Живот

СМО: ОН го повикуваат светот да престане да оди по патот на уништување на климата

Климатските промени во 2024 година предизвикаа низа временски проблеми и рекордна топлина, објавија вчера Обединетите нации, повикувајќи го светот да престане да оди по патот на уништување.

Следната година ќе биде најтоплата досега забележана година, објави Метеоролошката агенција на ОН – СМО (WMO).

СМО предупредува дека , истовремено, емисиите на стакленички гасови соборуваат нови рекорди и дополнително предизвикуваат климатски промени.

-Климатските промени се случуваат пред нашите очи речиси секој ден во форма на поголема фреквенција и посилни влијанија на екстремни временски настани, изјави генералниот секретар на организацијата Андреа Селесте Сауло.

„Оваа година бевме сведоци на рекордни дождови и поплави и трагични загуби на животи во многу земји кои ги скршија срцата на заедниците на сите континенти“, рече Аргентинецот.

Тропските циклони предизвикаа огромна човечка и економска штета, неодамна во францускиот прекуморски департман Мајот на Индискиот Океан.

-Интензивните горештини пеплосаа десетици земји, а температурите многупати достигнаа до 50 степени Целзиусови. Шумските пожари создадоа хаос, продолжи Селесте Сауло.

Со Парискиот договор за климата од 2015 година, земјите од светот се обврзаа да го ограничат глобалното затоплување на два степени над прединдустриските температури, по можност 1,5.

СМО минатиот месец објави дека во периодот од јануари до септември, просечната температура на воздухот била за 1,54 степени повисока од периодот помеѓу 1850 и 1900 година. Ова значи дека 2024 година е на пат да го собори неславниот рекорд поставен во 2023 година.

Минатата година температурите беа за 1,45 степени повисоки отколку во прединдустриската ера, време кога човештвото не користеше огромни количини на фосилни горива.

СМО во јануари ќе го објави конечниот извештај за глобалните температури во следната година, а во март и извештајот за состојбата на глобалната клима.

Генералниот секретар на Обединетите нации, Антонио Гутереш, во своето новогодишно обраќање се осврна на климатската криза во последните десет години.

-Денеска можам официјално да пријавам дека издржавме една деценија смртоносна топлина. Десетте најтопли години забележани се во изминатите десет години, вклучително и 2024 година, предупреди тој, додавајќи дека тоа е „климатски дефект во реално време“.

„Мора да го оставиме тој пат на уништување. Немаме време за губење“, заклучи Гутереш.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Мисајловски: Од јануари повисоки плати во армијата и трајно решение за статусот на професионалните војници

Министерот за одбрана Владо Мисајловски, во гостување на Канал 5 најави покачување на платите во армијата од почетокот на следната година и трајно решение за статусот на професионалните војници.

За ова рече дека следната недела ќе се разговара и со сите синдикати во одбраната.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

11 пожари горат ширум државата, најсериозен е во струмичко, во опасност е селото Водоча

Најмалку 20 пожари избувнале денеска ширум државата, од кои 11 се активни, инфгормираше пред малку првиот човек на ДЗС, Стојанче Ангелов.

Најсирозна е состојбата во струмичко, каде што има опасност за неколку села.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Половина од прекршоците снимени од камерите на Безбеден град се од странски таблици

Шокантни бројки од системот „безбеден град“- над 310 илјади прекршоци биле снимени од камерите на МВР од февруари кога се пуштени во употреба до завчера, а 97 отсто се за надминување на брзината.

Податоците на полицијата покажуваат дека дури повеќе од половина, над 180 илјади се направени од возила со странски таблици, оние кои почнаа да се наплаќаат пред три дена на Табановце.

-Во однос на прекршоците сторени од возила со странски регистарски ознаки, во периодот од отпочнување на функционирање на системот „Безбеден град“ регистрирани се вкупно 180.378 прекршоци, додека во периодот од 19 до 20 август оваа година, регистрирани се 5.514 прекршоци од возила со странски регистарски ознаки. - Гоце Андреевски – портпарол на МВР

За разлика од претходните денови, од МВР информираат дека сообраќајот на Табановце сега е нормализиран, без поголеми задржувања. Ова според нив се должи на апликацијата преку која сега странците може да си ги плаќаат казните електронски, а истата се најавува дека наското ќе важи и за возачите од земјава. Системот за наплата на казните ќе се надградува и на другите граници, не само на Табановце, каде што деновиве особено кај бројните српски државјани се создаде револт бидејќи чекаа во редици за да платат пред да излезат од Македонија. Наспроти нервозните патници, на социјалните мрежи кружи и видео од оро за кое се тврди дека се Срби кои играат додека чекаат на граница.

Покрај со парични казни, оние кои сториле поголеми прекршоци во македонскиот сообраќај одговараат и кривично. Вчера на Табановце бил лишен од слобода 35 годишен државјанин на Холандија кој од камера на „Сејф сити“ бил фатен дека со порше вози 168 километри на час, на пат кадешто е дозволена максимална брзина е 80км/ч. Од МВР информираа дека тој ќе добие кривична пријава за делото „безобзирно управување со моторно возило“.

Освен преку камерите, полицијата казнува и на терен- синоќа во акција за само седум часа санкционирани се 262 возачи, од кои 102 биле на мотори.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.