Славој Жижек: Влеговме во војна со „Пандемија" и идеите дека ќе заврши набрзо се утопистички - Канал 5

Култура

Славој Жижек: Влеговме во војна со „Пандемија" и идеите дека ќе заврши набрзо се утопистички

Правилата дека треба да се мијат раце, да се избегнуваат блиски контакти, сето ова помага.

Славој Жижек: Влеговме во војна со „Пандемија" и идеите дека ќе заврши набрзо се утопистички

Но, основно е тоа дека ни требаат мерки. Јас ги нарекувам „комунистички мерки", а овие мерки не треба да се однесуваат само на здравјето. Ќе имаме проблеми, од снабдувањето со храна до менталното здравје. Мораме, конечно, да го сфатиме ова сериозно, истакна познатиот словенечки филозоф Славој Жижек на вчерашната онлајн промоција на неговата нова книга „Пандемија".

Делото преведено на македонски јазик е во издание на „Арс Либрис", дел од „Арс Ламина ‒ публикации" и веќе може да се најде во сите книжарници „Литература.мк" или да се купи онлајн.

На вчерашната онлајн промоција на фејсбук страницата на „Литература.мк", како што соопштија од Арс Ламина, можеше да се погледне разговор меѓу уредникот на изданието Филип Видиновски и Жижек. Во неговото дело со поднаслов „Ковид – 19 го тресе светот", познатиот филозоф се осврнува кон тоа како пандемија ќе го трансформира светот во кој живееме.

‒ Она на што бев сведок овде е дека ние знаеме само за две екстремности или луѓето се во паника или велат „готово е, да се вратиме на нормалниот живот". Она што ни треба не е паника туку, конечно, да го сфатиме ова сериозно. И навистина да се мобилизираме. Инаку, ова само ќе продолжи, вели Жижек.

Во разговорот тој ги анализирал мерките кои ги преземаат светските лидери и недостатоците во начинот на кој се справуваме со пандемијата. За решенијата на американскиот претседател Доналд Трамп и на бразилскиот претседател Жаир Болсонаро, се вели во соопштението, кои пропагираат да се отвори економијата, ги нарекува варварски и го опишува како „лотарија" односно „кој преживее, ќе преживее".

‒ Едното решение е тоа, варварското решение на Трамп и Болсонаро и „де факто" многу земји кои немаат добра здравствена инфраструктура ќе бидат принудени да го направат тоа. Другото решение е она на американската технократска дигитална елита. Бил Гејтс, Ендру Куомо, гувернерот на американската сојузна држава Њујорк и други. А, тоа е да се преместат, се разбира, оние што се избрани, а тоа може да биде голем број, во она што се нарекува изолирано општество. Дури и медицинските испити, испораката на храна… Без физички контакт или да се ограничи колку што е можно повеќе. Ова ќе доведе до нови класни тензии, ќе воведе разлика меѓу оние што се внатре и оние што се надвор, невидени проблеми итн. Па, мислам дека единственото вистинско решение е, повторно, не велам дека сè треба да биде национализирано, но многу посилна улога на владата, вели Жижек.

Тој смета дека се потребни добро организирани локални заедници.

‒ Не сум голем љубител на Куба, но слушам дека добро се справува со епидемијата. Во Куба има локални комитети за одбрана на револуцијата. Ми кажаа дека ова во Шпанија било од суштинска важност. Луѓето некако сами се организирале и прогласиле неколку улици за нивна територија. Контролирале кој живее таму, дали има стари луѓе кои не можат да се грижат за себе или болни луѓе. Ова е од суштинска важност. И мора да ја знаете мојата омилена приказна. Во Бразил, во Сао Паоло и Рио де Жанеиро, бандите кои се борат во фавелите го направија, ганстерите го направија она што нашите политичари не можат да го направат. Веднаш склучија мир и почнаа да соработуваат за да им помогнат на луѓето во нивните заедници. Од друга страна, над државната меѓународна соработка. Ова мора да се сфати сериозно. И покрај целата паника, вие, Македонците, не сте исклучок, истакна Жижек.

На крајот од разговорот, тој се осврна и на државава, истакнувајќи дека сочувствува со нашата земја.

‒ Знаете зошто? Затоа што кога се распаѓаше Југославија, иако подоцна имавте етнички проблеми, ситуацијата никогаш не експлодираше. Во основа, некако успеавте да го поминете целиот тој ужасен период. Се надевам дека ако постои Бог, тоа не злобен Бог кој ќе каже: „Македонци, не страдавте доволно во раните деведесетти, па ќе треба да страдате уште малку". Се надевам дека не. Не го заслужувате тоа. Ја сакам вашата земја. Кога бев во вашата земја со мојата жена, се изненадив од тоа што имате сериозен интелектуален живот. Има круг на луѓе кои читаат, дебатираат и така натаму. И сите ние сме загрижени дека во една ваква ситуација, во која популизмот експлодира, културата ќе страда. Се разбира, многу обични луѓе сметаат дека ова е вонредна ситуација, дека нема потреба од култура, дека е време за обезбедување на основните работи. И можат да се скратат средствата за културата. Тоа е она што навистина ме загрижува. Но, навистина ви посакувам сè најдобро. И знам дека оваа епидемија нема да заврши. Ќе продолжи. Сега само можеме да се надеваме на тоа да ја држиме под контрола. Немојте да се губите во утопиите дека за два месеца ќе има вакцина и сите ќе бидеме безбедни. Не, ќе има којзнае какви други проблеми. Но, заедно ќе се справиме со сè, заврши Жижек./МИА.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Шпанија и Аргентина во големото финале - светот денеска добива нов фудбалски владетел

Повеќе од еден месец светот пулсира во ритамот на буба марата. 

Шпанија и Аргентина во големото финале - светот денеска добива нов фудбалски владетел

По 103 одиграни средби вечерва планетата ќе го добие освојувачот на 23 мундијалска фудбалска круна и владетелот во светскиот фудбал во следните 4 години.

За највредната круна во фудбалот по прв пат во историјата ќе играат актулните континентални шампиони на Јужна Америка и Европа, бранителот на светскиот трон Аргентина и најдобриот тим од Стариот континет Шпанија.

Домаќин на првиот судир на двете најдбри екипи на планетата во последните неколлку години е стадионот Метлајф во Њу Џерси.

Големото финале е закажано за 15 часот по локално време или 21 часот по македонско.

Пресметката во Њу Џерси се најавува и како судир меѓу најдобриот светски фудбалер волшебникот од Аргентина Лео Меси и неговиот легитимен наследник тинејџерската сензација од црвената фурија Ламин Јамал.

Кој ќе биде освојувачот на титулата на рекордниот мундијал по многу категории како, најмногу учесници, 48, најголем број на одиграни средби 104 но и најголема добивка шампионот добива 50 милиони долари, ќе дознаеме вечерва околу полноќ по крајот на големата пресметка Шпанија- Аргентина по која ќе биде спуштена завесата на 23 светски фудбалски шампионат чии одлични домачини се САД, Канада и Мексико.

Големото финале само по себе е меч за историја но тоа е интересно и поради фактот што ова ќе биде првата пресметка на светски првенства меѓу Шпанија и Аргентина по пауза од 60 години. Лутите ривали имаат одиграни 13 пријателски средби со максимално изедначен биланс по 6 победи и едно реми.

Последен и досега единствен пат на Шампионатите „црвената фурија“ и „гаучосите“ играле на Светското првенство во Англија во 1966 година. Тогаш, Аргентина победи со 2:1 сега избраниците на Де Ла Фуенти сигурно посакуваат реваш вреден втора титула за Шпанија во историјата. Аргентина пак атакува на 4 фудбалска круна, меси и другарите се учесници на три финалиња на последните 4 Мундијали.

Инаку големото финале кое ќе биде според сите американски стандарди, како Супер болот со настап на светски музички ѕвезди на полувремето поставува нови стандарди во „нефудбалска“ Америка.

На целиот континет владее вистинска треска за фудбалот се бара карта повеќе за стадионот МетЛАЈФ, на црната берза најскапите билети се продаваат за неверојатни 100 илјади долари.

Инаку синоќа во мечот на т.н губиници во малото финале меѓу Франција и Англија, по спектакуларна голеада бронзениот медал заврши на градите на фудбалерите од Гордио Албион кои славеа со резулат од 6-4.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Здравје

Пановски за Канал 5: Состојбата во Гостивар ги исполнува условите да биде прогласена епидемија на гастроентеритис

Состојбата во Гостивар одамна ги исполнуваше условите да биде прогласена епидемија на гастроентеритис – вели во разговор за Канал 5 микробиологот Никола Пановски.

Пановски за Канал 5: Состојбата во Гостивар ги исполнува условите да биде прогласена епидемија на гастроентеритис

Според него, потребна е итна реакција од епидемиолошките институции.

Целиот разговор на Дејан Трајковски со микробиологот Никола Пановски погледнете го во видеото.

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Гостивар пред прогласување на епидемија – над 300 нови пациенти со стомачни тегоби за еден ден

Гостивар е пред прогласување на епидемија од гастроентеритис – бранот на заразата и натаму не стивнува, приемните одделенија на инфективна и педијатрија и натаму се полнат. 

Гостивар пред прогласување на епидемија – над 300 нови пациенти со стомачни тегоби за еден ден

Во изминатово деноноќие со препознатливите симптоми, повраќање и дијареа, помош побарале над 300 пациенти, повеќе од 100 се деца. Хоспитализирани се тројца возрасни, останатите се со полесна клиничка слика. Во меѓувреме во тек е епидемиолошкото анкетирање, но прагот, од Институтот за јавно здравје за прогласување епидемија е надминат, па се очекува во текот на денот да биде прогласена, што за Канал 5 потврди и Центарот за јавно здравје од Тетово, од каде ќе дојде прогласувањето. Таквата состојба треба да донесе до подобра координација на терен, а што се однесува до мерките, уверуваат дека истите се спроведуваат.

-Се надевам дека колегите од Центарот за јавно здравје кои согласно закон се надлежни да ја пријават епидемијата, дека во текот на денот ќе го сторат истото. Надминат е прагот на неделно ниво, тоа мора да се потенцира, дека проблемот со бројот на заразени е во текот на оваа недела. Она што е битно кога зборуваме за пријавување за епидемија, согласно законот, е дека тоа е едно невообичаено зголемување и во споредба со истиот период од претходните години. Она што морам да кажам дека треба да се земе предвид, за да се пријави епидемија треба да има и официјални пријави за заразна болест, до овој период се 140,- - Д-р Драган Кочински – Раководител на одделот „Епидемиологија на заразни заболувања.

Кочински вели дека засега нема индиција дека гостиварци се заразиле од нешто друго, односно причината е водата, но вели резултатите од мострите од водата и микробиолошките мостри од пациентите ќе бидат готови во текот на утрешниот ден, кога точно ќе бидат соопштени резултатите, но и предадени во обвинителството. Што се однесува до проблемот со земањето на примероци од водата, за кои според надлежните на терен имало проблем да се подигнат оти физички им оневозможиле група на граѓани, од СВР Тетово уверуваат дека такво нешто воопшто не се случило.

-Според официјалните евиденции и проверки на ОВР Гостивар, не се регистрирани лица кои ги спречувале или оневозможувале надлежните да земаат мостри од водата за испитување. Во текот на постапката, во просториите на ОВР Гостивар на службен разговор се повикани три лица одговорни во ЈП Водовод и канализација „Комуналец“ Гостивар со цел расчистување на сите околности поврзани со овој случај,- СВР Тетово.

Во меѓувреме на сила останува забраната за користење на водата за било каква цел која ја издаде АХВ, а епидемиолозите препорачуваат истата да не се користи ниту по превривање.

YouTube video

Тагови: Гостивар труење

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер