Европа

Словачка се закани дека ќе ги блокира постоечките санкции на ЕУ против Русија

Владата на Словачка, покрај ветото на новите рестриктивни мерки кон Москва и заемот за Украина, се закани дека ќе ги укине постоечките санкции кон Русија.

- Словачка ќе го блокира продолжувањето на веќе усвоените мерки за забрана на визи и замрзнување на средства за 2.672 руски поединци и субјекти доколку двајца руски олигарси не бидат отстранети од листата, објави „ЕУОбсервер“ (EUObserver) повикувајќи се на неименувани дипломати од ЕУ.

Воведените санкции против Русија се продолжуваат со консензус на секои шест месеци, а за новото продолжување ќе се одлучува на 15 март. Братислава бара да бидат укинати санкциите против двајца руски олигарси, Михаил Фридман и Алишер Усманов, а за тоа има поддршка од Унгарија.

Унгарија веќе стави вето на 20-от пакет санкции против Русија. Премиерот на Унгарија, Виктор Орбан, исто така, го блокираше заемот од 90 милијарди евра за Украина, обвинувајќи го Киев за блокирање на испораката на руска нафта до Унгарија и Словачка преку нафтоводот „Дружба“.

И Унгарија и Словачка добија привремено ослободување од политиката на ЕУ за забрана за увоз на руска нафта и добија руска сурова нафта преку нафтоводот „Дружба“, што поминува низ Украина, но испораките беа прекинати на крајот на јануари.

Киев тврди дека испораката била прекината бидејќи инфраструктурата на нафтоводот била оштетена во рускиот напад, а Орбан го обвинува украинскиот претседател Володимир Зеленски дека намерно не испорачувал руска нафта во обид да предизвика енергетска криза во Унгарија.

Словачкиот премиер Роберт Фицо, по вчерашниот состанок со претседателката на Европската комисија, Урсула фон дер Лајен, изјави дека се согласиле дека моира да се обнови транзитот на нафта преку „Дружба“.

Тој претходно предупреди дека Братислава е подготвена да го блокира заемот од ЕУ ако Киев продолжи да не испорачува нафта и Орбан ги изгуби парламентарните избори. Доколку Украина не го добие заемот, тоа би можело да предизвика финансиска криза по 1 април.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Лошо второ полувреме за нов пораз на најдобрите фудбалери во Лигата на нации

Најдобрата фудбалска репрезентација на Македонија и покрај осумте нови фудбалери во однос на лошата премиера против Швајцарија, синоќа го доживеа и вториот пораз во новото издание на Лигата на нации.

На гостувањето во Љубљана по лошото второ полувреме, Словенија славеше со 2-0 .

Избраниците на Гоце Седлоски имаа рамноправно прво полувреме, но повторно останаа без реализација. Словенците го скршија нашиот отпор во вториот дел, постигнаа два гола и стигнаа до победа и три бода.

Седлоски направи дури осум промениво стартниот состав во однос на дуелот со Швајцарија. Македонија добро се постави на теренот и во најголемиот дел од првото полувреме успеваше да му парира на домаќинот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Македонски дипломат бил повикан во бугарското МНР, откако на бугарски пратеник не му бил дозволен влез во земјава

Вршителот на должноста шеф во амбасадата на Македонија во Софија вчера бил повикан во министерството за надворешни работи на Бугарија откако на пратеник во бугараскиот парламент не му бил дозволен влез во земјава.

Во соопштението објавено на официјалната веб-страница на бугарското МНР, пишува дека на пратеникот и претседател на парламентарниот комитет за бугарите во странство, Ангел Георгиев на 27 септември не му било дозволено да влезе во Македонија.

Според наведеното, Георгиев како член на бугарска парламентарна делегација требало да присуствува на рочиште од судскиот процес што во Основниот суд во Кочани се води против Ива Михаилова, закажано за следниот ден .

За време на средбата, бугарското министерство за надворешни работи побарало објаснување за причините за одбивањето на надлежните македонски власти да дозволат пратеникот да ја премине границата, особено имајќи го предвид тоа што Георгиев во претходните месеци непречено влегувал во Македонија за истата цел.

Од бугарското МНР велат дека јасно изјавиле оти преземените дејствија од македонска страна ги сметаат за провокативни.

Инаку, на Ива Михаилова ѝ се суди во Кочани за сообраќајна несреќа со смртни последици што се случи минатата година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МАНУ ја промовираше книгата на акад. Таки Фити „Неолибералната економска филозофија: Подем, пад, перспективи“

На 29 септември 2026 година, во Свечената сала на Македонската академија на науките и уметностите, се одржа промоција на книгата на акад. Таки Фити, со наслов „Неолибералната економска филозофија: Подем, пад, перспективи“.

Книгата претставува опстојна студија за неолибералните економски модели што доминираат во современиот свет, со посебен фокус врз факторите што го детерминираа подемот на неолибералната економска филозофија, причините за нејзината криза и новите економско-филозофски размисли за изградба на прогресивно и поправедно општество.

Во книгата, во посебна глава е даден опсежен осврт на карактеристиките на македонскиот економски модел и на основните сегменти во кои тој отстапува од стандардите на економските модели на развиените земји, како и на можните пристапи за разрешување на проблемите.

На промоцијата, на присутните им се обрати акад. Владо Камбовски, уредник на изданието, а за содржината на книгата и за препораките што произлегуваат од неа говореше проф. д-р Владимир Филиповски од Универзитетот „Св. Кирил и Методиј“, од Економскиот факултет во Скопје. На крајот на настанот, свое обраќање одржа и авторот на книгата, акад. Таки Фити.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.