Скопскиот аеродром трет по бројот на патници во поранешна Југославија и покрај намалувањето поради кризата - Канал 5

Македонија

Скопскиот аеродром трет по бројот на патници во поранешна Југославија и покрај намалувањето поради кризата

Аеродромите во главните градови на поранешна Југославија овој месец забележаа намалување на летовите и на капацитетот по серијата ревизии на мрежата од страна на авиокомпаниите поради тековниот конфликт на Блискиот Исток.

Скопскиот аеродром трет по бројот на патници во поранешна Југославија и покрај намалувањето поради кризата

Аеродромите во главните градови на поранешна Југославија овој месец забележаа намалување на летовите и на капацитетот по серијата ревизии на мрежата од страна на авиокомпаниите поради тековниот конфликт на Блискиот Исток, зголемувањето на цените на горивата и потенцијалните ограничувања на снабдувањето.

Во споредба со првично поднесените распореди и нивоа на капацитет за април објавени од EX-YU Aviation News кон крајот на март, ситуацијата се промени на неколку аеродроми, а скопскиот аеродром е трет по број на седишта меѓу аеродромите во регионот и со намалувањето на бројот на седишта бележи 32 проценти раст во однос на минатата година.

EX-YU Aviation News пишува дека според ревидираниот распоред аеродромот во Белград треба да понуди 897.733 седишта на редовни летови во април, што е намалување за 36.995 од првичниот план. И покрај намалувањето, ова сепак претставува зголемување од 7,6 проценти во споредба со април 2025 година. „Ер Србија“ останува најголемиот превозник со 433.502 седишта, иако ова е 20.000 помалку од првично планираното, по што следуват „Визер“, „Луфтханза“ и „Туркиш ерлајнс“.

Загреб ќе има 549.720 седишта на редовни услуги, 10.332 помалку од првично поднесеното. Ова претставува пад од 2,6 проценти на годишно ниво. „Кроација ерлајнс“ ја задржува својата позиција како најголем превозник со 203.998 седишта, што е зголемување од 5,4 проценти во споредба со минатата година, пред „Рајанер“, „Луфтханза“ и „Туркиш ерлајнс“.

Скопскиот аеродром изгуби 6.866 седишта по ревизиите на мрежата досега овој месец, со што вкупниот број достигна 393.355. И покрај намалувањето, ова сепак претставува силно зголемување од 32 проценти во споредба со минатата година. „Визер“ останува најголемиот превозник, со зголемен капацитет од 68 проценти, проследен од „Пегасус ерлајнс“ и „Туркиш ерлајнс“, се вели во објавата.

Од „ТАВ Македонија“, концесионерот на аеродромите во Скопје и Охрид, минатиот месец за МИА изјавија дека како резултат на конфликтот на Блискиот Исток можно е одредено ограничено влијание кај некои од дестинациите од домашните аеродроми, но оти засега не се очекуваат поголеми нарушувања во авиосообраќајот. „Визер“ ја прекина редовната авиолинија Скопје - Ларнака откога интересот за резервации на авиобилети се намалил и ќе лета сезонски.

- Внимателно ја следиме состојбата и сме во постојана комуникација со авиопревозниците. Во овој момент не се очекуваат значајни промени во вкупниот број на летови и на патници имајќи предвид дека најголемиот дел од сообраќајот на скопскиот и на охридскиот аеродром е поврзан со дестинации во географска Европа, особено Западна и Северна Европа - изјави Неџат Курт, генерален директор на „ТАВ Македонија“.

Приштинскиот аеродром треба да понуди 390.680 седишта, што е намалување од 7.345 во однос на првичниот план, со вкупен раст на капацитетот во моментот проектиран на 2,6 проценти. „Џи-пи евиејшн“ го држи најголемиот удел, проследен од „Визер“, „Чаир ерлајнс“ и „Пегасус ерлајнс“. Бројот на седишта на аеродромот во Сараево сега изнесува 223.574, што е намалување од 6.820 во споредба со првичните планови. Ова претставува намалување од 5,1 проценти во однос на нивоата од 2025 година. „Рајанер“ е најголемиот превозник, по што следат „Туркиш ерлајнс“, „Пегасус ерлајнс“ и „Аустријан ерлајнс“.

Аеродромот во Подгорица ќе има 205.319 седишта на редовни летови во текот на месецот, што е намалување за 2.505 од првичните планови, но сепак е зголемување од 14,6% во споредба со минатата година. „Виз ер“ треба да стане најголем превозник, по што следат „Рајанер“, „Ер Монтенегро“ и „Туркиш ерлајнс“.

Љубљана, пак, ќе понуди вкупно 191.974 седишта на редовни летови, намалувајќи 11.196 седишта во споредба со претходните проекции, но сепак бележи зголемување од 17 проценти на годишно ниво. „Луфтханза“ ќе биде најголемиот превозник на аеродромот, по што следат „Туркиш ерлајнс“, „Свис“ и „Изиџет“.

