Живот

Словенечки суд го ослободи поранешниот премиер Јанша од обвиненија за корупција

Суд во Словенија вчера донесе првостепена пресуда со која ги ослободи од обвиненијата за злоупотреба на службената должност и за корупција поранешниот премиер Јанез Јанша и двајцата наводни соучесници.

Јанша, претседателот на најголемата опозициска Словенечка демократска партија, го отфрли обвинението како обид да се отстрани од политиката пред општите избори во 2026 година.

- И покрај тоа што беше јасна и видлива фарса од самиот почеток, обвинителот побара две години затвор, изјави Јанша по излегувањето од судот. Тој додаде дека ова е победа, но оти борбата не е завршена.

Ослободителната пресуда, според него, доаѓа по речиси 15 години испитувања, судења, клевети и кражби на здравје, живот, слобода и време.

- Одложената правда е негирана правда, без разлика каков е крајниот резултат. Затоа нашата борба допрва почнува, рече Јанша.

Стотици негови приврзаници се собраа пред зградата на судот во Целје, веејќи словенечки знамиња и носејќи транспаренти со обвинувања против судството, јавија словенечките медиуми.

Обвинителството најави дека по доставување на писмени образложенија ќе ја обжали пресудата до повисок суд.

Пратеникот во Европскиот парламент Бранко Гримс во изјава за РТВ Словенија рече дека ослободителната пресуда е „резултат на тоа што е невозможно да се брани пресудата пред меѓународната јавност, која исто така беше информирана за настаните“.

Според него, останува фактот дека ова судење никогаш не требало да се случи и оти тоа е „грубо, бесрамно кршење на човековите права“.

- Првото рочиште беше закажано за роденденот на сопругата на Јанез Јанша, Уршка Бачовник, второто рочиште за роденденот на Јанез Јанша, пресудата беше објавена на Велики петок, рече тој и додаде дека тоа е „чисто судско малтретирање“.

Јанша (66) беше обвинет за злоупотреба на службената положба при продажба на имот во 2005 година, во првиот мандат како премиер.

Во предметот беа опфатени и директорите на две фирми Бранко Кастелиќ и Клемен Гантар кои биле вклучени во низа трансакции поврзани со продажба на парцела во сопственост на Јанша во замена за купување стан за него во Љубљана.

Јанша, кој се залагаше за словенечка независност од тогашна Југославија во 1991 година, во 2013 година беше осуден на две години затвор за поткуп во договор со финската одбранбена група „Патрија“ во 2006 година, во вториот мандат како премиер.

Тој ги отфрли сите обвинувања.

Тагови: словенија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Серафимовски до студентите: Бидете генерацијата што преку дигитализацијата ќе ја поврзе земјоделската традиција со иднината

Новата генерација агрономи, инженери и истражувачи има знаење и потенцијал да ја предводи дигитализацијата на македонското земјоделство и да ги поврзе традицијата во производството, науката и технологијата на иднината.

Новата генерација агрономи, инженери и истражувачи има знаење и потенцијал да ја предводи дигитализацијата на македонското земјоделство и да ги поврзе традицијата во производството, науката и технологијата на иднината, порача министерот за земјоделство, шумарство и водостопанство, Борче Серафимовски на првиот академски час на Факултетот за земјоделски науки и храна при Универзитетот „Св. Кирил и Методиј“ во Скопје.

„Дваесет години од мојот професионален живот поминав во високото образование. Затоа денес не доаѓам само како министер, туку и како човек кој добро го познава академскиот свет и верува во неговата моќ да создава знаење и да го менува општеството“, истакна министерот Серафимовски.

Во своето обраќање тој се осврна на климатските промени, зачувувањето на почвата и водата, безбедноста на храната, недостигот од работна сила и потребата од поголема продуктивност. Министерот Серафимовски нагласи дека одговорите на овие предизвици се во поврзувањето на традиционалното знаење со научните истражувања, иновациите и современите технологии.

„Современото земјоделство веќе вклучува сателитски податоци, дигитални карти, сензори, дронови, автоматизирани системи, прецизно наводнување и вештачка интелигенција. Земјоделецот на иднината ќе ја познава земјата, но ќе знае да управува и со податоци. Технологијата нема да го замени човекот, туку ќе му помогне да носи подобри, побрзи и попрецизни одлуки“, порача министерот Серафимовски.

Тој посочи дека соработката меѓу Министерството за земјоделство, шумарство и водостопанство и Факултетот за земјоделски науки и храна ќе се развива како суштинско партнерство преку кое научните сознанија ќе се вградуваат во земјоделските политики и ќе стигнуваат до производителите и компаниите.

„Земјоделството е храната на нашите трпези, почвата и водата, животот во селата, животната средина и сигурноста на државата. Затоа не ја чекајте иднината, бидете проактивни и со љубопитен дух создавајте ја преку знаење, наука, технологија, труд и одговорност. Наша обврска е да создадеме услови вашите идеи да се реализираат овде, во нашата татковина“, порача пред студентите министерот Серафимовски, соопштуваат од МЗШВ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Протест на аеродромот во Приштина- приврзаниците на ОВК ја пречекаа Урсула фон дер Лајен: Денес Тачи, утре Зеленски (ВИДЕО)

Пред најавеното пристигнување на претседателката на Европската комисија, Урсула фон дер Лајен, група Албанци се собраа на аеродромот во Приштина во знак на протест против осудата на поранешните лидери на таканаречената ОВК за воени злосторства.

Демонстрантите го блокираа главниот излез од аеродромот, каде што се очекува да помине претседателката на Европската комисија, но таа помина низ излезот за Липљан, објавува „Коха“.

Како што е објавено, толпата носеше транспаренти во поддршка на Хашим Тачи, Јакуп Красниќи, Кадри Весели и Реџеп Селими, кои беа осудени на вкупно 81 година затвор за воени злосторства од страна на Специјализираните комори во Хаг.

На транспарентите пишуваше „Не во мое име“, „ЕУ, нè предаде“ и „Денес Тачи, утре Зеленски“.

Фон дер Лајен се сретна во Приштина со вршителот на должноста претседател, Албуљен Хаџиу, а беше најавена и средба со премиерот, Албин Курти.

Фон дер Лајен пристигна во Приштина од Тирана, каде што се сретна со претседателот Бајрам Бегај и премиерот Еди Рама.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Епилог од разбиената криминална група во Прилеп: Пронајдени околу 130 илјади евра готовина, запленети луксузни масерати и ленд ровери

Не само во Македонија, членовите на организираната криминална група која вчера беше разбиена во Прилеп, имале нелегални активности и во Грција на Халкидики, а еден од нив бил и бегалец од куќен притвор во Шпанија.

Министерот за внатрешни работи Тошковски во гостување на Радио Лидер откри дека повеке од една година работеле на овој случај кој резултира со над 20 кривични пријави, меѓу кои и полицајци кои и помагале во криминалните дејствија на групата.

Најави дека и понатаму ќе се истражуваат активностите и документите кои се поврзуваат со оваа група која се поврзува со наркотици. пронајдени се околу 130 илјади евра готовина, запленети се десетина возила, меѓу кои и луксузни автомобили масерати и ленд ровери, а постојат сомнежи и за фалсификување на документи и перење пари.. целата шема функционирала над 15 години.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.