Смртна казна за двајца полицајци во Бангладеш за убиството на активист во бунтот во 2024 година - Канал 5

Свет

Смртна казна за двајца полицајци во Бангладеш за убиството на активист во бунтот во 2024 година

Специјален суд во Бангладеш денеска осуди двајца поранешни полицајци на смрт за убиството на активист, чија смрт помогна во поттикнувањето на масовното востание во 2024 година, со кое беше соборена поранешната премиерка Шеик Хасина, јави ДПА.

Смртна казна за двајца полицајци во Бангладеш за убиството на активист во бунтот во 2024 година

Трочлениот судски совет на Меѓународниот трибунал за кривични дела, специјализиран суд во Дака, предводен од судијата Нозрул Ислам Мазумдер, денеска ја изрече пресудата за убиството на активистот Абу Саид, изјави главниот обвинител Аминул Ислам.

Тројца други полицајци се осудени на доживотен затвор, додека уште 25

бвинети добија различни затворски казни, кои се движат од три до 10 години затвор, пренесе германската агенција.

Од 30-те лица обвинети во врска со убиството на Саид, 24 се уште се во бегство, а шест се во притвор, наведе обвинителот Ислам.

Саид, студент на одделот за англиски јазик на Универзитетот Бегум Рокеја во северниот округ Рангпур, беше застрелан од полицијата на 16 јули 2024 година, за време на студентските протести против системот на квоти за јавни работни места.

Снимката од полицијата на која се гледа како Саид е убиен додека стоел со испружени раце, држејќи стап во едната рака, беше емитувана од медиумите и стана вирална на социјалните мрежи, предизвикувајќи широко распространето негодување кај демонстрантите.

Протестите потоа се проширија низ Бангладеш и на крајот се претворија во едно единствено барање: оставка на владата на Шеик Хасина.

Владата воведе полициски час бидејќи протестите од ден на ден стануваа сè понасилни. Во екот на жестоките протести Хасина се повлече од функцијата на 5 август 2024 година и избега во соседна Индија.

Судот во Дака во ноември лани ја осуди Хасина на смрт во отсуство за бруталното задушување на востанието, во кое загинаа околу 1.400 лица, според проценката на ОН, потсети ДПА.

Тагови: смртна казна

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Крвава престрелка во близина на Париз: Маж пукал од автомобил, има мртви и ранети

Најмалку едно лице е убиено, а неколку други се ранети во пукотница што се случи утрово во департманот Ивлин, во западниот дел од регионот на Париз, кога маж отворил оган од возило на улицата, објавија француските медиуми.

Крвава престрелка во близина на Париз: Маж пукал од автомобил, има мртви и ранети

Според извори запознаени со случајот, осомничениот отворил оган од возило на улиците на градовите Трап и Ла Вериер околу 10:30 часот, објави BFM.

Мажот отворил оган на улица во Трап, во Ивлин, користејќи автоматска пушка, убивајќи едно лице и ранувајќи неколку други, објави Le Parisien, потврдувајќи ги информациите од весникот „Aktu17“.

Осомничениот за пукотницата е уапсен од Бригадата за борба против криминалот (BAC), објави парискиот весник, а телевизијата BFM објави дека е уапсен во градот Коањер.

Префектурата Ивлин соопшти дека службите за итни случаи моментално реагираат.

„Утрово, едно лице отвори оган од своето возило врз неколку луѓе со кои се сретна во Трап и Ла Вериер. Со жалење известуваме за смртта на едно лице во оваа фаза“, напиша градоначалникот на градот, Али Рабех, на Фејсбук.

Според претходните информации, најмалку две лица се тешко повредени, а бројот на повредени може да биде поголем.

Тагови: Париз

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Црна хроника

Двајца уапсени во кафуле во Тетово- кај газдата пронашле 15 пакувања дрога

Акциска контрола во угостителски објект во Тетово, пронајдена дрога, лишени од слобода две лица.

Двајца уапсени во кафуле во Тетово- кај газдата пронашле 15 пакувања дрога

На 23.10.2026, полициски службеници од Отсекот за криминалистичка полиција при СВР Тетово и од мобилниот тим „Task Force“ во координација со претставници од Државниот пазарен инспекторат и Управата за јавни приходи спроведоа акциска контрола во угостителски објект во Градскиот трговски центар во Тетово.

Притоа, пред објект бил затекнат М.Р.(48) од Тетово и при преглед кај него била пронајдена бела прашкаста материја, по што е лишен од слобода. Додека, внатре во објектот, кај сопственикот Ј.Т.(54) од село Требош биле пронајдени 15 пакувања со бела прашкаста материја, по што и тој е лишен од слобода.

Двајцата биле задржани во полициска станица и по целосно документирање на случајот против нив ќе следува соодветна пријава, соопштуваат од МВР.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Муцунски ја предводеше владината делегација на одбележувањето на 23 Октомври

Министерот за надворешни работи и надворешна трговија, Тимчо Муцунски, денеска во Скопје ја предводеше владината делегација која положи цвеќе пред Споменикот на основачите на ВМРО, по повод 23 Октомври – Денот на македонската револуционерна борба.

Министерот Муцунски ја предводеше владината делегација на одбележувањето на 23 Октомври

По повод празникот, министерот Муцунски истакна дека 23 Октомври е потсетник на идеалите за слобода, самостојност и државотворност и ден на почит кон генерациите што го трасирале патот кон современата македонска држава.

„Наша обврска е тие идеали да ги чуваме со достоинство и да градиме силна, стабилна и меѓународно почитувана држава, одговорно водејќи ја кон напредок и нови достигнувања“, порача Муцунски.

Свои на своето – нека е честит Денот на македонската револуционерна борба!

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер