Свет

Словенија ги продолжи мерките за контрола на границите со Хрватска и Унгарија за уште 6 месеци

Властите во Словенија одлучија да ги продолжат граничните контроли со Хрватска и Унгарија за уште шест месеци, објавија денеска словенечките медиуми.

Оваа одлука е донесена откако Италија претходно ја објави истата мерка на словенечко-италијанската граница, пренесува СТА.

Министерот за внатрешни работи Боштјан Поклукар, соопштувајќи ја денеска оваа одлука на словенечката влада, рече дека проверките ќе продолжат да помагаат во борбата против криминалот, нагласувајќи дека тие нема значително да влијаат на животот на локалното население.

Поклукар им рече на новинарите дека граничните контроли ќе бидат во сила до 21 декември и дека ги информирал своите колеги во Хрватска, Унгарија и Европската комисија за одлуката на Словенија.

На 21 октомври 2023 година, Италија повторно воведе контрола на внатрешната граница на ЕУ, наведувајќи ја промената на безбедносната ситуација во Европа и на Блискиот Исток и ризиците од тероризам.

Не долго потоа, Словенија реши да го следи примерот и го стори истото на границите со Хрватска и Унгарија.

Бидејќи овие мерки за гранична контрола се пред истекување, двете земји одлучија да ги продолжат за уште шест месеци.

Објаснувајќи ги причините за тоа, Поклукар денеска изјави дека ситуацијата на Блискиот Исток не е подобрена, туку продолжува да ескалира.

„Пограничните проверки ќе продолжат да бидат насочени и ќе останат исти како и досега“, додаде тој.

Неодамна и Австрија ја продолжи граничната контрола со Словенија за уште половина година, до 11 ноември.

Шоу биз

Фото: Бјанка скоро гола во Париз

Контроверзната  Бјанка Сенсори, сопругата на раперот Канје Вест, повторно шокираше со својот стајлинг во јавноста.

Провокативната Бјанка се појави во Париз во најлошото издание досега.

Таа буквално полугола влегла во ресторан. Нејзиниот стијлинг ги шокирал сите присутни.

Бјанка низ улиците на Париз се прошетала скоро гола.

Бјанка излегла на вечера во француската метропола во нешто што изгледа како фустан со „ленти- трегери“ кои ги покривале само нејзините брадавици. Носеше и беж панталони со низок струк кои допираа до нејзините колена.

Секако, по ова издание, социјалните мрежи експлодираа и очекувано стигнаа критики од сите страни.

Забава

Видео: Бастијан Швајнштајгер се загледал во облините на Георгина на Роналдо!!

Легендарниот германски фудбалер Бастијан Швајнштајгер би можел да има проблеми со сопругата славната тенисерка Ана Ивановиќ поради коментарите кои ги дава во живо за време на ЕУРО 2024.

Светската фудбалска легенда е стручен консултант во Германија на емисија посветена на Европскиот шампионат .

Популарниот Швајни во емисија во живо ја коментираше свршениците на капутенот на Португалија, Кристијано Роналдо, бујната Георгина Родригез.

За време на дуелот меѓу Португалија и Чешка, сопругот на екс тенисерката Ивановиќ коментираше снимки од 14. роденден на најстариот син на Кристијано Роналдо за време на преносот на АРД.

Во видеото Георгина облечена во тесно боди и бициклистички , на многу провокативен начин му го подари дресот на Германија на Кристијан Јуниор.

- Нешто се случува таму... Што гледаш? – и вели Бастијан на новинарката Естер Седклачек.

Кога сфатила дека Бастијан не зборува за дресот на Германија, туку за изданието на Георгина, новинарката Естер вели: „О Басти... Во дресот, дресот на Германија!“

Свет

Лондон: Илјадници демонстранти бараа заштита на природата и климата

Илјадници луѓе денеска учествуваа на демонстрациите во Лондон поддржани од еколошката организација Extinction Rebellion и WWF, за да ги повикаат политичарите да донесат одлуки кои ќе ги заштитат природата и климата.

Британската актерка Ема Томпсон и британскиот водител Крис Пакам ги предводеа овие демонстрации повикувајќи „секој да се сврти кон природата сега“.

Демонстрантите го напуштиле Хајд паркот во добра атмосфера и пешачеле до министерската област. На демонстрациите, на кои им се приклучија учесници од целата земја, беа вклучени и некои облечени во животински костими.

„Нема живот без диви животни“, „Нема копче за ресетирање“, пишуваше на транспарентите.

„Престанете да бидете толку неодговорни. Не можам да верувам колку не се посветени на климата за време на изборната кампања“, изјави Ема Томпсон обраќајќи им се на политичарите.

Крис Пакам рече дека „не е многу импресиониран од содржината на програмите“ на различните британски политички партии.

„Кога станува збор за решавање на вистинските големи проблеми, нема суштина, посветеност или решителност да се решат. И тоа е навистина разочарувачки“, рече тој.

Демонстрациите се одржаа точно две недели пред парламентарните избори закажани за 4 јули.

Анкетите во пресрет на изборите покажуваат дека лабуристите имаат поголема поддршка, па затоа се предвидува загуба на конзервативците, кои беа на власт во последните 14 години.

притисни ентер