Живот

Слика на Леонардо да Винчи и натаму е најскапо ремек дело на аукциите- покажа Гинисовата книга

Гинисовата книга на рекорди соопшти дека и покрај кризата на пазарот на уметност, аукциите на врвни дела продолжуваат да ги уриваат историските бројки.

Гинисовата книга на рекорди соопшти дека и покрај кризата на пазарот на уметност, аукциите на врвни дела продолжуваат да ги уриваат историските бројки, но рекордот на сите времиња сè уште го држи ремек делото „Спасителот на светот“ од Леонардо да Винчи, која „Кристи“ ја продаде на саудиското кралско семејство во 2017 година за 450,3 милиони долари.

Последниот врв беше достигнат оваа недела во „Сотби“, каде што „Портретот на Елизабет Ледерер“ од Климт од колекцијата на Леонард Лодер достигна 236 милиони долари, што е рекорд за современ уметник, објави „Анса“.

Еден ден подоцна, Фрида Кало постави нов рекорд за жена уметник: нејзиното дело „Ел суењо“ беше продадено за 54,7 милиони долари.

Уметноста од 20 век продолжува да привлекува силен интерес, забележа „Анса“.

Пред продажбата на Климт, „Сината Мерилин“ од Енди Ворхол достигна цена од 195 милиони долари на аукција „Кристи“ во 2022 година, надминувајќи ја цената од 179,4 милиони долари платена за „Жените од Алжир“ од Пикасо во 2015 година.

Во кругот на уметници чии дела надминале 100 милиони долари се и Модиљани, Џакомети, Сезан, Магрит и Винсент ван Гог, како и Жан-Мишел Баскија, чија слика од череп од 1982 година е продадена за 138 милиони долари во 2017 година.

Кало сега е најскапата жена уметница.

Рекордот за женска скулптура сè уште го држи „Пајакот“ од Луиз Буржоа, која е продадена на аукција „Сотби“ во 2023 година за речиси 33 милиони долари.

Пазарот е помалку поволен за класичните уметници: исклучок е „Тондо“ од Ботичели, кое достигна 92 милиони долари на аукција „Сотби“ во 2021 година, што е втора највисока цена за дело од стар мајстор по „Салватор Мунди“. Најскапата колекција е онаа на технолошкиот тајкун Пол Ален, продадена на аукција „Кристи“ за 1,6 милијарди долари, додека колекцијата на Хари и Линда Меклоу беше продадена на аукција „Сотби“ во 2021 година за 922 милиони долари.

Тагови: Гинисовата книга на рекорди ремек дело

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Муцунски: Јас би се извинил, до овој момент немам одговор од бугарската страна

„Јас би се извинил, до овој момент немам одговор од бугарската страна по објавувањето во јавноста на дипломатска нота за престој на семејството на премиерот Мицкоски и неговото семејство во Бугарија“.

Ова утринава го изјави министерот за надворешни работи и надворешна трговија Тимчо Муцунски.

Тој потенцираше дека се објавени лични податоци на семејството на премиерот. Вчера Мицкоски рече дека со објавувањето на податоците се загрозила безбедноста на неговото семејство, а откри и дека ги информирал и партнерите во НАТО.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Бурек од оризова хартија

Во среда (17.06.2026) во емисијата гостин ни бeше Јелена Спенџарска.

Состојки за денешниот рецепт:

1 јајце

100 гр. урда

100 гр. спанаќ

3 оризови хартии

Моча десерт

150 гр. грчки јогурт

1 протеински пудинг

150 гр. јагоди

1 оризова хартија

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Перински: Ранковце добива нови развојни можности преку европските фондови и владината поддршка

Министерот за локална самоуправа, Златко Перински, денеска оствари работна посета на Општина Ранковце, каде што се сретна со градоначалникот Даниел Павловски, членовите на Советот и општинската администрација.

На средбата се разговараше за актуелните предизвици со кои се соочува Општина Ранковце и можностите за нивно надминување преку поддршката што ја обезбедува Министерството за локална самоуправа.

Посебно внимание беше посветено на можностите што ги нуди Ресурсниот центар за поддршка на општините, преку кој Министерството обезбедува стручна, техничка и советодавна помош за јакнење на административните капацитети, подготовка на плански документи, подобрување на финансиското управување и унапредување на локалните услуги. На состанокот беше истакнато дека Ресурсниот центар претставува важен механизам за поддршка на општините во процесот на поефикасно извршување на нивните надлежности и реализација на развојните проекти.

Во рамки на посетата, се изврши увид и во реализацијата на проектот „Одржлив туризам во искуствена економија“, кој се спроведува во рамки на Интеррег VI-А ИПА Програмата за прекугранична соработка со Република Бугарија.

Проектот има за цел да придонесе кон економскиот развој на прекуграничниот регион преку создавање услови за развој на четирисезонски туризам и одржливо користење на културните и природните ресурси. Вкупната вредност на проектот изнесува 809.303 евра, додека вредноста на активностите што ги реализираат македонските партнери е 522.806 евра. Министерството за локална самоуправа обезбедува национално кофинансирање во висина од 78.420 евра за македонските партнери.

„Посетата на Општина Ранковце, покрај тоа што ја искористив за средба со градоначалникот, советниците и администрацијата, е и можност непосредно да го видиме напредокот на проектите кои се имплементираат во рамки на општината. Проектот „Одржлив туризам во искуствена економија“ претставува пример како европските средства можат да се искористат за валоризација на локалните потенцијали. Со адаптацијата на објектите во селата Петралица и Отошница се создаваат нови содржини кои ќе придонесат за зачувување на традицијата, развој на туризмот и отворање можности за локален економски развој“, изјави Перински.

Тој истакна дека Министерството останува партнер на општините во процесот на користење на европските фондови и потсети дека за овој проект е обезбедено национално кофинансирање од 15 проценти за македонските партнери – Општина Кратово и Општина Ранковце.

Министерот информираше и дека Општина Ранковце започнува со имплементација на нов проект во рамки на ИПА III Програмата за прекугранична соработка со Република Косово, насловен „Активни граѓани за прекуграничен регион без поплави“, чија цел е подобрување на протокот на водите во реките и намалување на ризикот од поплави преку реконструкција на речни корита и инсталирање системи за рано предупредување.

Во рамки на посетата беше истакнато и дека преку Програмата за рамномерен регионален развој за 2026 година се реализира проектот за изградба на локален пат во село Опила, во вредност од над 6 милиони денари, со што дополнително се подобрува патната инфраструктура во општината.

Дополнително, преку двата јавни повика на Владата, во Општина Ранковце се имплементираат вкупно пет инфраструктурни проекти од областа на транспортот во вредност од над 38 милиони денари.

Градоначалникот на Општина Ранковце, Даниел Павловски, истакна дека посетата на министерот претставува значајна поддршка за општината и нејзините развојни заложби.

„За Општина Ранковце претставува особена чест што денес сме домаќини на министерот за локална самоуправа. Неговата посета е потврда дека државата ги препознава потребите на помалите општини и ја поддржува нивната развојна визија. Во моментов успешно го реализираме проектот „Одржлив туризам во искуствена економија“, преку кој инвестираме во развојот на туризмот, зачувувањето на традицијата и создавањето нови можности за локален економски развој“, рече Павловски.

Тој посочи дека особено значење за локалната заедница има реконструкцијата на поранешното училиште во село Петралица.

„Овој објект не е само градба, туку дел од колективната меморија на многу генерации жители на селото. Тука се создавале спомени, се стекнувале знаења и се граделе животни приказни. Токму затоа, една од просториите ќе биде уредена како спомен-соба, со цел да ги зачуваме сеќавањата и да им оддадеме почит на генерациите што поминале низ ова училиште“, истакна градоначалникот Павловски.

Тагови: Златко Перински

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.