Славната оскаровка никој не ја препознава, изгледа како дух (ФОТО) - Канал 5

Шоу биз

Славната оскаровка никој не ја препознава, изгледа како дух (ФОТО)

По двегодишна пауза, американската актерка Сандра Булок (56) се врати на филмот во екот на пандемијата на коронавирус.

Славната оскаровка никој не ја препознава, изгледа како дух (ФОТО)

Откако го сними реномираниот пост-апокалиптичен хорор / трилер „Птичја кутија“ за Нетфликс во 2018 година, кој исто така го продуцира, сега работи на неименуван филм за истиот стриминг сервис, што всушност е адаптација на британската мини ТВ серија „Непростено“ од 2009 година.

Оскаровката овие денови е видена на снимањето во Ванкувер, Канада, но со оглед на трансформацијата низ која морала да помине поради улогата, таа изгледа потполно непрепознатливо, уморно и малку несредено, со неуредна коса што и паѓа на рамената.

Булок, во новиот проект на кој работи повторно како продуцент, ја игра Рут Џонс, поранешна осуденичка која се обидува да се врати во нормалниот живот по излегувањето од затвор, каде што завршила за двојно убиство на полицајци.

Со цел да се усогласи со сите епидемиолошки мерки воведени поради ковид-19, Сандра се заштитила на сетот со маска, но и со визир, и секој пат кога ќе влезе во теренецот, темелно нанесува средства за дезинфекција на рацете.

Покрај неа, во претстојниот филм на Нетфликс ќе ги видиме и Виола Дејвис и Винсент Д'Онофри, sвездата на „Светот на Јура“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

По девет дена спасени двајца работници заробени во тунел во Непал

Две лица беа спасени од тунел од хидроцентрала, девет дена по катастрофалните поплави што го погодија Непал, додека повеќе од 4.000 луѓе сè уште се водат како исчезнати.

По девет дена спасени двајца работници заробени во тунел во Непал

Спасувачките екипи, со помош на повеќе од 500 инженери, сè уште трагаат по исчезнати, а властите се надеваат дека дел од околу илјада лица кои се водат како исчезнати во шест хидроцентрали преживеале, бидејќи се засолниле во тунелите или работеле во нив за време на поплавата.. Потрагата е отежната од фактот дека поплавите го промениле теренот околу тунелите, донесувајќи големи количини кал и камења. Бројот на жртви во Непал и Тибет надмина три илјади.

Тагови: Непал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Марта Кос ја откажа посетата на Србија за величењето на Младиќ – поради истата политика на Мицкоски и Стоилковиќ

Европската комесарка за проширување Марта Кос денеска ја откажа планираната посета на Србија поради величењето на осудениот воен злосторник Ратко Младиќ.

СДСМ: Марта Кос ја откажа посетата на Србија за величењето на Младиќ – поради истата политика на Мицкоски и Стоилковиќ

Пораката од Европската Унија и од Кос е повеќе од јасна.

„Величењето што ја придружува неговата смрт е неспоиво со вредностите врз кои се гради патот кон ЕУ. Тој пат бара соочување со минатото, вистинско помирување и почитување на жртвите на воените злосторства“, напиша Марта Кос на X.

Тоа што денеска го кажува Европската Унија е токму она за што СДСМ рeагираше и се случи во Македонија.

Величењето на воен злосторник е неспоиво со европските вредности.

Но, Христијан Мицкоски ги заштити Иван Стоилковиќ и Далибор Китановиќ по нивните ставови и величењето на Младиќ.

Нема оставки. Нема разрешувања. Нема одговорност.

Мицкоски свесно одлучи да ги заштити.

Сега уште појасно се гледа каде ја води Македонија оваа политика на Мицкоски по рецептот на Вучиќ.

Намерна изолација, далеку од ЕУ, антиевропска кампања и одработување за руската агенда, се нмаведува во партиското сопштение.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хаос во центарот на Киев: Руски дрон го погоди седиштетона украинската разузнувачка служба (ВИДЕО)

Руски дрон го погоди седиштето на безбедносната служба на Украина (SBU) во центарот на Киев, а официјални лица изјавија дека нападот бил директно насочен кон канцеларијата на нејзиниот шеф.

Хаос во центарот на Киев: Руски дрон го погоди седиштетона украинската разузнувачка служба (ВИДЕО)

Украинскиот претседател Володимир Зеленски изјави дека дронот ја погодил централната зграда на SBU на улицата Володимирска, спроти историската катедрала „Света Софија“ во градот, објави „Дејли меил“.

„Дронот бил насочен директно кон канцеларијата на шефот на безбедносната служба во таа зграда“, рече Зеленски по разговорите со вршителот на должноста шеф на SBU, Олександр Поклад.

Во нападот се повредени пет лица, според градоначалникот на Киев, додека густ црн чад се издигаше од местото на настанот. Зеленски рече дека службите за итни случаи се на местото на настанот.

Директниот удар се случил по неколкудневни речиси постојани руски воздушни напади врз украинскиот главен град. Снимки од последиците од нападот беа објавени и на социјалните медиуми.

Тагови: Киев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер