Смртниот биланс од рускиот напад врз Киев се искачи на 23 лица, Зеленски бара силен притисок кон Москва - Канал 5

Свет

Смртниот биланс од рускиот напад врз Киев се искачи на 23 лица, Зеленски бара силен притисок кон Москва

Вчерашниот жесток руски напад врз Киев со 23 жртви и десетици повредени го вклучи алармот во Европа. 

Смртниот биланс од рускиот напад врз Киев се искачи на 23 лица, Зеленски бара силен притисок кон Москва

Министерите за одбрана на Еу на состанок во Копенхаген ги прецизираат деталите од новиот 19-ти пакет санкции за Русија, кој според најавите, ќе биде насочен против извозот на руски енергенси и финансиските услуги. Шефицата на европската дипломатија Калас рече дека на маса е и можноста за нова помош во оружје за Киев и обука на украинската армија.

-Да, работиме на следниот пакет и има неколку опции на маса. Секако, она што најмногу ќе им наштети се какви било санкции врз енергијата и сите секундарни санкции што ги воведоа Американците, на пример. Но, овие дискусии се во тек и сите разбираат дека, со оглед на тоа како Путин ги исмева мировните напори, единственото нешто што функционира е притисокот. , изјави Каја Калас, шефица на европската дипломатија

И додека од Вашингтон стигнуваат пораки топло – ладно за поголем притисок врз Москва, германскиот канцелар Мерц допатува во Франција кај Макрон во обид да ги интензивираат европските дипломатски напори. Главниот впечатокот е дека Путин само купува време.

-Сега е очигледно дека средба меѓу претседателите Путин и Зеленски нема да има, што е спротивно од она што беше договорено меѓу претседателот Трамп и Путин минатата недела, кога бевме во Вашингтон заедно. , вели Фридрих Мерц, канцелар на Германија

За украинскиот претседател Зеленски, вчерашниот руски напад е само потврда дека Путин не сака мир. Повика на воведување остри меѓународни санкции за да не се остави чувството за неказнивост на Москва.

-Во Вашингтон чувме дека Путин е подготвен за крај на војната и дека на ниво на лидери ќе се разрешат клучните прашања. Но, наместо тоа, тој избра балистички ракети наместо реални чекор кои водат кон мир. , изјави Володмир Зеленски, претседател на Украина

Москва тврди дека руската армија врши напади само врз воени цели и дека штетата врз цивилната инфраструктура е последица на дејствувањето на украинската противоздушна одбрана.

-Зеленски продолжи да презема чекори што водат кон саботажа на процесот на мировни преговори и ескалација на конфликтот. Зеленски, на 21 август, им кажа на странските новинари дека Киев одбива правно да ги признае неповратно загубените територии. , изјави Марија Захарова, портпаролка на руското МНР

Во Киев денеска е ден на жалост, по вчерашниот напад во кој спорд украинските власти, Русија истрелала 600 беспилотни летала и 30 балистички и крстосувачки ракети. Освен цивилни објекити, биле погодени и канцелариите на Делегацијата на Европската Унија и на Британскиот совет.

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Путин му беше домаќин на африкански претседател, висок 204 сантиметри- сите му се смеат (ФОТО)

Фотографијата од рускиот претседател Владимир Путин и претседателот на Мозамбик, Даниел Чапо, привлече внимание на социјалните мрежи поради големата разлика во нивната висина.

Путин му беше домаќин на африкански претседател, висок 204 сантиметри- сите му се смеат (ФОТО)

Двајцата лидери се сретнаа во вторник во Москва, каде што Русија беше домаќин на осмиот самит на Форумот на земјите извознички на гас (GECF).

Речиси 35 сантиметри разлика

Даниел Чапо, според медиумските извештаи, е висок 204 сантиметри, додека висината на Путин се проценува на околу 170 сантиметри. Разликата меѓу двајцата е речиси 35 сантиметри, што е особено впечатливо на заедничките фотографии.

На фотографијата, Чапо стои до Путин и, поради неговата висина, значително се извишува над рускиот претседател, па токму оваа сцена го привлече вниманието на корисниците на социјалните мрежи.

Шеги на X

Социјалната мрежа X беше преплавена со коментари за висината на Путин, а имаше и неколку добри шеги.

„Гуливеровите патувања во Москва“ и „Не пропуштајте го фактот дека овој хобит дури носи и штикли“, напишаа корисниците на X.

„Џуџе“ и „Џуџе во високи потпетици“, се некои од коментарите.

Тагови: Владимир Путин претседател

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Роналдо е најдобрата „Златна топка“ на сите времиња, Меси е втор

Еден од најдобрите фудбалери на сите времиња, Кристијано Роналдо, ја освои наградата за најдобрата Златна топка во историјата - BOAT, како што одлучи гласањето на навивачите на веб-страницата.

Роналдо е најдобрата „Златна топка“ на сите времиња, Меси е втор

По гласањето за најдобар играч во светот за 2026 година, каде што наградата ја освои Хари Кејн, играч на Баерн Минхен и капитен на репрезентацијата на Англија, беше доделена наградата за најдобрата „Златна топка“ во историјата.

Тука се избрани сите добитници на Златната топка откако е доделена оваа најважна индивидуална награда.

Роналдо ја освои Златната топка вкупно пет пати, а онаа ја освои во 2008 година, кога играше за Манчестер Јунајтед, со кого ја освои Лигата на шампионите таа година и имаше неверојатна сезона, по што се пресели во Реал Мадрид во најголемиот трансфер на сите времиња во тоа време, првиот што надмина 100.000.000 евра.

Второто место го освои Лионел Меси со Златната топка во 2012 година.

Колку се доминантни Роналдо и Меси над другите фудбалери во историјата, покажува фактот дека секој од нив ги освоил првите 12 места, секој за различна сезона.

Првиот фудбалер и добитник на Златната топка што се нашол на листата, а не е Роналдо или Меси, е Роналдо Назарио, кој е на 13-то место за 2002 година. Потоа тука се Кевин Киган во 1979 година, Јохан Кројф во 1974 година, Мишел Платини во 1984 година, Франц Бекенбауер во 1976 година...

Тагови: Кристијано Роналдо Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Филмски грабеж во центарот на Виена: Со џип упаднале во луксузна златарница, украле скапоцен накит и избегале

Драма утрово во центарот на Виена! 

Филмски грабеж во центарот на Виена: Со џип упаднале во луксузна златарница, украле скапоцен накит и избегале

Банда вандали провали во позната луксузна златарница на улицата Грабен. Во раните утрински часови, сторителите удрија со теренец „Лексус“ во излогот на продавницата и насилно влегоа внатре.

Излогот беше целосно уништен во бруталниот напад

Сторителите потоа украдоа накит. Вредноста на украдените предмети сè уште не е позната. Сепак, станува збор за една од најскапите златарници во Виена, каде што ѓерданите вредни до 175.000 евра не се невообичаени, пишува весникот „Хојте“.

Местото на злосторството беше целосно уништено. Тешко оштетениот теренец остана заглавен во скршениот излог на златарницата по провалата. Полицијата пристигна во голем број, го блокираше просторот и го обезбеди местото на злосторството. Истрагата е во тек.

Сè уште не е познато колку сторители учествувале во спектакуларната провала, ниту во кој правец избегале со пленот.

Информации за висината на материјалната штета исто така сè уште не се достапни.

Тагови: Виена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер