Смилковски пред почетокот на Евробаскетот: Да бидеме најдобрата верзија од себе - Канал 5

Смилковски пред почетокот на Евробаскетот: Да бидеме најдобрата верзија од себе

 Селекторот на македонската репрезентација составена од кошаркари до 20 години, Боро Смилковски побара од неговите избраници да дадат максимум на натпреварите од претстојниот Евробаскет. 

Смилковски пред почетокот на Евробаскетот: Да бидеме најдобрата верзија од себе

Основната цел, која ја презентира Смилковски е да се задржи континуитет на играње во друштвото на најдобрите млади играчи на Стариот континент.

- Да дадат се од себе, да бидеме најдобрата верзија е се што барам од играчите, сметам дека тоа е доволно да ја постигнеме нашата цел, опстанок во А- дивизијата. Успешно затворивме мини-циклус на подготовки во кој одигравме и шест пријателски натпревари. Задоволни сме од сработеното, играчите максимално посветени ги одработија овие подготовки и како стручен штаб сме навистина сме благодарни за нивната доверба во нашата работа, истакна Смилковски пред почетокот на Евробаскетот.

Европското првенство 2024 А-дивизија за кошаркари до 20 години ќе се одржи од 13 - 21 јули во Гдиња, Полска.

Македонските кошаркари се во Ц-групата со врсниците од Турција, Шпанија и Белгија.

Средба на Сиљановска-Давкова со претставници на ОМД и студенти од програмата „Родум од Македонија“

Претседателката Гордана Сиљановска-Давкова оствари средба со претседавачот на Бордот на Обединетата македонска дијаспора (ОМД), Арџи Белио и претставниците на оваа организација Гордан Јорданов, Филип Јотевски, Мара Кун и Емили Абрамзик.

Средба на Сиљановска-Давкова со претставници на ОМД и студенти од програмата „Родум од Македонија“

Сиљановска-Давкова беше информирана за активностите на ОМД коишто се реализираат во насока на зајакнување на културните, економските и образовните врски меѓу дијаспората и матичната држава. Тие ја претставија платформата за споделување на искуства, вмрежување и зголемување на можностите за нивно вработување преку македонски компании.

Претседателката истакна дека ја цени посветеноста на ОМД на зачувувањето и промовирањето на македонскиот идентитет и култура ширум светот, оценувајќи дека нивните активности даваат значаен придонес во поврзувањето на македонската дијаспора и имаат трајно значење за заштитата на македонското културно наследство.

По средбата, Сиљановска-Давкова прими студенти од програмата „Birthright Macedonia – Родум од Македонија“, којашто годинава по деветти пат ја реализира ОМД во партнерство со Македонскиот центар за меѓународна соработка – МЦМС.

Студентите информираа за нивниот престој во земјава, како и за нивното стажирање во компании преку коишто ги надградуваат академските познавања и вештини. Тие сметаат дека програмата, не само што им овозможува професионален развој, туку е одличен начин за нивно поврзување и подобро разбирање на културното и духовното богатство на татковината на нивните предци.

Претседателката им посака успешен престој во земјава, изразувајќи надеж дека со ентузијазмот за поврзување со корените, ќе ги инспирираат идните генерации од дијаспората да ја запознаат македонската држава.

СДСМ: Гори цела Македонија, Владата нема контрола врз пожарите

Состојбата со пожарите низ државата е драматична и алармантна.

СДСМ: Гори цела Македонија, Владата нема контрола врз пожарите

За жал, неофицијално ја имаме и првата жртва. Владата и институциите се немоќни и неспособни да одговорат на предизвикот. На пет локации низ Скопје граѓаните сами, со свои раце и ресурси, се борат со огнот.

Криза има во Дојран, во Крива Паланка и во околината на Скопје. Граѓаните со лопатите и со голи раце ја спречуваат огнената стихија. На многу места во опасност се фабрики, куќи и имоти, а штетите кои се закануваат се огромни.

Според сведоштвата од терен, институционалната поддршка или доцни или целосно изостанува, особено во Крива Паланка, во скопските села, како и во Дојран, каде помошта пристигна дури кога штетите беа веќе направени.

Крива Паланка се наоѓа во најтешка положба, огнот веќе зафатил делови од градските населби. Помош од ДЗС нема ниту една општина, иако била барана повеќепати. Во Крива Паланка државата е целосно отсутна, дотолку што на сцена се појавуваат бугарски пожарникари за да ја завршат работата на македонските институции.

Во Дојран, во селото Николиќ, пламените јазици се на само неколку метри од фабриката „Дојран Стил“, а во ризик се и резервоарите со метан.

СДСМ уште пред два месеца предупреди дека нема никаква подготовка, ниту стратегија, дека се доцни со мобилизирање на луѓе и механизација и дека не постои соодветна комуникација со граѓаните. Не е на време ниту побарана помош, ниту е направена соодветна коориднација со НАТО партнерите

Владата, како и секогаш, наместо да преземе одговорност, се крие зад болни и морбидни обвинувања кон опозицијата и СДСМ, дури и за подметнување на пожарите. Тоа го прават само луѓе кои немаат ни грам свест за тежината на својата функција и довербата што им ја дале граѓаните.

Кога се очекува лидерство и одговорност, Владата нуди само манипулации, спинови и обвинувања.

Мицкоски нема контрола врз државата. А сега веќе нема ни кого да обвини.

YouTube video

Богданка Кузеска, портпаролка на СДСМ

Претседателот на Кенија повика полицијата да им пука во нозе на антивладините демонстранти

Кенискиот претседател Вилијам Руто денеска, по повод неодамнешните антивладини протести во кои загинаа десетици луѓе, изјави дека нема да дозволи анархија во земјата.

Претседателот на Кенија повика полицијата да им пука во нозе на антивладините демонстранти

Руто рече дека „е доста“ и ја повика полицијата „да им пука во нозе“ на оние кои се вклучени во ограбување и палење бизниси. Тој тврди дека незадоволството е политички мотивирано и оти неговите политички ривали сакаат да ја соборат неговата влада со насилство.

Во Кенија со недели има големи демонстрации, откако познат блогер почина во полициски притвор минатиот месец, што разлути многу Кенијци. Тензиите дополнително се зголемија откако полицаец пукаше во цивил од непосредна близина, за време на демонстрациите поради полициска бруталност.

Во понеделникот, полицијата постави барикади на сите патишта кои водат до центарот на главниот град Најроби. Полицијата се судри со демонстрантите на периферијата на градот, во 17 од 47 окрузи низ земјата, при што загина 31 лице, а повеќе од 100 беа повредени. Повеќе од 500 други се уапсени.

Вкупно 50 луѓе загинаа во изминатите две недели за време на демонстрациите. Високиот комесар на ОН за човекови права, Фолкер Тирк, во вторникот повика на решавање на проблемите што доведоа до протестите. Граќански групи повеќе пати повикаа на воздржаност од страна на полицијата за време на демонстрациите.

притисни ентер