Случај Епштајн: Мозоци од починати луѓе од Македонија, биле праќани во САД за научно истражување - Канал 5

Македонија

Случај Епштајн: Мозоци од починати луѓе од Македонија, биле праќани во САД за научно истражување

Малата балканска земја Македонија придонесува со мозоци од починати пациенти за научни цели во САД со помош на професор на факултетот на Колумбија по потекло од Македонија. 

Случај Епштајн: Мозоци од починати луѓе од Македонија, биле праќани во САД за научно истражување

Ова е дел од текстот насловен „ Лекот стар 50 години кој би можел да ја реши американската криза со самоубиствата“, поврзано со лекот кетамин. Се работи за новинарското истражување на двајца новинари на „Блумберг Бизнисвик“, кое сега станува дел од досието на Епстин. Текстот открива дека американски научници создале банка од околу илјада мозоци од лица што извршиле самоубиство, но и контролни примероци. Органите биле отстранети по смртта на одредено лице, биле веднаш замрзнати и транспортирани во САД за научни цели, правилно означени и архивирани. Не е познато колку мозоци на пациенти биле испратени на истражување.

Актуелниот директор на Судска медицина, Александар Станов, за Канал 5 го потврдува случајот и вели дека и самиот бил дел од истражувачкиот проект што се реализирал меѓу 90-тите и две илјадитите години. Уверува дека се било согласно етичките закони и со дозвола со сите надлежни институции, не се работело за никаков профит, туку напротов за научно-истражувачка дејаност за проучување на пациентите со шизофренија и суицидност, а не за производсто на лекови.

Во проектот освен Станков, како сегашен, според информациите, биле вклучени и неговиот претходник, Алексеј Дума и професорот на Универзитетот „Колумбија, Горазд Росоклија, кои воедно биле и автори на документот објавен на сајтот на американската Национална библиотека за медицина објавен документ од Македонската академија за науките и уметностите насловен „Збирка за психијатриски мозоци во Македонија, Општи лекции за научна соработка меѓу земјите со различно богатство“.

Главната цел за научна соработка меѓу американски и македонски институции, како што пишува во текстот, била проучување на мозочните промени кај шизофренија и други психијатриски нарушувања, преку обдукции. Македонија била избрана затоа што имала висока стапка на обдукции и квалификувани лекари, но недоволно ресурси за истражување.

Содржината за мозоци од Македонија протече во јавноста од меилот кој го примил Основачот на инвестициската компанија „Турмалин Партнерс“ Ике Гроф, но на ниту еден начин не е поврзано со скандалот со покојниот сексуален престапник Епстин, кој нудел средства за истражување на човечкиот мозок.

YouTube video

Тагови: Епштајн

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Видео: Поплави во Кина, евакуирани 54000 жители

Во Кина, околу 54.000 луѓе се евакуирани поради поплави, вклучително и 8.000 преместени во привремени прифатилишта, што е последица на обилните врнежи предизвикани од тајфунот Нара.

Видео: Поплави во Кина, евакуирани 54000 жители

Поплавите особено го погодија регионот Гуангси, а метеоролозите предупредуваат на нови обилни врнежи во наредните денови, јавува CCTV. Водостоите на 15 реки го надминаа прагот за издавање предупредувања.

Снимките емитувани на кинеската телевизија прикажаа поплавени патишта и спасувачи кои газат низ вода длабока до колена, користејќи гумени чамци за да ги евакуираат жителите од поплавените населби.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Драма во Романија, веднаш подигнати два авиона Ф-16

 Радарскиот систем за надзор на Министерството за национална одбрана на Романија регистрираше повремени сигнали во воздушниот простор на Република Молдавија, во областа Кахул, утрово околу 6 часот, поради што беа испратени борбени авиони.

Драма во Романија, веднаш подигнати два авиона Ф-16

Како што беше наведено, еден од тие сигнали подоцна се појавил во областа Таргу Бујор, во округот Галац.

Според соопштението на Министерството за национална одбрана, два авиони Ф-16 на романското воено воздухопловство и еден хеликоптер биле подигнати за да ја следат ситуацијата, пренесува Аџерпрес.

Како што беше наведено, Националниот центар за воена команда го извести Генералниот инспекторат за вонредни ситуации за воспоставувањето мерки за предупредување на населението во зафатеното подрачје.

Ова не е првпат Романија да крева борбени авиони поради војната во Украина, бидејќи беспилотните летала, поради попречување на сигналот, често завршуваат во земјите што граничат со Украина.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

Неделен лабораториски извештај за квалитетот и безбедноста на водата за пиење.

ЈП Водовод и канализација – Скопје: Неделен лабораториски извештај за квалитетот и безбедноста на водата за пиење

ЈП Водовод и канализација – Скопје со цел подобра информираност на граѓаните на град Скопје, го објавува неделниот извештај за квалитетот и безбедноста на водата за пиење, добиен од анализите спроведени во Секторот за санитарна контрола.

Секторот за санитарна контрола во периодот од 17.08.2026 до 21.08.2026 зема 206 примероци за физичко-хемиска и 206 примероци за микробиолошка анализа на вода за пиење од 47 мерни места во Градот Скопје.

Согласно добиените резултати од испитувањата, сите примероци ОДГОВАРААТ на Правилникот за барања за безбедност и квалитет на водата за пиење (Службен весник на РМ, бр.183/18).

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер