Случај „Онкологија“: Обвнителството бара притвор за Нино Васев, тој пак сака да се брани од слобода - Канал 5

Случај „Онкологија“: Обвнителството бара притвор за Нино Васев, тој пак сака да се брани од слобода

Обвинителството и одбраната ги судрија аргуменитите пред апелација за скандалот „Онкологија“.

Случај „Онкологија“: Обвнителството бара притвор за Нино Васев, тој пак сака да се брани од слобода

Обвинителката Фатиме Фетаи, во својата жалба на првостепеното решение, побара на екс медицинскиот директор на болницата – Нино Васев да му се преиначи мерката домашен, во ефективен притвор. Според нејзе, согласно околностите и фазата на постапката, тоа е единствена гаранција дека Васев нема да се даде во бегство и дека успешно ќе се спроведе судскиот процес...

Врз основа на прибраниот доказен материјал, ОЈО Скопје, основано може да очеквува донесување осудителна пресуда. Колку што е поизвесно соочувањето со осуда од ефективна казна затвор, така и се зголемува опасноста од бегство. Мерката притвор и единствено мерката притвор претставува доволна гаранција за обезбедување присуство на осомничениот и за успешно спроведување на кривичната постапка.

Жалбата на обвинителството одбраната на екс-директорот на Онкологија ја нарече неоснована, бидејќи Васев целосно соработувал со државните органи во расветлување на случајот и целосно ги почитувал определените мерки од судот. Неговиот адвокат Ставрев во жалбата до Апелација побара да се цени досегашното однесување на осомничениот и да му се укине мерката домашен притвор.

-Останувам кон наводите на жалбата, во жалбата е наведено се. Барам чесно судење и сакам да се бранам во постапката, но барам да се бранам од слобода и да се укине домашниот притвор,- – Нино Васев – екс-директор на Онкологија.

Апелација ќе треба да донесе одлука и за поранешниот организациски директор на онкологија Нехат Нухи, кој исто така е во домашен, а и за него се бара ефективен притвор.. Па дали екс-директорите ќе се бранат од дома, слобода или од ефективен притвор ќе се знае по одлуката на апелација..

Судењето започнува на 11 јули, а предметот во кој Васев, Нухи и уште три лица се гонат е поделен во два дела. Според првото обвинение, првоосомничениот Васев и Нухи ја злоупотребиле службената положба со незаконска набавка на лекови со што прибавиле значителна имотна корист, а буџетот го оштетиле за над 35 милиони евра. Двајвата се обвинети и за продолжено кривично дело „измама во службата“, бидејќи со намера да прибават противправна корист, го довеле фондот во заблуда да изврши незаконска исплата. Така за добавувачите на лекови прибавиле значителна корист од речиси 7 милиони евра. Набавувале и лекови на реверс, без правен основ.

Второто обвинение што го поднесе обвинителството се однесува на третманот на пациентите и опфаќа четири лекари онколози, меѓу кои е и Васев. Тој во соизвршителство со друг лекар од истиот одел на кој работеле се товари дека извршил продолжени, „тешки дела против здравјето на луѓето“ и „ несовесно лекување болни“. Медицинските вештачења утврдиле дека кај 29 пациенти, Васев како првообвинет, применил очигледно неподобен начин на лекување, спротивен на медицинските упатства, отстапувајќи во дозирањето и во фазата на лекување, давал лекови од новите генерации таргет – имуно терапија со што тешко го нарушил здравјето на пациентите.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

АХВ: Почна вакцинацијата на ситниот добиток против болеста сипаници кај овци и кози

Согласно Решението за итна вакцинација на овците и козите против болеста сипаници кај овци и кози, кој е одобрена од Европската унија (ЕУ), во Источнит регион плански регион почна акцијата за масовна заштита на ситниот добиток од оваа болест.