Тагови: Меѓународниот аеродром Скопје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Мисајловски на Самитот на НАТО во Анкара

Денеска и утре (7 и 8 јули) во Анкара се одржува Самитот на Северноатлантската Алијансата, каде нашата држава ќе биде претставена од највисока делегација.

Министерот Мисајловски на Самитот на НАТО во Анкара

Денеска и утре (7 и 8 јули) во Анкара се одржува Самитот на Северноатлантската Алијансата, каде нашата држава ќе биде претставена од највисока делегација, предводена од претседателката и врховен командант на Армијата, Гордана Сиљановска – Давкова, а составена од министерот за одбрана Владо Мисајловски, министерот за надворешни работи и надворешна трговија, Тимчо Муцински и началникот на Генералштабот на Армијата генерал-мајор Сашко Лафчиски.

На претстојниот Самит фокус ќе бидат неколку значајни теми меѓу кои и инвестициите наменети за одбраната, развојот на одбранбената индустрија и помошта за Украина.

Министерот Мисајловски во рамки на Самитот ќе учествува на Форумот за одбранбена индустрија; приемот за министри за одбрана организиран од турскиот министер за национална одбрана, Јашар Ѓулер и на церемонијата за приклучување на Франција, Финска и Шведска кон Мултинационалната соработка за воспоставување на НАТО обука за летање во Европа (NFTE – NATO Flight Training Europe).

Во Анкара министерот ќе оствари повеќе работни средби со неговите колеги министри за одбрана на сојузничките земји и ќе учествува на работниот состанок на Северноатлантскиот Совет со партнерите од Индо-пацифичкиот регион (Австралија, Јапонија, Нов Зеланд и Република Кореја).

Тагови: Владо Мисајловски НАТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

СЗО: Нов топлотен бран се формира над Атлантикот, Европа со екстремни горештини

„НОВ топлотен бран веќе се формира над Атлантикот. Прогнозите предвидуваат температури што ќе достигнат 43°C во Португалија и јужна Шпанија уште, неделава. 

СЗО: Нов топлотен бран се формира над Атлантикот, Европа со екстремни горештини

Франција и земјите од Бенелукс се подготвуваат за уште еден топлотен бран, додека делови од Централна Азија веќе се преплавени со температури што надминуваат 40°C“, предупреди д-р Ханс Анри П. Клуге, регионален директор на Светската здравствена организација (СЗО) за Европа, во драматична изјава.

Како одговор на оваа итна и сериозна ситуација, европскиот шеф на СЗО свика итен состанок на кој присуствуваа претставници од 41 земја-членка, Европската комисија и организации од граѓанското општество.

Според Клуге, учеството на над 130 учесници јасно сигнализира дека земјите конечно почнуваат да ја третираат екстремната топлина како вонредна состојба за јавното здравје, а не само како стандардна временска прогноза. Поставеното прашање беше директно: што научивме од минатите топлотни бранови и дали сме подготвени за она што нè очекува?

Клуге оцени дека националните акциски планови за справување со екстремните температури спасуваат животи и ги посочи Италија, Шпанија, Австрија, Белгија и Франција како примери на земји што успешно ги координирале своите здравствени системи.

„Националните одговори покажаа вистински напредок, но исто така и недостатоци што едноставно не можеме да си ги дозволиме. Националните акциони планови за заштита од топлина буквално спасуваат животи. Земјите што ги имаат реагираа брзо и на координиран начин“, истакна Клуге, наведувајќи примери како Италија - која добива податоци во реално време преку следење на смртноста во 45 градови - Шпанија, која соработува со медиумите за комуникација на ризик, и Австрија, Белгија и Франција, кои успешно го ублажија товарот врз нивните здравствени системи.

Тагови: топлотен бран

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Танкер бил погоден од проектил додека пловел во близина на Ормутскиот теснец

Танкер бил погоден од непознат проектил додека пловел во близина на Ормутскиот теснец информираше  британската поморска служба.

Танкер бил погоден од проектил додека пловел во близина на Ормутскиот теснец

Повикувајќи се на неименуван американски функционер, „Волстрит џурнал“ објави дека корпусот на исламската револуционерна гарда на Иран отворил оган врз два комерцијални брода во близина на теснецот.

„Аксиос“, објави дека Иран испукал ракети врз комерцијални бродови што транзитирале низ теснецот. Нападот се случил неколку часа пред американскиот претседател Доналд Трамп да замине на самитот на НАТО во Анкара, Турција, каде што се очекува лидерите да разговараат за безбедноста во протокот, и додека Иран го одбележува повеќедневниот погреб на убиениот поранешен врховен лидер, ајатолахот Али Хамнеи.

Техеран ги прекина кревките преговори со САД, чија цел беше постигнување траен договор за прекин на нивниот конфликт, за време на повеќедневните комеморации за Хамнеи, кој беше убиен во американско-израелски напад во февруари, на првиот ден од војната.

Тагови: Ормутскиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер