Сега, 25 години по нејзината смрт, руската инвазија го загрозува она што оваа уметничка го остави зад себе. Минатата недела, украинското Министерство за надворешни работи објави дека неколку нејзини слики во музејот во нејзиниот роден град Иванкив, северозападно од главниот град Киев, биле уништени во руските напади.

Но, набрзо се појавија вести дека се зачувани повеќе од 10 дела на Примаченко. Семејната фондација Марија Примаченко, која управува со каталогот на уметничката и ја води нејзината правнука Анастасија, верува дека сите слики од музејот ги спасил локален жител.

„Еден херој успеа да ги спаси сликите од пожарот“, изјави адвокатката Наталија Гнатиук, една од партнерите на фондацијата.

Таа одбила да го именува човекот и да коментира за можната локација на уметничките дела за да ја заштити нивната безбедност.

„Откако ќе заврши оваа војна, ова е првата херојска приказна што ќе ја раскажеме“, додаде таа. „Тие ја мразат нашата култура.

„Сигурна сум дека тоа беше намерно“, рече таа. "Тоа беше првата зграда уништена во Иванкив. Задачата на окупаторите е да ги уништат нашите украински корени, да ја уништат нашата украинска култура - тие ја мразат. И Марија Примаченко не е само симбол на Иванкив... И не само симбол на Украина, но и на целиот свет. Сигурна сум дека тоа беше намерно“.

Според Гнатиук, околу една третина од 3.000 слики што Примаченко ги направила за време на животот се наоѓаат во украинските музеи, додека останатите главно се чуваат во приватни колекции во земјата. Националниот музеј на украинската народна декоративна уметност во Киев има повеќе од 600 нејзини дела.

Вработените во музејот изјавиле за Си-Ен-Ен дека „даваат се` од себе за да ја спасат колекцијата“. Меѓународниот совет на музеи, во меѓувреме, ја повика украинската јавност да помогне во заштитата на културното наследство.

Веста за нападот на музејот во Иванкив минатата недела брзо се прошири низ светот, а странските активисти и уметнички организации се обидоа да ја промовираат работата на Примаченко како чин на солидарност. Конкретно, нејзината слика „Гулабот ги рашири крилјата и бара мир“ од 1982 година, иако не е меѓу оние во збирката на погодениот музеј, стана симбол на потрагата да се стави крај на војната.

Уметничката Марија Кармен Кнехт ја пресоздаде сликата како уличен мурал. Групата наречена Justice Murals, во меѓувреме, ја проектира сликата на страната на зградата во Оукленд, Калифорнија. На собирот во Сан Франциско во неделата, шест уметници и повеќе од 100 учесници ја пресоздадоа сликата како мурал широк 23 метри.

Веднаш над сината боја беше испишана пораката „Стоп за војната во Украина“.

„Тоа е глобален знак на мир, не војна, во многу традиционален украински стил“, заклучиле тие.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.