Свет

Смена на врвот: Кина ги надмина САД и стана најбогата нација на светот

Кина официјално ги надмина САД и стана најбогатата нација на светот, покажал новиот извештај, пишува порталот NextShark.

Вкупната нето вредност на светот се искачи од 156 трилиони долари во 2000 година, на 514 трилиони долари во 2020 година што го прави светот побогат отколку што некогаш бил во кој било момент во историјата.

Кина е одговорна за речиси една третина од тоа зголемување, според извештајот на консултантската фирма McKinsey & Company.

Мекинзи ги анализирале националните биланси на 10 земји кои претставуваат 60 отсто од светскиот приход. Од тие земји, Кина има 50 отсто зголемување на нето-вредноста, потоа САД (22 отсто) и Јапонија (11 отсто).

Извештајот покажал дека богатството на Кина пораснало од 7 трилиони долари во 2000 година на 120 трилиони долари во 2020 година. Богатството на САД се зголемило повеќе од двојно на 90 трилиони долари во истиот период.

Но, иако светот денес е побогат од кога било, нееднаквости сè уште постојат. Само во Кина и во САД, повеќе од 67 отсто од богатството е контролирано од 10 отсто од најбогатите домаќинства - и тие продолжуваат да заработуваат се` повеќе и повеќе.

Извештајот исто така покажал дека 68 отсто од светската нето вредност лежи во недвижен имот. Остатокот е во инфраструктура, инвентар, машини и опрема и „нематеријални средства“ како што се интелектуална сопственост и патенти, според Блумберг.

Со зголемувањето на трошоците за недвижности, Кина, со компанијата за развој на недвижен имот со седиште во Шенжен, Евергранд, би можела да претрпи финансиска криза слична на балонот за домување што пукна во Америка во 2008 година. Евергранд веќе е во многу непријатна ситуација поради долгови од вкупно 300 милијарди долари , што наводно го принудило нејзиниот претседател да го продаде својот личен имот, пренесува CNN.

Падот на глобалните цени на недвижностите може да уништи дури 33 отсто од светското богатство, истакнале од Мекинзи. За да се избегне таквото сценарио, неопходно е да се поттикнат продуктивни и одржливи инвестиции кои придонесуваат за глобалниот бруто домашен производ (БДП), покажал извештајот.

Забава

Емили Ратајковски во „жежок“ фустан на црвениот тепих

Емили Ратајковски присуствуваше на настанот на глобалната гала The King's Trust одржан во Casa Cipriani во Њујорк, каде што ги заврте главите со храбар фустан.

Познатата убавица носеше свилен крем фустан со длабоко деколте, кој стигнуваше речиси до папокот и кој ја истакнуваше нејзината витка линија. Фустанот имаше и гол грб.

Глобалната гала „The King's Trust 2024“ е основана од британскиот крал Чарлс III. со цел да им се помогне на младите, свечениот настан собра многу познати фаци, како манекенката Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз манекенката Ешли Греам.

Свет

УНЕСКО: Убиени се 44 новинари, кои известувале за еколошките проблеми

Новинарите кои известуваат за еколошки прашања се соочуваат со зголемено насилство ширум светот од страна на државните и приватните актери, објави УНЕСКО, истакнувајќи дека 44 од тие новинари биле убиени меѓу 2009 и 2023 година.

Повеќе од 70 отсто од 905 новинари анкетирани од агенцијата на ОН во 129 земји рекле дека биле нападнати, им биле упатени закани или притисоци и дека насилството врз нив се влошило, а само во последните пет години биле пријавени 305 напади.

УНЕСКО, културната агенција на ОН, во својот извештај извести за физички напади, повреди, апсења и малтретирање, како и правни дејствија против новинари, вклучувајќи тужби за клевета и кривични постапки.

Најмалку 749 новинари, новинарски групи и медиумски куќи биле нападнати во 89 земји во сите региони, се вели во извештајот, при што државните актери се одговорни за најмалку половина, а приватните актери најмалку за една четвртина.

„Државните актери, полицијата, воените сили, државните службеници и вработени, локалните власти се одговорни за повеќето напади за кои се достапни информации за сторителите“, се вели во извештајот.

Овие новинари покриваа широк спектар на теми, вклучувајќи протести, конфликти за рударство и земјиште, сеча и уништување на шумите, екстремни временски услови, загадување и еколошка штета и индустријата за фосилни горива.

Мажите обично се почесто напаѓани, а жените почесто дигитално, се вели во извештајот.

Од 44 новинари убиени во 15 земји додека известувале за еколошки прашања, само пет случаи резултирале со пресуди, се вели во извештајот. Во 19 од 44 убиства, сторителите останале неидентификувани.

Најмалку 24 новинари ги преживеале обидите за атентат.

Македонија

Санкционирани 100 возачи во Скопје, 14 возеле без возачка дозвола

Секторот за внатрешни работи Скопје во текот на вчерашниот ден продолжи со контролите во областа на сообраќајот при што на територија на град Скопје изречени се вкупно 100 мерки.

Секторот за внатрешни работи Скопје во текот на вчерашниот ден продолжи со контролите во областа на сообраќајот при што на територија на град Скопје изречени се вкупно 100 мерки, меѓу кои за возење без возачка дозвола 14 санкции, 12 мерки за користење мобилен телефон при возење и пет санкции за некористење сигурносен појас.

-Сообраќајните контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, наведуваат од МВР.