АХВ: Почна вакцинацијата на ситниот добиток против болеста сипаници кај овци и кози

Истовремено, денес, 19.11.2026 година, се финализира првата фаза од дистрибуцијата на вакцините против сипаници кај овци и кози, со што се создаваат услови за продолжување на активностите за вакцинација на животните во предвидените подрачја (источен, североисточен, вардарски и југоисточен регион). Вакцината е од турско потекло и целата количина е обезбедена како донација од ЕУ. Со вакцинацијата ќе бидат опфатени 3.417 стада и 438.042 животни во осумте региони. Првата фаза ќе се реализира во Вардарскиот, Источниот, Југоисточниот и Североисточниот регион каде се евидентирани 1.859 стада со 193.527 животни.

Со втората фаза опфатени ќе бидат Југозападниот, Пелагонискиот, Полошиот и Скопскиот регион со 1.558 стада и 244.515 животни. Со третата фаза ќе се изврши дополнителна вакцинација, за да се обезбеди највисок можен опфат на целната популација животни. Таа ќе вклучува јагниња и јариња кои ја достигнале минималната возраст за вакцинација по завршување на првата и втората вакцинална фаза, животни чија вакцинација е привремено одложена поради клиничка состојба или ветеринарна проценка, бремени животни и животни во првите 6 недели по породувањето за кои вакцинацијата е одложена.

Со оваа фаза опфатени ќе бидат и фарми кои биле недостапни за време на почетната кампања за вакцинација, фарми каде што вакцинацијата е одложена поради сомнение за инфекција со болеста сипаници кај овци и кози, под услов надлежниот официјален ветеринар да ја одобрил вакцинација.

Вакциналната кампања ќе опфаќа клинички здрави овци и кози, јагниња и јариња кои ја достигнале минималната возраст за вакцинација, овци и кози кои не се исклучени од вакцинација. Гравидните, болните животни и другите категории животни ќе се третираат во согласност со упатството за употреба на вакцината.

Вакцинацијата претставува важна мерка за спречување на ширењето на болеста и намалување на ризикот од нејзино понатамошно појавување.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Александар Чупиќ е новиот претседател на српскиот парламент и в.дпретседател на Србија

Претставникот на „Студентската листа“ и професор на Сообраќајниот факултет, Александар Чупиќ, е официјално избран за претседател на новиот состав на Народното собрание на Република Србија. 

Александар Чупиќ е новиот претседател на српскиот парламент и в.дпретседател на Србија

Со изборот на оваа функција, Чупиќ истовремено ја презеде и должноста вршител на должноста претседател на Србија.

Со конституирањето на Српскиот парламент, започна да тече рокот од 90 дена за формирање на новата Влада. На дневниот ред на конститутивната седница се вклучени изборот на потпретседател на Народното собрание, именувањето на генерален секретар, како и изборот на членови на парламентарните работни тела и на постојаните парламентарни делегации во меѓународните институции.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Видео: Доналд Туск за изјавата на Трамп за Путин: „Боже, чувај нè од такви пријатели“

Полскиот премиер Доналд Туск одговори на изјавата на американскиот претседател Доналд Трамп, кој за време на нивната денешна средба во Кина го нарече рускиот претседател Владимир Путин свој пријател. 

Видео:  Доналд Туск за изјавата на Трамп за Путин:  „Боже, чувај нè од такви пријатели“

„Боже, чувај нè од такви пријатели“, напиша Туск на социјалната мрежа „Икс“, без експлицитно да ги спомене ниту Трамп, ниту Путин.

Неговата објава уследи по срдечниот поздрав што Трамп му го упати на Путин на самитот на АПЕК во Шенџен, Кина.

Трамп за Путин: „Тој е мој пријател“

За време на средбата со Путин, во присуство на новинари, Трамп зборуваше за нивниот долгогодишен однос. „Кој е тој? Тој е мој пријател!“ – рече Трамп додека го поздравуваше рускиот претседател.

Овој момент предизвика реакции во Европа, каде што некои политички лидери изразуваат загриженост поради ставот на Трамп кон Путин – особено во услови кога Русија ја продолжува војната против Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер