Словенија станува „ветена земја“ за Македонците - Канал 5

Македонија

Словенија станува „ветена земја“ за Македонците

Словенија е „магнет“ за македонските државјани, кои пројавуваат голем интерес за работа и живот во оваа држава.

Словенија станува „ветена земја“ за Македонците

Словенечките компании кубурат со кадар подолго време, а најбарани се медицински лица, возачи и општи работници.

Нашите граѓани на денешниот настан насловен „Живот и работа во Словенија“ имаа прилика одблиску да ги видат понудите на фирмите од Словенија, која е мошне атрактивна и за македонските студенти.

Процедурите за вработување и живот во Словенија се мошне олеснети, појаснуваат работодавците од оваа земја. Тие исто така веруваат дека ќе најдат квалитетен кадар во Македонија.

„Бараме добар и квалификуван кадар за работа во Словенија, кој сме сигурни дека ќе го најдеме во Македонија. Имајќи предвид дека во Словенија потребата за работна сила е голема и затоа овде бараме адекватен кадар. Бараме кадар во здравствени институции, домови за стари, граджеништво, угостителство, транспорт ...., изјави, Грегор Прескер, амбасадор на Словенија во Македонија.

„Имаме потреба за возачи од Е-категорија. Нудиме и обука, доколку возачот не е искусен и не нашол работа во Македонија. Обуката трае од еден месец и повеќе, ако е потребно. Имаме одлично искуство со македонските шофери, вредни луѓе, позитивни и уредни луѓе“ - Драган Благојевиќ, вработен во транспортна компанија во Словенија.

На годишно ниво, околу 3800 дозволи за работа во Словенија добиваат македонските државјани, и се очекува таа бројка во иднина значително да расте.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонка осудена во Австралија за убиство

Судот во Австралија ја осуди 51-годишната Македонка Милена Богојевска на осум години затвор, од кои шест без можност за условен отпуст, поради смртта на нејзината 85-годишна сосетка Лолин Вајтхенд. 

Македонка осудена во Австралија за убиство

Богојевска се изјаснила за виновна за убиство од небрежност.

Случајот го потресе Мелбурн во јули 2024 година. Богојевска ја задушила старицата, по што го ставила телото во кеса и го фрлила во реката Марибирнонг.

Два дена подоцна, телото било пронајдено од рибар. Но, случајот не завршил со смртта на 85-годишната жена. По нејзиното убиство, Богојевска од домот на соседката однела пари, накит, банкарски картички и лични документи. Со дел од украдените средства купувала лотариски тикети, ваучери, чевли и „ipad“ уреди, при што потрошила речиси 4.000 австралиски долари.

Судијката Џасинта Форбс остро го оценила нејзиното однесување, опишувајќи го како „опортунистичко, пресметано и себично“. Судот ѝ изрекол осумгодишна затворска казна, од која шест години ќе ги помине без право на условен отпуст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Пензионер од Охрид се заканувал со пиштол за паркинг место

73 годишниот охриѓанец ќе одговара за две сериозни крвична дела, откако му вперил пиштол на турист од Скопје по расправија за паркинг место. 

Пензионер од Охрид се заканувал со пиштол за паркинг место

Охриѓанецот немал дозвола за поседување на оружје, соопшти СВР Охрид..

„ СВР Охрид поднесе кривична пријава против лице на 73 години од охрид поради постоење основи на сомнение за сторени кривични дела „загрозување со опасно орудие при тепачка или караница“ и „неовластено изработување, држење, посредување и тргување со оружје или распрскувачки материи“. На 01.08.2026 во зграда на улица „асном“ во охрид, пријавениот вперил пиштол кон лице од скопје со кое претходно имал расправија за паркинг-простор“, соопштија од охридската полиција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: ЈО по допрен глас да отвори случај за молкот на Филипче за загадената вода во Гостивар додека беше министер

ВМРО-ДПМНЕ го повикува Јавното обвинителство по допрен глас да отвори предмет и да го истражи непостапувањето на Венко Филипче додека бил министер за здравство, во врска со анализите за квалитетот на водата, како во Гостивар, така и низ државата.

ВМРО-ДПМНЕ: ЈО по допрен глас да отвори случај за молкот на Филипче за загадената вода во Гостивар додека беше министер

Документите и информациите доставени од свиркачи укажуваат дека биле направени околу 400 анализи за квалитетот на водата, кои ја покажале неисправна за пиење.

Токму затоа, се поставува прашањето дали и зошто надлежните институции, предводени од тогашната власт на СДС, не презеле соодветни мерки.

Граѓаните имаат право да знаат зошто не биле навремено информирани доколку водата не била безбедна, зошто проблемот со години не бил решаван и дали Филипче бил запознаен со извештаите, а сепак не постапил.

Затоа бараме Јавното обвинителство да ги провери сите анализи и документи, да утврди кој знаел и кој не постапувал и, доколку постои одговорност, таа да биде санкционирана.

Никој не смее да биде заштитен поради политичка припадност или функција.

Граѓаните заслужуваат одговори, одговорност, вистина и правда.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер