Шоу биз

Славниот пејач е обвинет дека држи шест жени во заробеништво

Пејачот R Kelly обвинет е дека држи неколку млади жени спротивно на нивната волја во насилен “култ“.

Три поранешни члена од тимот на пејачот изјавиле дека R Kelly ги “контролирал“ жртвите.

„Кели е мајстор за перење мозок...Тој е господар на марионетите“ – изјави еден од нив за „Buzzfeed”.

Родителите на девојките кои го следат Кели на неговите турнеи по САД тврдат дека тој ги држи нив во куќички кои ги изнајмува во сите градови каде престојува, ги тера да го викаат “татичко“, ги снима нивните сексуални односи и физички и вербално ги злоставува кога ќе ги прекршат неговите “правила“.

Асанте Мекги, порано блиска до пејачот, тврди дека Кели моментално со себе води шест жени, чии животи ги контролира во секој аспект.

Им диктира што да јадат, како да се облекуваат, кога да се бањаат, спијат и имаат секс.

Родителите на една девојките се обиделе да стапат во контакт со неа во многу наврати во последните две години, но оваа 21 годишна девојка упорно ја одбивала нивната помош тврдејќи дека се согласила на таков однос.

Родителите на една друга пејачка која Кели ја запознал кога имала 17 години изјавуваат дека нивната ќерка се преселила во една од куќите на Кели, чим станала полнолетна. Мајката на таа девојка не верува во претходните обвиненија против пејачот кои го теретат за детска порнографија.

„Сакаме да се увериме дека таа е со него поради музиката и дека тој и е ментор“ – изјавила мајката. „Тој сакал таа да патува со него, за да ја види одвнатре музичката индустрија“.

Кели во изминативе десет години два пати е уапсен под сомнение дека имал секс со малолетници, но обвиненија никогаш не биле подигнати. Меѓутоа, бил обвинет дека го снимал својот однос со малолетничка во 2006 година, но две години подоцна е ослободен од сите 14 точки од обвинението.

Со останатите кои го обвинуваа за секс со малолетници и претепување на жени постигнуваше спогодби, а сите скандали имаа мало или никакво влијание на неговата кариера.

Адвокатката Линда Менш која го претставува Кели, за „Buzzfeed” изјави дека пејачот искрено ги сака своите фанови и работи 24 часа дневно, седум дена во неделата и се грижи за сите луѓе во својот живот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Несреќа во БиХ, автобус со фудбалери излета од патот, натпреварот веднаш бил откажан!

Натпревар од деветтото коло на Втората лига на Федерацијата Босна и Херцеговина – Центар, меѓу Горажде и Фамос од Храсница, кој требало да се одигра денес, е одложен по сообраќајна несреќа што ја доживеле гостите на пат кон стадионот!

Во еден момент, автобусот со фудбалерите и стручниот штаб на Фамос излетал од патот, а инцидентот предизвикал голема загриженост.

За среќа, од Храсница пристигнале охрабрувачки вести – ниту еден фудбалер не е повреден, додека возачот се здобил само со полесни повреди.

Иако сите фудбалери поминаа без повреди, стресот и шокот по несреќата оставија последици. Во такви околности, тимот не беше во состојба да настапи на натпреварот, па членовите на клубот се упатија назад кон дома по инцидентот. По повод овој настан се огласи и ФК Горажде, од каде официјално потврдија дека натпреварот нема да се одигра во предвидениот термин.

- Ја известуваме јавноста, навивачите и спортската јавност дека натпреварот меѓу Горажде и Фамос е одложен. До одложувањето дојде поради сообраќајна несреќа во која учествуваше екипата на Фамос на пат кон Горажде. Поради сите околности и состојбата во која се наоѓа тимот, натпреварот нема да се одигра во предвидениот термин. Новиот термин за натпреварот ќе биде дополнително одреден и објавен штом ќе се исполнат сите услови – соопштија од Горажде, упатувајќи благодарност за разбирањето.

Најважно е што играчите на Фамос поминале без повреди, а новиот термин за натпреварот ќе биде дополнително објавен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Видео: Меси и Суарез како во своите најдобри денови

Суарез го отвори резултатот во третата минута, а потоа, во 39-тата, го зголеми водството на домашниот тим.

Двата гола на Уругваецот беа постигнати по додавања на Херман Бертераме, па Интер замина на полувреме со сигурна предност од 2:0.

Во продолжението, главната улога ја презеде волшебникот Лео Меси. Аргентинецот погоди во 47-мата минута по асистенција на Суарез, а во 60-тата минута, по додавање на Родриго де Пол, беше поставен конечниот резултат.

🚨EL GOLAZO 934 DE LIONEL, ENCARO ENCARÓ y luego se puso nervioso al definir😅….GOLAZOOOO https://t.co/tp6JsbEeWy
— KING MESSI 10 (@messi10_rey) October 11, 2026

Светските фудбалски ведети на овој меч потсетија на времето од Барселона кога беа неверојатен тандем и вистински машини за постигнување на голови.

Тагови: Лионел Меси

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рубио за нападот на Ријад: „Ова мора веднаш да престане“

Американскиот државен секретар Марко Рубио изјави дека Соединетите Држави остро ги осудуваат најновите напади врз Кралството Саудиска Арабија.

Во соопштението на американскиот државен секретар на мрежата „Икс“ (X) беше потврдено дека еден американски државјанин загинал во новите напади, пренесува Ројтерс.

„Овие срамни напади покажуваат грубо непочитување на животите на невини цивили. Тие мора веднаш да престанат“, напиша Рубио во објавата.

Најмалку 12 лица загинаа, а 309 беа повредени во вчерашниот напад врз меѓународниот аеродром „Кинг Калид“ во саудискиот главен град Ријад – напад за кој саудиските власти ги обвинуваат јеменските бунтовници Хути – соопштија саудиски претставници.

Според официјални лица, ова е најсмртоносниот напад во некоја од арапските земји од Персискиот Залив од почетокот на американско-израелската војна против Иран во февруари.

Тагови: Марко Рубио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.