Скопје е за активна комуникација и ангажман со Софија, но не сака влезе во изборната реторика во Бугарија - Канал 5

Македонија

Скопје е за активна комуникација и ангажман со Софија, но не сака влезе во изборната реторика во Бугарија

Постојат политички фактори без ЕУ вредности кои сакаат да ја втурнат Македонија во изборната реторика на Бугарија, предупредува минстерот за надворешни работи Тимчо Муцунски. 

Скопје е за активна комуникација и ангажман со Софија, но не сака влезе во изборната реторика во Бугарија

Тој потенцираше дека државава е за активна комуникација и ангажман со источниот сосед, а Коридорот 8 е доказ дека со Бугарија, како што рече, кога сакаме можеме да соработуваме.

-Во овој момент, во соседна Бугарија течат изборни процеси и треба да бидеме максимално внимателни што ќе кажеме и како ќе се поставиме во моментот, бидејќи ние како држава немаме апсолутно никаков интерес да станеме дел од изборната реторика во соседна Бугарија. Секој кој што сака и цели да не внесе во изборната реторика на Бугарија нема про ЕУ вредности и тоа го гледаме и од одредени чинители во соседна Бугарија но да бидам максимално искрен, тоа го чувствувам и од одредени политички чинители тука,- - Тимчо Муцунски, министер за надворешни работи и надворешна трговија.

Новиот технички премиер на Бугарија - Андреј Ѓуров и неговиот кабинет пак, денеска и официјално ја презедоа функцијата која ќе ја извршуваат до изборите на 19ти април. Ѓуров рече дека неговата цел се чесни избори а не историски пресврти, додека ЕУ за нив претставува гаранција за сигурност и просперитет.

-Потврдувам дека нашиот европски и евроатлантски избор не е тактика, тоа е вредност, тоа е стратегија, тоа е гаранција за сигурност и просперитет. Декларирам јасно и категорично, дека ќе работиме со сојузниците во Европскиот совет, во НАТО и ОН,- - Андреј Ѓуров, технички премиер на Бугарија.

Токму со претседателот на Европскиот совет – Антонио Кошта, на маргините на Минхенската безбедносна конференција, станало збор и за потенцијално решение со Бугарија, меѓутоа, во рамките на добропознатите македонски црвени линии, вели Муцунски.

Тагови: Тимчо Муцунски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На 14 септември камионџиите од Западен Балкан ќе ги блокираат границите кон ЕУ

Проблемот за превозниците се засили со воведувањето на електронскиот систем за влез/излез (EES), со кој автоматски се евидентира престојот на патниците од земји надвор од Шенген-зоната.

На 14 септември камионџиите од Западен Балкан ќе ги блокираат границите кон ЕУ

На 14 септември, професионалните возачи на камиони од Западен Балкан ќе ги блокираат сите гранични премини кон земјите од ЕУ, по потврдената потврда на Европската комисија дека правилото за престој од 90 дена во период од 180 дена во шенген зоната нема да биде променето..

Проблемот за превозниците се засили со воведувањето на електронскиот систем за влез/излез (EES), со кој автоматски се евидентира престојот на патниците од земји надвор од Шенген-зоната. Системот за земјите од Западен Балкан почна да се применува на 12 октомври 2025 година, а по завршувањето на преодниот период следеше целосна имплементација. Според информациите, возачите кои ќе го надминат дозволениот престој од 90 дена во рамките на 180 дена може да бидат вратени во земјата на живеење, додека товарните возила остануваат на местото каде што се наоѓале во моментот на проверката. Превозниците предупредуваат дека ваквите ограничувања создаваат сериозни проблеми за меѓународниот транспорт, бидејќи професионалните возачи, поради природата на работата, често мораат да престојуваат во земјите од ЕУ подолг период.

Тагови: камионџии

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Загина возач на патот Охрид – Кичево, удрил во глутница кучиња и изгубил контрола на возилото

Загина возач на магистралниот пат Охрид- Кичево.

Загина возач на патот Охрид – Кичево, удрил во глутница кучиња и изгубил контрола на возилото

Несреќата се случила ноќеса кога возачот најпрвило удрил во кучиња скитници изгубил контрола на возилото и удрил во металните оградни браници покрај патот и возилото се запалило.

Во возилото било пронајдено телото на починатиот возач. На местото интервенирала екипа на територијалната противпожарна единица Охрид, која го локализирала и изгаснала пожарот. По наредба на јавен обвинител, телото било предадено на судска медицина за обдукција, како и за утврдување на идентитетот на починатото лице.

Тагови: сообраќајка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Активни се пожарите во Маврово и ростуше и гори депонијата кај Шуто Оризари

Активни се два пожари на отворен простор, информираат од ЦУК.

Активни се пожарите во Маврово и ростуше и гори депонијата кај Шуто Оризари

Три пожари се ставени под контрола, а 22 се целосно изгаснати.

Активни се пожарите во општина Маврово и Ростуше, на месноста Голем Брдаш, каде што гори шума, како и во Шуто Оризари, во Визбегово, зад хотелот „New Star“, каде што гори депонија. Под контрола се пожарите над селото Палиград – Преслап во општина Зелениково, во мешана шума, во селото Копаница во општина Сарај, каде што гори нискостеблеста шума и ниска вегетација, како и пожарот кај селата Пискупштина, Буринец и Локов во Струга, каде што е зафатена нискостеблеста шума.

Тагови: пожар

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер