени низ целиот државен апарат.

Потоа излегува премиерот и вели - нема банди.

Бандата е на власт. Нема конкуренција на улица кога улицата ја држи кабинетот.

И додека Мицкоски ги раскажува своите економски бајки, граѓаните ги плаќаат сметките и гледаат како власта си купува слика на лажен ред, а одговорноста за аферите секогаш завршува кај претходните.

Класичен метод на организирана криминална група: укради го наративот, па укради ги и доказите.

Криминалот не исчезнува со изјава. Исчезнува со истрага која не застанува пред презиме, функција и партиска книшка.

5,5 милиони евра од лотарија, милиони во енергетика, во јавни набавки и безбедносни служби не се ПР-теми. Тоа се канали низ кои ВМРО-ОКГ ја држи државата.

Кој денес тврди дека „нема банди“, утре ќе тврди дека нема ни жртви.

Нема повеќе банди.

Има една. Се вика ВМРО-ОКГ и седи во владата.

СДСМ ќе ја именува. Ќе ја гони политички. И нема да прифати дека Македонија е „чиста од криминал“ само затоа што шефот на бандата така рекол.

Уште малку. Доаѓа време на вистина и правда. Граѓаните ќе ја вратат власта во свои раце, а оваа банда ќе одговара - пред независно судство и пред европско обвинителство.

СДСМ

Тагови: СДСМ

Македонија

Сообраќајот на државните патишта се одвива непречено

Интензитетот на сообраќај на патните правци надвор од градските средини е зголемен.

СОСТОЈБА: Сообраќајот на државните патишта се одвива непречено, по наместа влажни коловози.

ФРЕКВЕНЦИЈА: Интензитетот на сообраќај на патните правци надвор од градските средини е зголемен. На граничните премини од македонска страна нема подолги задржувања за влез и излез од државата.

ВНИМАТЕЛНО: АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

СЕЗОНСКИ РЕЖИМ НА СООБРАЌАЈ: Од 15 Април, патниот правец Охрид – Ресен преку националниот парк Галичица е отворен за сообраќај за сите видови возила до 3,5 тона.

РАБОТИ НА ПАТ:

ВИА ДОО Вевчани известува, поради реконструкција на граничниот премин Делчево, од 09.09.2026 воведен е времен режим на сообраќај. За целото времетраење на градежните работи граничниот премин ќе фунционира непрекинато и сообраќајот ќе се одвива нормално.

Во периодот од 17.08.2026 до 01.10.2026 година, поради изведување работи на објектот „Санација на косина на автопат А4, делница Миладиновци – Свети Николе – Штип (кај наплатна станица Преод)“, ќе биде изменет режимот на сообраќај пред наплатната станица Преод

Од 06.07.2026 г. започна времена измена на сообраќајот при санација на мост на река Брегалница на Р1204 во Штип и ќе трае до завршувањето на санацијата.

Од 21.05.2026 г. во 8 часот ќе се започне со изведување на градежни активности-санација на мостови на државен пат А2 делница Гостивар-Стража конкретно на мост бр.4 Вијадукт на Атанасова река и мост бр.7 Вијадукт на Дол и истата ќе трае до завршување на санацијата. Со таа цел ќе биде воспоставен времен режим на сообраќај кој ќе трае до самото завршување на градежните активности.

Од 14.04.2026 г. се изведуваат градежни активности на Државен пат А2 делница Гостивар – Стража на мост бр.7 Вијадукт на Дол. Со цел да може да се реализираат работите за санација на мостови, ќе биде воспостовен времен режим на сообраќај додека траат градежните активности.

Од 30.03.2026 година, ќе се изведуваат градежни активности на државен пат А2, мостови на А2 на реката Вардар во близина на с.Желино во двата правци (Скопје – Желино и Желино – Скопје), со цел санација на истите. Времениот режим ќе се спроведува согласно Одобрението за временска измена на режим на сообраќај издадено од Министерство за транспорт.

Од 13.03.2026 година започна со активности за изведба на премин на интерконективен гасовод под автопат А1 (М1) Пријателство, делница Смоквица – Гевгелија. На делницата се поставени знаци за времен режим на сообраќај.

На државниот пат А2 (скопска обиколница) се врши рехабилитација во должина од 250 метри од клучка Волково до клучка Кондово. Има поставено соодветна сигнализација за затворањето на левата сообраќајна лента за претекнување. Сообраќајот се одвива по лентата за движење (средна) и лентата за принудно запирање (десна).

Од 12.09.2025 започната е градежната активноста – санација на свлечиште на регионален пат Р1202 делница Косоврасти – Мелнички Мост, односно воспоставена е времена измена на режимот на сообраќај до завршување на активностите.

Според известување од Виадукт Треј Дооел – Гостивар, како дел од изведбата на Коридор 10Д, во тек е важност на времен режим на сообраќај на патен правец Прилеп – Битола, каде ќе се пренасочи движењето на возилата по регионалниот пат Прилеп – Битола, од делот од клучка Лагово до Тополчани.

Тагови: АМСМ