Скопската гимназија „Никола Карев“ прво пет френдли училиште во Македонија - Канал 5

Живот

Скопската гимназија „Никола Карев“ прво пет френдли училиште во Македонија

И додека дел од граѓаните на уличните кучиња гледаат како опасност и закана, гимназијата Никола Карев во Скопје ги урива бариерите и ги отвора вратите за овие животни, во вистинска смисла на зборот.

Скопската гимназија „Никола Карев“ прво пет френдли училиште во Македонија

Од неодамна, на кучето Коста и на уште неколку негови „другари“, Никола Карев им кажа добредојде и ги згрижи во школскиот двор, со што стана првото „пет френдли“ училиште во земјава. Ентузијазмот доведе и до формирање на првиот Клуб за миленици. Учениците и целиот училишен персонал, се грижат за состојбата и третманот на кучињата.

Најпосветени биле на часовите по ликовна уметност, каде од старите и неупотребливи клупи и столчиња ги изработиле куќичките за милениците.

Но освен во дворот, кучињата понекогаш се привилегирани да престојуваат и во ходникот. Оваа можност, најчесто ја користи Коста, кучето кое е заштитен знак на гимназијата и омилено меѓу учениците. Во холот има поставено неколку душеци и ќебиња.

Идејата потекнала од самите ученици, раскажува професорката по книжевност Марина Ристовска. Вели, сите од Клубот имаат посебни активности и со голема љубов се грижат за кучињата. Среќна е што добиле и целосна поддршка од раководството на гимназијата за ваквиот хуман гест.

Коста било локално куче скитник кое најчесто се движело околу трговскиот центар „Лептокарија“. Еден ден сосема случајно влегол во гимназијата и како што велат, набрзо ги освоил срцата на децата и професори.

Професорката Ристовска е среќна што биле мотив и за некои од другите гимназии, кои покажале интерес да ги следат нивните чекори и да згрижат некое од уличните кучиња.

Миа и Нора се дел од учениците од Карев кои со голема посветеност се грижат за благосостојбата на кучињата. Посетиле и обука во ЈП „Лајка“, за која велат им била од огромна помош. Чувањето на кучиња во двор и хол на гимназија, велат, не е тешко доколку се работи со љубов.

Тие низ шега раскажуваат дека Коста бил поредовен од некои од учениците во гимназијата. Додаваат дека се грижат и за други кучиња, кои повремено доаѓаат во гимназијата за да добијат храна.

Хуманите ученици најавуваат дека догодина ќе организираат и настан за денот на бездомните кучиња, за да ја зголемат свеста да им се помага на овие животни.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот.

115 лица евакуирани од патнички брод со кој беше изгубен контактот

Вкупно 115 лица се евакуирани од индонезиски патнички брод со 243 патници и членови на екипажот – кој утрово исчезна откако беше изгубен контактот со него во Јаванското Море поради лошите временски услови – при што едно лице загина, а друго е повредено, изјави Дани Рахмат, портпарол на пристанишниот оператор „Пелиндо“.

Претходно, државната агенција за потрага и спасување на индонезија соопшти дека бродот Virgo Transport 8, испловил во саботата од градот Сурабаја во Источна Јава кон Банџармасин во Јужен Калимантан, потоа бил изгубен контактот, што ги поттикнало спасувачите да започнат потрага и да испратат тим на последната позната локација на бродот.

Тагови: брод

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Кушнер: Украина не сака да ѝ отстапи територија на Русија

Територијалното прашање останува да се реши пред да може да се постигне договор за крај на војната меѓу Русија и Украина, но Киев не е подготвен на отстапки, изјави Џаред Кушнер, специјален пратеник на американскиот претседател и негов зет.

Кушнер: Украина не сака да ѝ отстапи територија на Русија

Тој додаде дека американската страна изминатите девет месеци работела на други елементи од мировниот договор, вклучувајќи безбедносни гаранции и механизми за спречување на повторно разгорување на непријателствата.

Кушнер истакна дека за време на преговорите во Москва, рускиот претседател Владимир Путин ги изнел своите територијални барања. „Ако Украина се согласеше да се повлече до таа линија, веќе ќе го имавме подготвено остатокот од договорот. Но, засега, украина не е подготвена да го стори тоа“, рече пратеникот на Трамп.

Тагови: Кушнер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Девет лица загинаа во руски напади во Украина, десетици се ранети

Бројот на цивилните жртви во Украина нагло се зголеми во последните два месеца.

Девет лица загинаа во руски напади во Украина, десетици се ранети

Најмалку девет лица загинаа, а десетици се ранети во серијата жестоки руски воздушни напади врз неколку украински области, во кои се оштетени станбени згради и критична инфраструктура, додека украинскиот претседател Володимир Зеленски соопшти дека Русија загрижувачки ја пренесува војната кон економијата со истрелување на речиси 500 дронови од раните утрински часови.

Бројот на цивилните жртви во Украина нагло се зголеми во последните два месеца поради засилените руски напади врз електроцентралите и другата инфраструктура. Од своја страна, украина изведува напади врз енергетски објекти и магацини во оддалечените области на Русија, а двете страни напаѓаат и бродски пловни објекти.

„Москва ја пренесува војната од фронтот, каде што не постигнува успех, кон економијата, уништувајќи објекти што му помагаат на населението да се справи со воените услови. Русија сака да ја уништи украинската економија и да го скрши нашиот отпор“, изјави Зеленски на Телеграм.

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер