Според РТВ Словенија, решението влегува во сила денес, а ќе се применува од петок, 31 мај.
Националниот институт за јавно здравје процени дека сите показатели покажуваат дека ширењето на коронавирусот е забавено, односно дека се регистрирани вкупно 35 нови случаи на инфекција во последните 14 дена. Сепак, бидејќи сè уште постои ризик од ширење на инфекцијата, некои рестриктивни мерки остануваат на сила.
Првиот потврден случај на коронавирус во Словенија е регистриран на 4 март, а до 13 мај биле утврдени 1464 случаи на инфекција, а од коронавирусот починале 103 лица.
Епидемијата на коронавирус беше прогласена во Словенија на 12 март, а со тоа Цивилната заштита доби правна основа за преземање мерки за борба против епидемијата на „ковид-19“.
Според синоќешната владина одлука за „мерките на гранични премини на надворешните граници и контролни пунктови на внатрешните граници на Словенија (Шенген)“, лица кои влегуваат во Словенија кои се нејзини жители или имаат постојан или привремен престој во некоја од земјите на ЕУ и не ја напуштија ЕУ повеќе од 14 дена, на границата се издаваат само предупредувања за епидемиолошки мерки против ширење на коронавирус, освен ако самите не се изјаснат дека имаат ковид-19 или покажуваат сериозни симптоми на болеста.
„Сегашната епидемиолошка состојба овозможува ублажување на некои мерки што беа потребни досега за да се контролира ширењето на ковид-19, но не и нивното укинување како целина“, се вели во соопштението на владата по синоќешната сесија, ставајќи крај на епидемијата и идниот влез и транзит низ Словенија.
Словенечките медиуми ја нарекуваат одлуката „изненадувачка“, со оглед на тоа што премиерот Јанша вчера објави во парламентот дека епидемијата ќе биде отповикана и дека некои ограничувања ќе завршат на крајот на мај. Тие изјавуваат дека крајот на епидемијата на „ковида-19“ досега не е објавена од ниту една друга европска земја и дека некои словенечки експерти сметаат дека епидемијата во „медицинска“ смисла не е отповикана.