Славески: Одлуката е објавена во Службен весник – банките имаат повеќе од 2 месеци да се подготват - Канал 5

Македонија

Славески: Одлуката е објавена во Службен весник – банките имаат повеќе од 2 месеци да се подготват

Одлуката на НБРМ од 1 декември годинава при купување на прв дом – стан или куќа, младите но и брачните парови кои го немаат решено ова прашање да имаат намалено сопствено учество е објавена во службен весник. 

Славески: Одлуката е објавена во Службен весник – банките имаат повеќе од 2 месеци да се подготват

Гувернерот Траjко Славески вели комерцијалните банки имаат цели два и пол месеци за подготовка и очекува да се придржуваат до одлуката, учествoто за прв дом од сегашните 15 да се намали на 10 %, додека за оние кои веќе имаат недвижен имот, и сакаат да купат втор или трет стан учеството наместо досегашните 15 да биде најмалку 25%. Славески уште еднаш ги повика банките да ја разгледаат и опцијата да понудат и различни каматни стапки – пониски за прв стан или куќа, повисоки за останатите.

„ Ние не сме институција која во овој момент ги определува каматните стапки но укажуваме на една практика во светот која што се заснова на проценки на ризик дека смејствата кој прв пат купуваат стан и живеат во него се помал ризик од аспект на сервисирање на обврските и насекаде во светот добиваат поповолни услови од комерцијалните банки. “- Трајко Славески – гувернер на НБРМ.

Дали банките ќе понудат различни каматни стапки и натаму останува неизвесно, Славески вели се уште како централна банка не добиле никаква најава од нивна страна.

„Немаме треба да ги слушнеме веројатно се уште прават проценки, пресметки ние немаме некое ниту неофицијално ниту неофицијална најава од страна на банките мислам дека се уште е рано.... - Трајко Славески – гувернер на НБРМ.

Според народната банка, ваквите мерки се носат со цел да се спречи прекумерна задолженост, но истовремено се и рекација на двоцеифрените стапки на кредитен раст вклучително и станбени кредити што во одредена мера според НБРМ го објаснува и брзиот раст на цените на пазарот на недвожности.

Според нивните податоци за една година цените на становите скокнале за 22 %. Па така доколку се анализираат цените на метар квадратен просечно во главниот град се движат околу 1 800 евра квадрат. Најскапи се становите кои се продаваат во општините Карпош и Центар, од 2 до 3.000 евра.

YouTube video

Тагови: Трајко Славески

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Судбина

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Она што требаше да биде возбудлива авантура се претвори во кошмар за турист од индиската држава Карнатака, откако паднал од висина од речиси 12 метри додека се возел со жичарница во одморалиште во Дандели.

Турист паднал од 12 метри височина, адреналинското возење се претвори во хорор- камерата цело време снимала (ВИДЕО)

Инцидентот се случил кога, според семејството, безбедносниот механизам откажал, објавува NDTV.

Видеото се појави на мрежите

Туристот, идентификуван како К. С. од градот Виџајапура, претрпел повеќекратни скршеници во рацете и нозете откако ја изгубил заштитата на средина од возењето и паднал на земја.

Страшниот инцидент бил снимен со камера, а видеото брзо се проширило на социјалните мрежи.

Според семејството, безбедносната сопирачка на жичарницата „попуштила“, додека К. С. висел во воздух, по што се струполил на земја.

Семејството го обвини менаџментот на одморалиштето за небрежност, тврдејќи дека опремата „не била правилно одржувана“.

Бараат одговорност од менаџментот

Повредениот маж прво бил однесен во Владината болница во Дандели, по што бил префрлен во болница во Виџајапур.

Поради потребата од специјализиран третман, тој подоцна бил префрлен во Мираџ, каде што бил згрижен.

Семејството бара одговорност од менаџментот на одморалиштето, тврдејќи дека „несреќата можела да се спречи“ со редовно одржување на опремата и соодветни безбедносни проверки.

Тагови: туристот

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска.

Жена била избодена за време на молитва во црква

Жена во 50-тите години е сериозно повредена во напад со нож што се случил во црквата на Светиот крст во Трамор, округ Вотерфорд, Ирска, за време на рецитирањето на бројаницата, непосредно пред мисата во 10 часот наутро.

Таа била во главната црква кога била нападната, објавува RTE, по што била однесена во Универзитетската болница Вотерфорд со сериозни, но не опасни по живот повреди.

Полицијата уапсила маж во 30-тите години во блиската куќа и му бил запленет нож. Тој моментално е во притвор во полициската станица во округот Вотерфорд.

Парохискиот свештеник, отец Ричард О'Халоран, потврди дека еден верник е повреден во нападот.

Епархијата Вотерфорд и Лизмор изјави дека е „длабоко шокирана од насилниот инцидент“ што се случил за време на службата, со порака за поддршка на повредената жена и благодарност до верниците кои помогнале „за време на овој ужасен настан“.

Истрагата е во тек, според ирската телевизија.

Тагови: Црква

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Се обиделе да спасат човек да не се удави, па се удавиле петмина- трагедија во Охајо (ВИДЕО)

Две жени и тројца мажи се удавија во американската држава Охајо.

Се обиделе да спасат човек да не се удави, па се удавиле петмина- трагедија во Охајо (ВИДЕО)

Според канцеларијата на шерифот на округот Делавер, трагедијата се случила во неделата навечер на реката Скиото, во близина на резервоарот О'Шогнеси, околу 16 километри северозападно од Колумбус, главниот и најголем град во државата Охајо, објави Њујорк Тајмс.

Група од најмалку седум лица - два пара, нивниот возрасен пријател и две деца - престојувале покрај брегот на реката при зајдисонце. „Некои од нив ловеле риба кога еден од возрасните влегол во реката да плива“, рече шерифот Џефри Балцер.

Детето истрчало на патот и запрело автомобил

Кога пливачот почнал да се бори да остане на површината, двајца други возрасни се обиделе да му помогнат, но самите почнале да тонат. „После тоа, уште двајца возрасни се обиделе да ги спасат, пред сите петмина да исчезнат во реката“, им рече Балцер на новинарите на прес-конференција.

„Не е невообичаено едно лице да почне да се дави, а други да се обидуваат да го спасат, иако немаат потребни вештини, па затоа завршуваме со повеќе смртни случаи“, нагласи шерифот.

Властите беа известени за несреќата откако едно од двете деца истрча на блискиот пат и го запре автомобилот. На возачот му беше кажано дека „неговото семејство е удавено во реката“. Службите за итни случаи веднаш беа испратени на местото на настанот и брзо ги пронајдоа двете жени и ги извлекоа од водата. Набргу потоа, тие беа прогласени за мртви во блиската болница.

Телата на тројцата исчезнати мажи беа пронајдени следниот ден. Шерифот рече дека двете деца, и двете под десетгодишна возраст, биле згрижени од локалните служби за заштита на деца по трагедијата.

Тагови: Охајо удави

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер